അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സംസ്ഥാനത്തെ 38 തദ്ദേശ സ്വയംഭരണ വാര്ഡുകളിലേക്ക് സെപ്റ്റംബര് 28ന് ഉപതെരഞ്ഞെടുപ്പ് നടത്തും. ജില്ലാ പഞ്ചായത്തിലെ കല്ലറ വാര്ഡ് ഉള്പ്പെടെയുള്ള വാര്ഡുകളിലേക്കാണ് ഉപതെരഞ്ഞെടുപ്പ് സംസ്ഥാന തെരഞ്ഞെടുപ്പ് കമ്മീഷണര് എന്. ശേഷാദ്രിനാഥനാണ് തെരഞ്ഞെടുപ്പ് തീയതി പ്രഖ്യാപിച്ചത്. ഇതുസംബന്ധിച്ച വിജ്ഞാപനം സെപ്റ്റംബര് മൂന്നിന് പുറപ്പെടുവിക്കും. സെപ്റ്റംബര് മൂന്ന് മുതല് 10 വരെ സ്ഥാനാര്ഥികള്ക്ക് നാമനിര്ദേശ പത്രിക സമര്പ്പിക്കാം. നാമനിര്ദേശ പത്രികകളുടെ സൂക്ഷ്മപരിശോധന സെപ്റ്റംബര് 11ന് നടക്കും. സ്ഥാനാര്ഥിത്വം പിന്വലിക്കാനുള്ള അവസാന തീയതി സെപ്റ്റംബര് 14 ആണ്. കൂടാതെ, സെപ്റ്റംബര് 28ന് രാവിലെ ഏഴ് മുതല് വൈകിട്ട് ആറുവരെയാണ് വോട്ടെടുപ്പ്. വോട്ടെണ്ണല് സെപ്റ്റംബര് 29ന് രാവിലെ 10ന് ആരംഭിക്കും.
തെരഞ്ഞെടുപ്പ് നടപടിക്രമങ്ങള് പൂര്ത്തിയാക്കേണ്ട അവസാന തീയതി ഒക്ടോബര് ഒന്നാണ്. തിരഞ്ഞെടുപ്പ് ചെലവ് സംബന്ധിച്ച കണക്ക് ഒക്ടോബര് 29നകം സമര്പ്പിക്കണം. ഉപതെരഞ്ഞെടുപ്പിന്റെ ഭാഗമായി മാതൃകാ പെരുമാറ്റച്ചട്ടം സെപ്റ്റംബര് ഒന്ന് മുതല് പ്രാബല്യത്തില് വന്നു.ഉപതെരഞ്ഞെടുപ്പ് നടക്കുന്ന ജില്ലാ, ബ്ലോക്ക് പഞ്ചായത്ത് നിയോജക മണ്ഡലങ്ങളില് ഉള്പ്പെടുന്ന ഗ്രാമപഞ്ചായത്തുകളിലെ മുഴുവന് വാര്ഡുകളിലും പെരുമാറ്റച്ചട്ടം ബാധകമായിരിക്കും.
വി. കുഞ്ഞികൃഷ്ണനെതിരായ പ്രസംഗം: ‘പിണറായിയെ കണ്ടാല് പേടി തോന്നുന്നത് ഞങ്ങളുടെ കുഴപ്പമല്ല’ -ടി.ഐ മധുസൂദനന്
അതേസമയം, ഗ്രാമപഞ്ചായത്തുകളില് പഞ്ചായത്ത് പ്രദേശം മുഴുവനായും മുനിസിപ്പാലിറ്റികളില് അതത് വാര്ഡുകളിലുമാണ് പെരുമാറ്റച്ചട്ടം ബാധകമാകുക.ഓഗസ്റ്റ് 19ന് പ്രസിദ്ധീകരിച്ച പുതുക്കിയ വോട്ടര്പട്ടിക അടിസ്ഥാനമാക്കിയാണ് ഉപതെരഞ്ഞെടുപ്പ് നടത്തുന്നത്. വോട്ടര്പട്ടിക അതത് തദ്ദേശസ്ഥാപനങ്ങളിലും വില്ലേജ്, താലൂക്ക് ഓഫീസുകളിലും സംസ്ഥാന തെരഞ്ഞെടുപ്പ് കമ്മീഷന്റെ വെബ്സൈറ്റിലും ലഭ്യമാണ്.
കൊല്ലം, ആലപ്പുഴ ജില്ലകള് ഒഴികെയുള്ള 12 ജില്ലകളിലാണ് ഉപതെരഞ്ഞെടുപ്പ് നടക്കുന്നത്. രണ്ട് കോര്പ്പറേഷന് വാര്ഡുകള്, മൂന്ന് മുനിസിപ്പാലിറ്റി വാര്ഡുകള്, മൂന്ന് ജില്ലാ പഞ്ചായത്ത് വാര്ഡുകള്, ഏഴ് ബ്ലോക്ക് പഞ്ചായത്ത് വാര്ഡുകള്, 23 ഗ്രാമപഞ്ചായത്ത് വാര്ഡുകള് എന്നിവ ഉള്പ്പെടെ ആകെ 38 വാര്ഡുകളിലേക്കാണ് തിരഞ്ഞെടുപ്പ്. എറണാകുളം, കോഴിക്കോട് കോര്പ്പറേഷനുകളിലെ രണ്ട് വാര്ഡുകളിലാണ് ഉപതെരഞ്ഞെടുപ്പ് ഉണ്ടാവുക. തൃശ്ശൂര്, പാലക്കാട്, കണ്ണൂര് ജില്ലകളിലെ മൂന്ന് മുനിസിപ്പാലിറ്റി വാര്ഡുകളിലും തിരുവനന്തപുരം, കോട്ടയം, പാലക്കാട് ജില്ലകളിലെ മൂന്ന് ജില്ലാ പഞ്ചായത്ത് വാര്ഡുകളിലും തെരഞ്ഞെടുപ്പ് നടക്കും. ഇതിന് പുറമെ ഏഴ് ബ്ലോക്ക് പഞ്ചായത്ത് വാര്ഡുകളിലും 23 ഗ്രാമപഞ്ചായത്ത് വാര്ഡുകളിലും ഉപതിരഞ്ഞെടുപ്പ് നടത്തും.
