അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ന്യൂഡൽഹി: തിരഞ്ഞെടുപ്പ് കടപ്പത്രത്തിന്റെ വിവരങ്ങൾ പരിശോധിക്കാൻ പ്രത്യേക സമിതി രൂപീകരിക്കാൻ തിരഞ്ഞെടുപ്പ് കമ്മീഷൻ തീരുമാനം. മുഖ്യ തിരഞ്ഞെടുപ്പ് കമ്മിഷണറുടെ ജമ്മു കശ്മീര് സന്ദര്ശനത്തിനു ശേഷമായിരിക്കും പരിശോധന. ജമ്മു കശ്മീര് സന്ദര്ശനം പൂര്ത്തിയാക്കി മുഖ്യ തിരഞ്ഞെടുപ്പ് കമ്മിഷണര് രാജീവ് കുമാര് ഇന്ന് വൈകിട്ടോടെ ഡൽഹിയിലെത്തും. ഇതോടെ തിരഞ്ഞെടുപ്പ് മുന്നൊരുക്കങ്ങൾ വിലയിരുത്താനുള്ള കമ്മിഷന്റെ സംസ്ഥാന സന്ദർശനങ്ങൾ പൂർത്തിയാകും.
തിരഞ്ഞെടുപ്പ് കടപ്പത്രത്തിലെ വിവരങ്ങള് ചൊവ്വാഴ്ച വൈകിട്ട് എസ്ബിഐ തിരഞ്ഞെടുപ്പ് കമ്മിഷന് കൈമാറിയിരുന്നു. ഡിജിറ്റല് രൂപത്തിലാണ് വിവരങ്ങള് കൈമാറിയത്. കോടതിയലക്ഷ്യ നടപടി സ്വീകരിക്കുമെന്ന സുപ്രീംകോടതി മുന്നറിയിപ്പിനെ തുടര്ന്നാണു നടപടി. തിരഞ്ഞെടുപ്പ് കമ്മിഷൻ ഈ വിവരങ്ങള് 15നു വെബ്സൈറ്റില് പ്രസിദ്ധീകരിക്കും. എസ്ബിഐ നല്കിയ വിവരങ്ങള് ക്രോഡീകരിച്ച് പതിനഞ്ചിന് ഉള്ളില് പ്രസീദ്ധീകരിക്കുന്നത് കമ്മിഷന് വെല്ലുവിളിയാകുമെന്നാണ് സൂചന. ഇതിനിടെ, കോടതി ഉത്തരവ് തടയണമെന്ന അസാധാരണ ആവശ്യം സുപ്രീംകോടതി ബാർ അസോസിയേഷൻ പ്രസിഡന്റ് ഉന്നയിച്ചിട്ടുണ്ട്.
ഓരോ പാർട്ടിക്കും ആരുടെയെല്ലാം പണം ലഭിച്ചുവെന്ന വിവരം എസ്ഐ ക്രോഡീകരിച്ച് നൽകിയിട്ടില്ല. ഇതിനു ജൂൺ 30 വരെ സാവകാശം ആവശ്യപ്പെട്ടാണ് എസ്ബിഐ സുപ്രീം കോടതിയിൽ അപേക്ഷ നൽകിയിരുന്നത്. കയ്യിലുള്ള വിവരങ്ങൾ നൽകാൻ കോടതി നിർദേശിച്ചു. ഓരോ സ്ഥാപനവും വ്യക്തിയും വാങ്ങിയ ബോണ്ടുകളുടെ വിവരവും ഓരോ പാർട്ടിക്കും അത് ലഭിച്ചതിന്റെ വിശദാംശങ്ങളും പ്രത്യേകമായാണ് നൽകിയതെന്നാണ് സൂചന.
Read more:
- രാജ്യത്തെ ഒറ്റിയവർക്ക് ഗാന്ധിവധത്തോടെ ഇന്ത്യയിൽ ഇടം കിട്ടുന്നുവെന്ന് വിലപിച്ച വള്ളത്തോൾ; ഗാന്ധിയെ ഗുരുനാഥനാക്കിയ മഹാകവിയുടെ ഓർമ്മദിനം
- മോദിയുടേയും കോലം കത്തിച്ച് പ്രതിഷേധം; അസമിൽ സിഎഎ വിരുദ്ധ പ്രക്ഷോഭം കനക്കുന്നു
- ‘ഞങ്ങൾ നേരത്തേ തന്നെ നോമ്പിലാണ്’ -ഗസ്സക്കാർ പറയുന്നു; ഭക്ഷിക്കാൻ ഒന്നുമില്ലാത്തവർക്ക് വിശുദ്ധ മാസത്തിലെ നോമ്പിന് എന്ത് അർത്ഥമുണ്ടാകും?
- അഗ്നി–5 മിഷൻ ദിവ്യാസ്ത്രയ്ക്കു പിന്നിൽ മലയാളി; ‘ദിവ്യപുത്രി’ ഷീന റാണി
- വാട്ടർ അതോറിറ്റിയുടെ വൈദ്യുതി കുടിശിക 2068 കോടി രൂപ; ഏറ്റെടുത്ത് സർക്കാർ
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
