അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തമിഴരെ കണ്ടു പഠിക്കണം എന്നു പറയുന്നത് ഇതാണ്. സനിമയും രാഷ്ട്രീയവും ഒന്നായി കാണുമ്പോഴും തമിഴ് ജനതയോടെ എങ്ങനെ ഇടപെടണമെന്ന് നേതാക്കള്ക്ക് കൃത്യമായി അറിയാം. അതാണ് വിജയ് പിന്തുടര്ന്നതും. വൈകാരികമായ അടുപ്പവും, സ്നേഹവും കാണിക്കുന്തോറും തമിഴ് മക്കള് ചേര്ന്നു ചേര്ന്നു നില്ക്കും. അവര്ക്ക് എന്തും വിഷമഘട്ടം വന്നാലും അവരോട് കൂടെ നില്ക്കുമ്പോഴാണ് തമിഴ്നാടിന് വികസനത്തിന്റെ പാതി തുറന്നു കിട്ടുന്നത്. വിജയ് തന്റെ പാര്ട്ടിയായ ടി.വി.കെ രൂപീകരിച്ച് അതില് അംഗങ്ങളെ ചേര്ക്കുമ്പോള് പറഞ്ഞ ഒരു കാര്യം മാത്രം മതി അതിനെ സാധൂകരിക്കാന്. എനിക്ക് ജനങ്ങളുടെ ഒരു രൂപ പോലും വേണ്ട. ജനങ്ങളുടെ പണം ആരെയും എടുക്കാനും സമ്മതിക്കില്ല, എടുത്താല് വിടുകയുമില്ല.
അവിടെ നിന്നും തമിഴ്നാട് മുഖ്യമന്ത്രി പദത്തിലേക്ക് വെറും മാസങ്ങളുടെ പ്രവര്ത്തന മികവു കൊണ്ട് എത്തിപ്പെടാന് വിജയ്ക്ക് സാധിച്ചു. ഈ സര്ക്കാരിനെ താഴെയിറക്കാന് 15 ടി.വി.കെ. എം.എല്എമാരെ ചാക്കിടാന് ഡി.എം.കെ. ശ്രമിക്കുമ്പോള് അഴര്ക്ക് ഓഫര് ചെയ്തിരിക്കുന്നത് 35 കോടി വീതമാണ്. അപ്പോള്ത്തന്നെ വിജയ് എങ്ങനെയാണ് തമിഴ്നാട് ഭരിച്ചു തുടങ്ങിയതെന്ന് വ്യക്തമാവുകയാണ്. ഇതാ ഇപ്പോള് തന്റെ പ്രചാരണത്തിനു വേണ്ടി ഇറങ്ങിയ ജനങ്ങളെ സഹായിക്കാന് തീരുമാനിച്ചിരിക്കുകയാണ്. കരൂര് ദുരന്തത്തില് മരിച്ചവരുടെ കുടുംബത്തില് ഒരാള്ക്ക് സര്ക്കാര് ജോലി നല്കാന് വിജയ് സര്ക്കാരിന്റെ തീരുമാനം. വിജയ് നേരിട്ട് നിയമന ഉത്തരവ് കൈമാറും. ഈ മാസം പത്തിന് വിജയ് കരൂരില് എത്തും. 41 പേരാണ് ദുരന്തത്തില് മരിച്ചത്. 2025 സെപ്റ്റംബര് 27 നാണ് തമിഴ്നാടിനെ നടുക്കിയ ദുരന്തമുണ്ടായത്.
വിജയിന്റെ രാഷ്ട്രീയ പാര്ട്ടിയായ ടിവികെയുടെ തിരഞ്ഞെടുപ്പ് പ്രചാരണ റാലിയ്ക്കിടെയാണ് അപകടമുണ്ടായത്. റാലിയില് പങ്കെടുക്കാന് വന് ആള്ക്കൂട്ടമാണ് കരൂരിലേക്ക് എത്തിയത്. ഏഴു മണിക്കൂറോളം വൈകിയാണ് വിജയ് എത്തിയത്. അദ്ദേഹത്തിന്റെ വാഹനവ്യൂഹം എത്തിയതോടെ ജനക്കൂട്ടം ഒരുമിച്ചു മുന്നോട്ട് ഇരച്ചുകയറാന് ശ്രമിച്ചു.തുടര്ന്ന് അനിയന്ത്രിതമായ തിക്കും തിരക്കമുണ്ടാവുകയായിരുന്നു. അതേസമയം, മുന് മന്ത്രിമാരും എം.എല്.എമാരും ഇരുപതിനായിരത്തിലേറെ പ്രവര്ത്തകരും ടി.വി.കെയില് ചേര്ന്നതോടെ അണ്ണാഡി.എം.കെയുടെ നിലനില്പ്പു ഭീഷണിയിലായി. മഹാബലിപുരത്തെ റിസോര്ട്ടില് ടി.വി.കെ നടത്തിയ പരിപാടിയില് പുതുക്കോട്ടയില് നിന്നും കരൂരില് നിന്നും അഞ്ഞൂറിലധികം ബസുകളിലും ആയിരത്തിലധികം കാറുകളിലുമാണു പ്രവര്ത്തകര് എത്തിയത്.
പുതുക്കോട്ട ജില്ലയിലെ വീരാളിമല മണ്ഡലത്തില് നിന്നു വിജയിച്ച സി. വിജയഭാസ്കര്, കരൂര് മണ്ഡലത്തില് വിജയിച്ച എം.ആര്.വിജയഭാസ്കര് എന്നിവര് എം.എല്.എ സ്ഥാനം രാജിവച്ച് ടി.വി.കെയിലെത്തി. മണ്ഡലത്തില് നന്ദി പര്യടനം നടത്തി ജനാഭിപ്രായം വിലയിരുത്തിയ ശേഷമാണ് കഴിഞ്ഞ ജൂണ് 16നു സി.വിജയഭാസ്കര് എം.എല്.എ സ്ഥാനം രാജിവച്ചത്. വിമതനീക്കം നടത്തിയതിനാല് പാര്ട്ടി പരിഗണിക്കുന്നില്ലെന്ന പരാതിയിലായിരുന്നു എം.ആര്.വിജയഭാസ്കറിന്റെ രാജി. അണ്ണാഡിഎംകെയില് അര്ഹമായ പരിഗണന ലഭിക്കാത്തതില് കൂടുതല് എം.എല്.എമാരും നേതാക്കളും കലഹത്തിലാണ്.
മുന് മന്ത്രിമാരായ എം.എസ്.എം.ആനന്ദന്, എസ്.വളര്മതി എന്നിവരും മുന് എംഎല്എമാരായ ഇ.എം.മന്രാജ് (ശ്രീവില്ലിപുത്തൂര്), എം.എസ്.ആര്.രാജവര്മന് (തിരുച്ചുളി), എസ്.വി.തിരുജ്ഞാനസംബന്ധം (പെരവുരണി), എസ്.സുന്ദര്രാജന് (ശങ്കരി) തുടങ്ങിയവരും ടിവികെയില് ചേര്ന്നു.
