അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരളത്തിലെ മുഖ്യമന്ത്രി തര്ക്കത്തെ ട്രോളി തമിഴ് സംവിധായകന് ആര്.ജെ ബാലാജി. സൂര്യ നായകനായി തിയേറ്ററുകളിലെത്തുന്ന ‘കറുപ്പ്’ എന്ന ചിത്രത്തിന്റെ കേരള പ്രീറിലീസ് ചടങ്ങിനിടെ ആയിരുന്നു സംവിധായകൻ ആർ.ജെ ബാലാജിയുടെ പ്രതികരണം. താരത്തിന്റെ വാക്കുകൾ വൈകാതെ സോഷ്യൽ മീഡിയയിൽ വൈറലായി.
“കേരളവും തമിഴ്നാടും തമ്മിൽ ഒരുപാട് സാമ്യതകൾ ഉണ്ട്. അടുത്തിടെ ഞങ്ങളുടെ നാട്ടിൽ ഒരുപാട് പാർട്ടികളിൽ നിന്ന് നിറയെ പേർ മുഖ്യമന്ത്രി ആകാൻ ശ്രമിച്ചു. കേരളത്തിൽ ഒരേ പാർട്ടിയിൽ നിന്ന് നിറയെ പേർ സിഎം ആകാൻ ട്രൈ ചെയ്യുകയാണ്. ഞങ്ങൾക്ക് ഒരു നല്ല സിഎമ്മിനെ കിട്ടി. നിങ്ങൾക്കും വേഗം ഒരു നല്ല മുഖ്യമന്ത്രിയെ കിട്ടട്ടെ എന്ന് ആശംസിക്കുന്നു. രണ്ട് സംസ്ഥാനങ്ങൾക്കുമുള്ള മറ്റൊരു സാമ്യത സൂര്യ സാറിനോടുള്ള സ്നേഹമാണ്’, ആർ ജെ ബാലാജി പറഞ്ഞു.
ചിത്രം മെയ് 14-ന് ലോകമെമ്പാടുമുള്ള തിയേറ്ററുകളിൽ എത്തും. രണ്ട് പതിറ്റാണ്ടുകൾക്ക് ശേഷം സൂര്യയും തൃഷയും വീണ്ടും ഒന്നിക്കുന്നതാണ് ചിത്രത്തിന്റെ പ്രധാന ആകർഷണം. ഇരുവരും ഇതുവരെ ചെയ്ത വേഷങ്ങളിൽ നിന്ന് വ്യത്യസ്തമായ ഗെറ്റപ്പിലും മേക്കോവറിലുമായാണ് കറുപ്പിൽ എത്തുന്നത്. വൈറൽ ഹിറ്റുകളിലൂടെ ശ്രദ്ധേയനായ യുവ സംഗീത സംവിധായകൻ സായ് അഭ്യങ്കറാണ് ചിത്രത്തിന് സംഗീതം ഒരുക്കുന്നത്.
ഇന്ദ്രൻസ്, നാട്ടി, സ്വാസിക, അനഘ മായ രവി, ശിവദ, സുപ്രീത് റെഡ്ഡി തുടങ്ങിയ പ്രമുഖ താരങ്ങളും ചിത്രത്തിൽ പ്രധാന വേഷങ്ങളിൽ എത്തുന്നു. ഐ എം പി ഫിലിംസാണ് കറുപ്പ് കേരളത്തിലെ തിയേറ്ററുകളിലേക്കെത്തിക്കുന്നത്
