അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ലോകമെമ്പാടുമുള്ള മാർവെൽ സിനിമാറ്റിക്ക് യൂണിവേഴ്സിന്റെ ആരാധകർ ആവേശപൂർവ്വം കാത്തിരിക്കുന്ന സ്പൈഡർമാൻ: ബ്രാൻഡ്ന്യൂ ഡേ ഇന്ത്യയിൽ ഇംഗ്ലീഷിനൊപ്പം ഹിന്ദി, മലയാളം,തമിഴ്,തെലുങ്ക്, കന്നഡ എന്നിവയുൾപ്പടെ 6 ഭാഷകളിൽ റിലീസ് ചെയ്യും.2D, 3D, 4DX, MX4D 3D, ICE 3D, Dolby Cinema 2D, Dolby Cinema 3D, 2D ScreenX, 4DX 3D, 3D ScreenX, ICE, EPIQ തുടങ്ങിയ വിവിധ ഫോർമാറ്റുകളിൽ സ്പൈഡർമാൻ ഇന്ത്യൻ സ്ക്രീനുകളിൽ ലഭ്യമാകും.മാർവൽ സ്റ്റുഡിയോസും സോണി പിക്ചേഴ്സും ചേർന്നവതരിപ്പിക്കുന്ന ചിത്രം ഇന്ത്യയിൽ വിതരണം ചെയ്യുന്നത് സോണി പിക്ച്ചേഴ്സ് ഇന്ത്യയാണ്. അമേരിക്കയിൽ ജൂലായ് 31 ന് റിലീസാകുന്ന ചിത്രം ഒരു ദിവസം മുൻപ് (ജൂലായ് 30) ഇന്ത്യൻ പ്രേക്ഷകർക്ക് മുന്നിലെത്തും.ടോം ഹോളണ്ട് നായകനാകുന്ന ചിത്രം ആദ്യ ദിനം ഇന്ത്യയിൽ നിന്ന് 50 മുതൽ 60 കോടി വരെ ഗ്രോസ്സ് കളക്ഷൻ നേടാൻ സാധ്യതയുണ്ടെന്നാണ് ട്രേഡ് അനലിസ്റ്റുകളുടെ വിലയിരുത്തൽ.
ഇന്ത്യയിൽ ഹോളിവുഡ് ചിത്രങ്ങളുടെ ഏറ്റവും വലിയ ഓപ്പണിംഗ് ഡേ റെക്കോർഡ് ഇപ്പോഴും അവഞ്ചേഴ്സ് എൻഎൻഡ് ഗെയിമിന്റെ പേരിലാണ്. ഏകദേശം 65 കോടി ഗ്രോസ് നേടിയ ചിത്രത്തിന്റെ റെക്കോർഡിനെയാണ് സ്പൈഡർമാൻ – ബ്രാൻഡ് ന്യൂ ഡേ ഇപ്പോൾ ലക്ഷ്യമിടുന്നത്.50–60 കോടി ഓപ്പണിംഗ് നേടാൻ കഴിഞ്ഞാൽ, കഴിഞ്ഞ ഒരു ദശാബ്ദത്തിനിടെ ഇന്ത്യയിൽ എൻഡ് ഗെയിം റെക്കോർഡിനെ ഏറ്റവും ശക്തമായി വെല്ലുവിളിക്കുന്ന ഹോളിവുഡ് ചിത്രമായി സ്പൈഡർമാൻ – ബ്രാൻഡ് ന്യൂ ഡേ മാറും.ഡസ്റ്റിൻ ഡാനിയേൽ ക്രെട്ടൻ സംവിധാനം ചെയ്യുന്ന ചിത്രം, ടോം ഹോളണ്ടിന്റെ പീറ്റർ പാർക്കർകഥാപാത്രമായുള്ള നാലാമത്തെ സ്വതന്ത്ര സ്പൈഡർമാൻ ചിത്രമാണ്. സ്പൈഡർമാൻ – നോ വേ ഹോമിന് ശേഷമുള്ള സംഭവങ്ങളാണ് പുതിയ ചിത്രത്തിന്റെ പശ്ചാത്തലം.ഇന്ത്യയിലെ വൻ ഓപ്പണിംഗിനൊപ്പം ആഗോള ബോക്സോഫീസിലും ചിത്രം വൻ തുടക്കമാണ് ലക്ഷ്യമിടുന്നത്. ആദ്യ വാരാന്ത്യത്തിൽ ഏകദേശം 550 മില്യൺ ഡോളർ വരെ ആഗോള കളക്ഷൻ നേടാൻ സാധ്യതയുണ്ടെന്നാണ് നിലവിലെ ട്രാക്കിങ് റിപ്പോർട്ടുകൾ നല്കുന്ന സൂചന.
