അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: നീറ്റ് പരീക്ഷ ക്രമക്കേടും, കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാന്റെ രാജിയും ആവശ്യപ്പെട്ട് ഡൽഹിയിൽ നടന്ന വിദ്യാർഥി സമരത്തിന് ഐക്യദാർഢ്യം പ്രഖ്യാപിച്ച് കേരളത്തിൽ പ്രതിഷേധിച്ചവർക്കെതിരെ കേസ് എടുത്ത നടപടി പിൻവലിക്കുമെന്ന് ആഭ്യന്തരമന്ത്രി. ഇത്തരത്തിൽ രജിസ്റ്റർ ചെയ്ത എത്ര കേസുകളുണ്ടെങ്കിലും ഇവയെല്ലാം പിൻവലിക്കണമെന്ന് ഡിജിപിക്ക് നിർദേശം നൽകിയതായും ആഭ്യന്തര മന്ത്രി രമേശ് ചെന്നിത്തല അറിയിച്ചു. പ്രതിപക്ഷ നേതാവ് പിണറായി വിജയൻ ഉൾപ്പെടെ നൽകിയ പരാതിക ളുടെ അടിസ്ഥാനത്തിലാണ് ആഭ്യന്തര വകുപ്പിന്റെ നീക്കം. കേസുകൾ പിൻവലിക്കാൻ പിണറായി വിജയൻ ആവശ്യപ്പെട്ടിരുന്നുവെന്നും, മുഖ്യമന്ത്രിക്ക് അദ്ദേഹം നൽകിയ കത്ത് മുഖ്യമന്ത്രി ആഭ്യന്തര വകുപ്പിന് കൈമാറിയിരുന്നുവെന്നും രമേശ് ചെന്നിത്തല പറഞ്ഞു.
അതേസമയം പിഎം ശ്രീ വിഷയത്തിലും ചെന്നിത്തല പ്രതികരിച്ചു. പദ്ധതിയിൽ ഒപ്പിട്ടത് സിപിഎമ്മാണെന്നും സിപിഐയോട് പോലും അന്ന് ചോദിച്ചിരുന്നില്ലെന്നും ചെന്നിത്തല പറഞ്ഞു. പിൻവാങ്ങാൻ പറ്റുമെങ്കിൽ അന്ന് ജോൺ ബ്രിട്ടാസ് എന്തുകൊണ്ട് മുഖ്യമന്ത്രിയോട് പറഞ്ഞില്ല. മുഖ്യമന്ത്രിയുടെ ചെവിയിലെങ്കിലും അദ്ദേഹത്തിന് പറയാമായിരുന്നല്ലോ എന്നും രമേശ് ചെന്നിത്തല ചോദിച്ചു.
അതിനിടെ ഓപ്പറേഷൻ തൂഫാന്റെ ഭാഗമായി സംസ്ഥാനത്തെ ജയിലുകളിൽ നടക്കുന്ന പരിശോധനയെക്കുറിച്ചും ആഭ്യന്തര മന്ത്രി പ്രതികരിച്ചു. ജയിലുകളിൽ പുലർച്ചെ മുതൽ പരിശോധന നടന്നുകൊണ്ടിരിക്കുകയാണെന്നും മന്ത്രി അറിയിച്ചു. ജയിലുകളിൽ വ്യാപകമായി കഞ്ചാവ് ഉപയോഗിക്കുന്നുവെന്ന വിവരത്തിന്റ അടിസ്ഥാനത്തിലാണ് നടപടി. ജയിൽ, പോലീസ് സംയുക്ത പരിശോധനയാണ് നടക്കുന്നതെന്നും മന്ത്രി വ്യക്തമാക്കി.
തിരുവനന്തപുരത്ത് ഇന്നലെ രാത്രി ആരംഭിച്ച പരിശോധന ഇന്ന് പുലർച്ചയോടെയാണ് അവസാനിച്ചത്. പരിശോധനയിൽ പൂജപ്പുര ജയിലിൽ നിന്നും കഞ്ചാവ് പൊതികൾ പിടികൂടി. മാത്രമല്ല സിഗരറ്റ് ബണ്ടിലുകളും കണ്ടെത്തി. തിരുവനന്തപുരം, കണ്ണൂർ, വിയ്യൂർ, തവനൂർ ജയിലുകളിലായിരുന്നു പരിശോധനകൾ നടന്നത്. ജയിലിലേക്ക് എത്തുന്ന പ്രതികളിൽ ചിലരാണ് ലഹരി കച്ചവടം ചെയ്യുന്നതെന്നാണ് വിവരം.
ഉന്നത ഉദ്യോഗസ്ഥരുടെ നേതൃത്വത്തിൽ ആയിരുന്നു പരിശോധന നടന്നത്. കണ്ണൂർ സെൻട്രൽ ജയിലിൽ നിന്നും കഞ്ചാവ് പിടികൂടി. ഹാഷിഷ് ഓയിലും, മൊബൈൽ ചാർജറും എവിടെ നിന്നും കണ്ടെത്തി. ആറാം ബ്ലോക്കിൽ നിന്നാണ് ഇവയെല്ലാം പിടികൂടിയത്. ഒന്നാം ബ്ലോക്കിൽ നിന്ന് ബീഡികളും കണ്ടെത്തി. സംഭവത്തിൽ ജയിൽ സൂപ്രണ്ട് ടൗൺ പോലീസിൽ പരാതി നൽകിയിട്ടുണ്ട്.
