അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ശബരിമലയിലെ മില്മയുടെ വ്യാജ നെയ്യ് വില്പ്പനയില് ദേവസ്വം മന്ത്രി കെ. മുരളീധരന് ദേവസ്വം കമ്മീഷണറോട് റിപ്പോര്ട്ട് തേടി. കേസില് പ്രാഥമികമായി തന്നെ കുറ്റം തെളിഞ്ഞെന്ന് കെ. മുരളീധരന് പറഞ്ഞു. നെയ്യ് കൊടുത്തവര്ക്കും വാങ്ങിയവര്ക്കും ദേവസ്വം ഉദ്യോഗസ്ഥര്ക്കും പങ്കുണ്ട്. വിശ്വാസികളുടെ വിശ്വാസത്തെ ഹനിക്കുന്ന പ്രവൃത്തികള് അംഗീകരിക്കാന് ആവില്ലെന്നും റിപ്പോര്ട്ട് ലഭിച്ച ശേഷം തുടര് നടപടികളെടുക്കുമെന്നും അദ്ദേഹം കൂട്ടിച്ചേര്ത്തു. നെയ്യ് വിതരണത്തിനുള്ള കരാര് ഘട്ടം മുതല് ക്രമക്കേട് ആരംഭിച്ചെന്നാണ് അന്വേഷണത്തില് കണ്ടെത്തിയത്. പത്തനംതിട്ട യൂണിറ്റില് നിന്ന് പമ്പയിലേയ്ക്ക് നെയ്യ് എത്തിക്കുന്ന കരാറില് ഉദ്യോഗസ്ഥരുടെ ഒത്താശയോടെ ഒരേ വ്യക്തിക്ക് അനുകൂലമായി ടെന്ഡര് ക്രമീകരിച്ചതായും റിപ്പോര്ട്ടില് പറയുന്നു. തുടര്ന്ന് പത്തനംതിട്ടയില് നിന്ന് പുറപ്പെട്ട ലോഡില് മറ്റൊരിടത്ത് നിലവാരം കുറഞ്ഞ തമിഴ്നാട് നെയ്യ് ചേര്ത്തതായും അന്വേഷണത്തില് കണ്ടെത്തിയിരുന്നു.
