അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഫ്ലോറിഡയിൽ അമ്മയുടെ ഹാൻഡ്ബാഗിൽ സൂക്ഷിച്ചിരുന്ന തോക്കെടുത്ത് കളിക്കുന്നതിനിടെ നാലു വയസ്സുകാരൻ അബദ്ധത്തിൽ വെടിയേറ്റ് മരിച്ചു. കുട്ടിയുടെ അമ്മയായ 29 വയസ്സുകാരി ഡയമണ്ട് ഫിലിപ്സിനെ പൊലീസ് അറസ്റ്റ് ചെയ്തു. സെപ്റ്റംബർ 23-ന് 10,000 ഡോളർ ജാമ്യത്തിൽ പുറത്തിറങ്ങിയ ഇവരുടെ അടുത്ത കോടതി വിചാരണ നവംബർ 6-ന് നടക്കും.
അടുക്കളയിലെ സ്റ്റൂളിൽ കയറി കൗണ്ടറിൽ വച്ചിരുന്ന അമ്മയുടെ ബാഗിൽ നിന്ന് 380 കാലിബർ സ്മിത്ത് & വെസ്സൺ പിസ്റ്റൾ എടുത്ത കുട്ടിക്ക് അബദ്ധത്തിൽ വെടിയേൽക്കുകയായിരുന്നു.
പ്രായപൂർത്തിയാകാത്ത കുട്ടികൾക്ക് എളുപ്പത്തിൽ എടുക്കാൻ കഴിയുന്ന രീതിയിൽ തോക്ക് സുരക്ഷിതമല്ലാതെ സൂക്ഷിച്ചതിന് ഡയമണ്ട് ഫിലിപ്സിനെതിരെ കുറ്റകരമായ അശ്രദ്ധയ്ക്ക് പൊലീസ് കേസെടുത്തു.
പൊലീസ് അന്വേഷണത്തിൽ, തോക്ക് ഹോൾസ്റ്റർ ഇല്ലാതെയും സുരക്ഷിതമാക്കാതെയുമാണ് ബാഗിനുള്ളിൽ വച്ചിരുന്നതെന്ന് കണ്ടെത്തി. കുട്ടികളുടെ സുരക്ഷയ്ക്കായി തോക്കുകൾ എപ്പോഴും സുരക്ഷിതമായി ലോക്ക് ചെയ്ത് സൂക്ഷിക്കേണ്ടതിന്റെ പ്രാധാന്യമാണ് ഈ സംഭവം ഓർമിപ്പിക്കുന്നത്.
