അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.എസ്ഐആർ നിയമവിരുദ്ധവും അനാവശ്യവുമെന്ന് മുൻ മുഖ്യ തിരഞ്ഞെടുപ്പ് കമ്മിഷണർ എസ് വൈ ഖുറേഷി. ഭരണഘടനയിലോ, ജനപ്രതിനിധ്യ നിയമത്തിലോ എസ്ഐആർ പ്രക്രിയ നടത്തണമെന്ന് പറയുന്നില്ലെന്ന് ‘ദ ഹിന്ദു’വിന്റെ പരിപാടിയിൽ എസ് വൈ ഖുറേഷി പറഞ്ഞു. എസ്ഐആറിന്റെ പേരിൽ ലക്ഷക്കണക്കിനുപേർ ബുദ്ധിമുട്ടി. ബിഹാറിൽ കണ്ടെത്തിയ വിദേശ പൗരൻമാർ വളരെ ചുരുക്കമാണെന്ന് എസ് വൈ ഖുറേഷി പറഞ്ഞു. വ്യാപക പരാതികൾ ഉയർന്നതോടെ രാജ്യത്ത് വീണ്ടും ചർച്ചാ വിഷയമാകുകയാണ് സമഗ്ര വോട്ടർ പട്ടിക പരിഷ്കരണം.
കേന്ദ്ര തെരഞ്ഞെടുപ്പ് കമ്മീഷന്റെ സ്വതന്ത്ര നിലനിൽപ്പിനെത്തന്നെ ചോദ്യം ചെയ്യുന്ന റിപ്പോർട്ടുകളാണ് പുറത്തുവന്നത്. കമ്മീഷന് ഉള്ളിൽ കടുത്ത ഭിന്നതയെന്നും മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ്കുമാർ ഏകപക്ഷീയമായി തീരുമാനമെടുക്കുന്നുവെന്നാണ് ആരോപണം. ഇത്തരം തീരുമാനങ്ങൾക്കെതിരെ കഴിഞ്ഞ 10 മാസത്തിനിടെ 14 വിയോജന കുറിപ്പുകൾ ആണ് മറ്റ് രണ്ട് തിരഞ്ഞെടുപ്പ് കമ്മീഷണർമാർ നൽകിയത്.തങ്ങളറിയാതെ എടുത്ത തീരുമാനങ്ങൾ ‘നിയമവിരുദ്ധം’ എന്നാണ് കമ്മിഷണർമാരുടെ നിലപാട്. ഇക്കാര്യങ്ങൾ വ്യക്തമാക്കി കാബിനറ്റ് സെക്രട്ടറിക്ക് കത്ത് നൽകി .
ഫോം 6 യും, എസ്ഐആറുയുമായി ബന്ധപ്പെട്ട വിഷയങ്ങളിലടക്കം കമ്മീഷണർമാർ എതിർപ്പ് അറിയിച്ചു. അതേസമയം തീരുമാനങ്ങളെടുക്കുന്നതിന് മുൻപ് വിയോജിപ്പുകളും നിർദ്ദേശങ്ങളും ഉയരുന്നത് സ്വാഭാവിമെന്നാണ് കമ്മിഷൻ വിശദീകരണം.SIR അടക്കമുള്ള പ്രധാന പരിഷ്കാരങ്ങൾ നടപ്പാക്കിയത് കൂട്ടായ തീരുമാനങ്ങളിലൂടെയെന്നും ഏതാനും ആഭ്യന്തര കുറിപ്പുകൾ മാത്രം പെരിപ്പിച്ചു കാണിക്കുന്നത് ഉചിതമായ നടപടി അല്ലെന്നും കമ്മീഷൻ വ്യക്തമാക്കി.
Story Highlights : SIR illegal and unnecessary says Former Chief Election Commissioner
