അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ദേശീയതലത്തിൽ നടന്ന ഓൾ ഇന്ത്യ നൗ സൈനിക് ക്യാമ്പിൽ കേരള-ലക്ഷദ്വീപ് എൻ.സി.സി. ഡയറക്ടറേറ്റിന് രണ്ടാംസ്ഥാനം.
മികച്ചനേട്ടം കൈവരിച്ച കേഡറ്റു കളെ, കൊച്ചി സതേൺ നേവൽ കമാൻഡിൽ നടന്ന പ്രൗഢഗംഭീര ചടങ്ങിൽ എൻ സി സി
അഡീഷണൽ ഡയറക്ടർ ജനറൽ മേജർ ജനറൽ അരുണ് സി.ജി., SM, VSM അഭിനന്ദിച്ചു. മഹാരാഷ്ട്രയിലെ ലോണാവലയിലെ ഐ.എൻ.എസ്. ശിവാജിയിൽ ജൂലൈ 2 മുതൽ 11 വരെ നടന്ന ഓൾ ഇന്ത്യ നൗ സൈനിക് ക്യാമ്പിൽ രാജ്യത്തെ 17 എൻ.സി.സി. ഡയറക്ടറേറ്റുകൾ പങ്കെടുത്തു.
വിവിധ മത്സരങ്ങളിൽ വിജയിച്ച് കേരള-ലക്ഷദ്വീപ് ഡയറക്ടറേറ്റ് റണ്ണേഴ്സ്-അപ്പ് സ്ഥാനം കരസ്ഥമാക്കി. ദേശീയതലത്തിൽ എൻ.സി.സി. നാവിക വിഭാഗത്തിലെ ഏറ്റവും അഭിമാനകരമായ മത്സരങ്ങളിലൊന്നാണ് ഓൾ ഇന്ത്യ നൗ സൈനിക് ക്യാമ്പ്.
ഫയറിംഗ്, സീമാൻ ഷിപ്പ്, ഷിപ്പ് മോഡ ലിംഗ്, സർവീസ് സബ്ജക്ട്പരീക്ഷ തുടങ്ങി വിവിധ ഇനങ്ങളിൽ മികച്ച പ്രകടനം
കാഴ്ചവെച്ച ഡയറക്ടറേറ്റ് മൂന്ന് സ്വർണവും ഒമ്പത് വെള്ളിയും ഒമ്പത് വെങ്കലവും ഉൾപ്പെടെ 21 മെഡലുകൾ കരസ്ഥമാക്കി.
നിരവധി ഇനങ്ങളിൽ കേരളത്തിന്റെ പ്രകടനം രാജ്യത്തെ മികച്ച ഡയറക്ടറേ റ്റുകളേക്കാൾ മികച്ച തായിരുന്നു. സംസ്ഥാനത്ത്
നിന്ന് 24 ആൺകുട്ടികളും 12 പെൺകുട്ടികളും പങ്കെടുത്തു.
കാസർഗോഡ് മുതൽ തിരുവനന്തപുരം വരെ സംസ്ഥാനത്തിന്റെ വിവിധ ജില്ലകളിലുള്ള എൻ.സി.സി. നാവിക യൂണിറ്റുകളിൽ
നിന്ന് തെരഞ്ഞെടുത്ത കേഡറ്റുകൾക്ക് യൂണിറ്റ്, ഗ്രൂപ്പ്, ഡയറക്ടറേറ്റ് തലങ്ങളിൽ മികച്ച പരിശീലനം നൽകി യാണ് അഭിമാന നേട്ടം കൈവരിച്ചത്. സതേൺ നേവൽ കമാൻഡിന്റെ ലോകോത്തര നിലവാരത്തിലുളള പരിശീലന സൗകര്യങ്ങളും ഇന്ത്യൻ
നാവികസേനയുടെ വിദഗ്ധ പരിശീലനവും ടീമിന്റെ ആത്മവിശ്വാസവും പ്രൊഫഷണൽ മികവും ഉയർത്തുന്നതിൽ നിർണായക പങ്കുവഹിച്ചു.
അനുമോദന ചടങ്ങിൽ സംസാരിച്ച മേജർ ജനറൽ അരുണ് സി.ജി. ഈ വിജയം ഒരു മത്സരത്തിലെ നേട്ടം മാത്രമല്ല, കേരളത്തിലെ യുവജനങ്ങളുടെ അച്ചടക്കത്തിന്റെയും കൂട്ടായ പ്രവർത്തനത്തിന്റെയും പ്രതിബദ്ധതയുടെയും തെളിവാണെന്ന് പറഞ്ഞു.
പരിശീലനത്തിന് നേതൃത്വം നൽകിയ എറണാകുളം ഗ്രൂപ്പ് കമാൻഡർ കമഡോർ ജോസ് വികാസ്, വിവിധ നാവിക എൻ.സി.സി.
യൂണിറ്റുകളിലെ ഓഫീസർമാർ, അസോസിയേറ്റ് എൻ.സി.സി. ഓഫീസർമാർ, പി.ഐ. സ്റ്റാഫ്, പരിശീലകസംഘം എന്നിവരെയും അദ്ദേഹം അഭിനന്ദിച്ചു. പരിശീലനത്തിനാവശ്യമായ എല്ലാ പിന്തുണയും സൗകര്യങ്ങളും നൽകിയ ദക്ഷിണ നാവികസേനാ മേധാവി,
വൈസ് അഡ്മിറൽ സമീർ സക്സേനയോടും AVSM, NM, അദ്ദേഹം നന്ദി രേഖപ്പെടുത്തി.
