അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തെരഞ്ഞെടുപ്പ് തോൽവിയുടെ പശ്ചാത്തലത്തിൽ ചേർന്ന സിപിഎം പാലക്കാട് ജില്ലാ വിപുലീകൃത സമിതിയിൽ പാർട്ടി നേതൃത്വത്തിനെതിരെ കടുത്ത വിമർശനം. പി. കെ. ശശിക്കെതിരെ നടപടിയെടുക്കാൻ വൈകിയത് തെരഞ്ഞെടുപ്പിൽ തിരിച്ചടിയായെന്നും, കെടിഡിസി (KTDC) ചെയർമാൻ സ്ഥാനത്ത് തുടരാൻ അനുവദിച്ചത് തെറ്റായ സന്ദേശം നൽകിയെന്നും യോഗത്തിൽ അഭിപ്രായമുയർന്നു.
കെടിഡിസി ചെയർമാൻ സ്ഥാനത്ത് തുടരാൻ അനുവദിച്ചത് ശരിയായില്ല. ശശിയോട് നേതൃത്വത്തിലെ ചിലർ അനുഭാവ പൂർവമായ നിലപാട് സ്വീകരിച്ചു.
ഇത് പ്രവർത്തകരിൽ ഭിന്നാഭിപ്രായത്തിന് ഇടയാക്കിയെന്നും വിമര്‍ശനം ഉയർന്നു. തൃത്താലയിലെ തോൽവിക്ക് പ്രാദേശിക വിഭാഗീയത കാരണമായി. ഇത് പരിഹരിക്കാൻ ജില്ലാ സെക്രട്ടറി ഒന്നും ചെയ്തില്ല.
ന്യൂനപക്ഷ വിരുദ്ധരെന്ന പ്രചാരണത്തെ ചെറുക്കുന്നതിൽ പാർട്ടിക്ക് വീഴ്ച പറ്റിയെന്നും പ്രവർത്തന റിപ്പോർട്ടിൽ വിമർശനമുണ്ട്. തെരഞ്ഞെടുപ്പ് തോൽവിയിൽ സംഘടനാ വീഴ്ചകൾ ഉണ്ടായി. മലപ്പുറത്ത് ഉൾപ്പെടെ ഇത് വലിയ തോൽവിക്ക് കാരണമായി.
പാർട്ടിക്കെതിരായ സന്ദേശം ലീഗ് ജനങ്ങളിൽ എത്തിച്ചു. അത് പ്രതിരോധിക്കാനായില്ല. മതനിരപേക്ഷ നിലപാട് സ്വീകരിക്കുന്നവരെ ചേർത്തുപിടിക്കണം എന്നും റിപ്പോർട്ടിൽ പറയുന്നു.
