അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.വിപണി വിഹിതത്തിലെ ഇടിവും സാമ്പത്തിക സമ്മർദ്ദവും നേരിടുന്നതിനിടെ പുതിയ മൂലധന സമാഹരണത്തിന് നീക്കവുമായി ഓല ഇലക്ട്രിക് മൊബിലിറ്റി. ഇക്വിറ്റി ഷെയറുകളോ മറ്റ് സെക്യൂരിറ്റികളോ ഇഷ്യൂ ചെയ്ത് ഫണ്ട് കണ്ടെത്തുന്നത് പരിഗണിക്കാൻ കമ്പനി സെപ്റ്റംബർ 5-ന് ബോർഡ് യോഗം ചേരുമെന്ന് സ്റ്റോക്ക് എക്സ്ചേഞ്ച് ഫയലിംഗിൽ അറിയിച്ചു.
ക്യുഐപി (QIP), പ്രിഫറൻഷ്യൽ ഇഷ്യു, പ്രൈവറ്റ് പ്ലേസ്മെന്റ് എന്നിവയിലൊന്നിലൂടെയാകും ധനസമാഹരണം. എന്നാൽ എത്ര തുകയാണ് ലക്ഷ്യമിടുന്നതെന്ന് കമ്പനി വെളിപ്പെടുത്തിയിട്ടില്ല.
മൂന്ന് മാസം മുൻപാണ് (ജൂണിൽ) യോഗ്യതയുള്ള സ്ഥാപന പ്ലെയ്സ്മെന്റ് (QIP) വഴി കമ്പനി 780 കോടി രൂപ സമാഹരിച്ചത്.
വിപണി വിഹിതത്തിലെ കുറവ്, ഉപഭോക്തൃ പരാതികൾ വർദ്ധിക്കുന്നത്, ഓഹരി വിലയിലുണ്ടായ ഇടിവ് എന്നിവ കമ്പനിക്ക് തിരിച്ചടിയാണ്.
മുൻ വർഷത്തെ അപേക്ഷിച്ച് വരുമാനത്തിൽ 45% കുറവ് രേഖപ്പെടുത്തി 455 കോടി രൂപയായി. എങ്കിലും അറ്റനഷ്ടം 428 കോടിയിൽ നിന്ന് 336 കോടി രൂപയായി കുറയ്ക്കാൻ കമ്പനിക്കായി.
ബാറ്ററി സെൽ നിർമ്മാണ ശേഷി വികസിപ്പിക്കുന്ന കമ്പനിക്ക് സർക്കാരിന്റെ പിഎൽഐ (PLI) സ്കീമിന് കീഴിൽ അടുത്തിടെ 95.81 കോടി രൂപയുടെ ഇൻസെന്റീവ് ലഭിച്ചിരുന്നു.
