അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സൗദി തലസ്ഥാനമായ റിയാദിനു നേരെ നടന്ന പുതിയ ആക്രമണത്തിൽ, ഹൂതി ബാലിസ്റ്റിക് മിസൈലിന്റെ അവശിഷ്ടങ്ങൾ വീണ് ഒരു അറബ് വംശജന് പരുക്കേൽക്കുകയും ഒരു വീടിനും വാഹനത്തിനും ഭാഗികമായി കേടുപാടുകൾ സംഭവിക്കുകയും ചെയ്തു. ഹൂതി മിസൈൽ തകർക്കുന്നതിനിടെയാണ് സംഭവം. യമനിലെ ഹൂതി വിമതർ വിക്ഷേപിച്ച മിസൈൽ തടഞ്ഞ് നശിപ്പിക്കുകയും അതിന്റെ അവശിഷ്ടങ്ങൾ റിയാദിൽ പതിക്കുകയുമായിരുന്നുവെന്ന് അധികൃതർ വ്യക്തമാക്കി. സംഭവത്തെത്തുടർന്ന് അടിയന്തര നടപടികൾ സ്വീകരിച്ചു. ചൊവ്വാഴ്ച രാത്രി റിയാദിന് മുകളിൽ വെച്ച് സൗദി വ്യോമപ്രതിരോധ സംവിധാനം രണ്ട് ഹൂതി ക്രൂയിസ് മിസൈലുകൾ തകർത്തിരുന്നു. ഇതിന്റെ അവശിഷ്ടങ്ങൾ വീണ് നാല് പേർക്ക് പരിക്കേൽക്കുകയും 15-ഓളം വീടുകൾക്ക് കേടുപാടുകൾ സംഭവിക്കുകയും ചെയ്തതിന് പിന്നാലെയാണ് മിസൈലുകളെ തടയാനുള്ള ഏറ്റവും പുതിയ നടപടിയും ഉണ്ടായിരിക്കുന്നത്.
അതേസമയം, ഗൾഫ് മേഖലയിലെ സംഘർഷ സാഹചര്യം കണക്കിലെടുത്ത് പ്രവാസികൾക്കായി നോർക്ക – സൗദി ഹെൽപ്പ് ഡെസ്ക് തുടങ്ങി. റിയാദിലെ ഇന്ത്യൻ എംബസിയിലും ജിദ്ദയിലെ കോൺസുലേറ്റിലും കൺട്രോൾ റൂം തുറന്നു. ഇന്ത്യൻ എംബസി, റിയാദ് – 24 മണിക്കൂർ കൺട്രോൾ റൂം, ടെലിഫോൺ: +966 11 488 469,ടോൾ ഫ്രീ: 800 247 1234 (സൗദി അറേബ്യയ്ക്കുള്ളിൽനിന്ന് മാത്രം), വാട്സ്ആപ്പ്: +966 536 216 082 (സന്ദേശങ്ങൾ മാത്രം), ഇമെയിൽ: [email protected], ഇന്ത്യൻ കോൺസുലേറ്റ് ജനറൽ, ജിദ്ദ – 24 മണിക്കൂർ കൺട്രോൾ റൂം ടെലിഫോൺ: +966 12 261 4093, +966 556 122 301 വാട്സ്ആപ്പ്: +966 536 209 704 (സന്ദേശങ്ങൾ മാത്രം) ഇമെയിൽ: [email protected].
Story Highlights : Another Houthi attack in Riyadh; Arab national injured by falling missile debris
