അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഭരണവിരുദ്ധ വികാരം തിരഞ്ഞെടുപ്പ് തോല്വിയില് പ്രധാനകാരണമെന്ന് സിപിഐ. രണ്ടാം പിണറായി സര്ക്കാരിന്റെ കാലത്തെ നടപടികളോട് ജനങ്ങള്ക്കിടയില് ശക്തമായ എതിര്പ്പുണ്ടായിരുന്നെന്നും ഇത് തോല്വിയില് മുഖ്യപങ്ക് വഹിച്ചുവെന്നും സംസ്ഥാന സെക്രട്ടറിയേറ്റ് തയ്യാറാക്കിയ റിപ്പോര്ട്ടില് പറയുന്നു.ന്യൂനപക്ഷ ഏകീകരണം, സംഘടനാ വീഴ്ച, സ്ഥാനാര്ഥി നിര്ണയത്തിലെ പാളിച്ചകള് എന്നിവയും തോല്വിക്ക് കാരണമായതായി സിപിഐ വ്യക്തമാക്കി. താഴേത്തട്ടിലെ ചര്ച്ചകള് വിലയിരുത്തിയാണ് സംസ്ഥാന സെക്രട്ടേറിയേറ്റ് റിപോര്ട്ട് തയാറാക്കിയത്.
നാളത്തെ സംസ്ഥാന എക്സിക്യൂട്ടീവ് ചേര്ന്ന് റിപോര്ട്ട് അന്തിമമാക്കും. സംസ്ഥാന സെക്രട്ടറിയേറ്റ് പിരിച്ചുവിടണമെന്ന് പരസ്യ പ്രതികരണം നടത്തിയ മുതിര്ന്ന നേതാവ് കെ ആര് ചന്ദ്രമോഹനെ താക്കീത് ചെയ്യാനും സംസ്ഥാന സെക്രട്ടേറിയേറ്റ് യോഗത്തില് ധാരണയായി. ചന്ദ്രമോഹനനെ ശാസിക്കാനാണ് ധാരണ. മറ്റന്നാള് ചേരുന്ന സിപിഐ സംസ്ഥാന കൗണ്സിലില് അന്തിമ തീരുമാനമെടുക്കും.
Story Highlights : Election defeat; CPI says anti-government sentiment is the main reason
