വര്ഷങ്ങള്ക്കു മുൻപ് മക്കളെ തല്ലിയും, ചാട്ടവാറിനടിച്ചും വളർത്തുന്ന ഒരു കാലമുണ്ടായിരുന്നു. അതിൽ നിന്നും കുറച്ചു കൂടി ലോപിച്ചുകൊണ്ട് വടി കൊണ്ട് അടിച്ചു നന്നാക്കുന്ന കാലം വന്നു. വീട്ടിലും സ്‌കൂളിലുമെല്ലാം അടിച്ചാൽ കുട്ടി നന്നായിക്കോളുമെന്ന വാദം ഉയർന്നു വന്നു. അച്ഛന്മാർ ചാക്കോ മാഷായി പരിണമിച്ചു. എന്ത് വന്നാലും അമ്മ വഴി മാത്രമേ അച്ഛനോട് പറയാൻ കഴിയുകയുള്ളു എന്ന രീതിയായിരുന്നു കുറച്ചു വര്ഷങ്ങള്ക്കു മുൻപ്. ട്രോമകളും, പേടികളുമായി കുട്ടികൾ വളർന്നു.
എന്നാൽ രണ്ടു മൂന്നു വര്ഷം കൊണ്ട് മാതാപിതാക്കളുടെ വളർത്തലിന്റെ രീതികൾ മാറി. ചെറുപ്പക്കാരായ മാതാപിതാക്കൾ പല മീഡിയങ്ങൾ വഴിയും ടോക്സിക്ക് പാരന്റിംഗിനെ കുറിച്ച് സംസാരിക്കുവാൻ തുടങ്ങി. ആഹാരവും, വെള്ളവും കൊടുത്താൽ മാത്രം ഒരു നല്ല പേരന്റിംഗ് സംഭവിക്കില്ല എന്ന് സമൂഹം പതുക്കെ പറഞ്ഞു തുടങ്ങി. 16 നൂറ്റാണ്ടിൽ നിന്നും പലർക്കും 21 ആം നൂറ്റാണ്ടിലേക്ക് വണ്ടി ലഭിച്ചു
പാരന്റിംഗ് എന്നത് പല തരത്തിലുമുണ്ട്. കുട്ടികളോടുള്ള മാതാപിതാക്കളുടെ സമീപനമാണ് ഇതു കൊണ്ട് ഉദ്ദേശിയ്ക്കുന്നത്. നല്ല രീതിയില്‍ കുട്ടികളെ വളര്‍ത്തിക്കൊണ്ട് വരികയെന്നതാണ് നല്ല പാരന്റിംഗ് എന്നത്കൊണ്ടുദ്ദേശിയ്ക്കുന്നത്. ഇത് കുട്ടികളെ നല്ല രീതിയില്‍ പഠിപ്പിച്ച് നല്ല ജോലി വാങ്ങാന്‍ സഹായിക്കുകയെന്നത് മാത്രമല്ല, കുട്ടികളുടെ ആകെയുള്ള വ്യക്തിത്വത്തില്‍ നല്ലത് നിറയാന്‍ സഹായിക്കുക കൂടിയാണ്. ഇതിന് മാതാപിതാക്കളുടെ പാരന്റിംഗ് എന്നത് ഏറെ പ്രധാനമാണ്.
പാരന്റിംഗ് രീതിയെ പല തരത്തിലും തരം തിരിയ്ക്കാം.
അതോറിറ്റേറ്റീവ് പാരന്റിംഗ് സ്റ്റൈല്‍
അടുത്തത് അതോറിറ്റേറ്റീവ് പാരന്റിംഗ് സ്റ്റൈല്‍ എന്നതാണ്. ഒരു പ്രത്യേക സ്റ്റാന്റേഡ് വച്ച് ഇതിന് അനുസരിച്ച് കുട്ടികളുടെ പെരുമാറ്റം നിരീക്ഷിച്ച് അതിന് അനുസരിച്ച് ചെയ്യുന്നവരാണ് ഇവര്‍. കുട്ടികളുടെ ഉയര്‍ച്ചയ്ക്ക് വേണ്ടി അവരുടെ താല്‍പര്യപ്രകാരം കാര്യങ്ങള്‍ എങ്ങിനെ ചെയ്തു കൊടുക്കാമെന്ന് ചിന്തിയ്ക്കുന്നവരാണ് ഇവര്‍. ഇവര്‍ ആദ്യത്തേതിനേക്കാള്‍ അല്‍പം കൂടി സ്വാതന്ത്ര്യം കൊടുക്കുന്നവരാണ്. കുട്ടികളുടെ ഉയര്‍ച്ചയ്ക്കായി ആവശ്യമായ കാര്യങ്ങള്‍ ചെയ്തു കൊടുക്കാന്‍ വരുന്നു.
ദി അതോറിറ്റേറിയന്‍ പാരന്റിംഗ്
ദി അതോറിറ്റേറിയന്‍ പാരന്റിംഗ് എന്നതാണ് ഒന്ന്. കുട്ടികള്‍ ഇവരുടെ രീതിക്കനുസരിച്ച് മാത്രം പ്രവര്‍ത്തിച്ചാല്‍ മതിയെന്ന് ചിന്താഗതിയുള്ളവരാണ് ഇവര്‍. ഞാന്‍ പറയുന്നത് കേട്ടാല്‍ മതി,, ഇങ്ങോട്ടൊന്നും പറയേണ്ടതില്ലെന്ന രീതിയില്‍ പോകുന്നവര്‍. ഇവരുടെ ആവശ്യങ്ങള്‍ കുട്ടികള്‍ നടത്തിക്കൊടുക്കാതിരിയ്ക്കുമ്പോള്‍ കുട്ടികളെ ശിക്ഷിയ്ക്കുകയും ഒറ്റപ്പെടുത്തുകയും കുറ്റപ്പെടുത്തുകയും ചെയ്യുന്നവരാണ് ഇവര്‍.
നെഗ്ലെറ്റ്ഫുള്‍ പാരന്റിംഗ്
നെഗ്ലെറ്റ്ഫുള്‍ പാരന്റിംഗാണ് അടുത്തത്. പേര് സൂചിപ്പിയ്ക്കുന്നത് പോലെ തന്നെ കുട്ടികളെ അവഗണിയ്ക്കുന്ന, അവരുടെ കാര്യങ്ങള്‍ ശ്രദ്ധിയ്ക്കാത്ത പാരന്റിംഗ് സ്റ്റൈലാണിത്. ഇത്തരം കുട്ടികളില്‍ എഡിഎച്ച്ഡി.ഡിപ്രഷന്‍,ഉത്കണ്ഠ തുടങ്ങിയ പല പ്രശ്‌നങ്ങളും കണ്ടുവരാറുമുണ്ട്.വല്ലാതെ അസ്വസ്ഥതപ്പെടുന്ന സ്വഭാവവും ഇവര്‍ക്കുണ്ടാകും. മാതാപിതാക്കളില്‍ നിന്നും അവഗണന നേരിടുന്നത് കുട്ടികള്‍ക്ക് ചെറുപ്പത്തിലും പിന്നീട് വളരുമ്പോഴും പല പ്രശ്‌നങ്ങളുമുണ്ടാകും.
പെര്‍മിസീവ് പാരന്റിംഗ്
പെര്‍മിസീവ് പാരന്റിംഗ് ആണ് അടുത്തത്. കുട്ടികള്‍ക്ക് അവരുടേതായ സ്വാതന്ത്ര്യം കൊടുക്കുന്ന ഒരു വിഭാഗമാണ് ഇത്. അവര്‍ക്ക് അവരുടേതായ സ്വാതന്ത്ര്യത്തിലും വളരാന്‍ അവസരം നല്‍കുന്നവരാണ് ഇവര്‍. കുട്ടികളോട് ഫ്രണ്ട്‌ലി സമീപനം സ്വീകരിയ്ക്കുന്നവരാണ് ഇവര്‍. ഇതാണ് കൂടുതല്‍ നല്ലതെന്ന് തന്നെ പറയണം ഇത്തരം കുട്ടികള്‍ക്ക് അവരുടേതായ രീതിയില്‍ വളരാനുള്ള സ്വാതന്ത്ര്യവുമുണ്ട്, ഇത് അവരുടെ വ്യക്തിത്വത്തിലും നിഴലിയ്ക്കും.
പേഴ്സണൽ സ്പേസ്
ടോക്‌സിക് പാരന്റിംഗില്‍ കുട്ടികളുടെ സ്വാതന്ത്ര്യത്തിന്റെ അതിരുകള്‍ക്കുള്ളില്‍ മാതാപിതാക്കള്‍ കടന്നു കയറും. അവര്‍ക്ക് സ്വന്തമായ കാര്യങ്ങള്‍ ചെയ്യുന്നതിന് പോലും സ്വാതന്ത്ര്യം നല്‍കാറില്ല. അവരെ പിന്‍തുടര്‍ന്ന് അവരെന്ത് ചെയ്യുന്നു, എവിടെ പോകുന്നു എന്നെല്ലാം അടിക്കടി നോക്കിക്കൊണ്ടിരിയ്ക്കുന്നവര്‍. കുട്ടികളോട് ടോക്‌സിംഗ് പാരന്റിംഗ് സ്റ്റൈല്‍ പിന്‍തുടരുന്നവര്‍ തുറന്ന് സംസാരിയ്ക്കാറില്ല, അവരുടെ ആവശ്യങ്ങള്‍ നോക്കി പെരുമാറാറില്ല. കുട്ടികളുടെ ഇമോഷനുകളെ കണക്കിലെടുക്കാറില്ല.
കുട്ടികള്‍ക്ക് സമ്മാനം നല്‍കിയാല്‍ പകരം അവരില്‍ നിന്നും ഡിമാന്റ് വയ്ക്കുന്നു. ഇത്തരം ടോക്‌സിംഗ് പാരന്റിംഗിലൂടെ കടന്നു പോകുന്ന കുട്ടികളില്‍ മാതാപിതാക്കളെ തൃപ്തിപ്പെടുത്താന്‍ കാര്യങ്ങള്‍ ചെയ്യുകയെന്ന രീതിയായിരിയ്ക്കും. ഇവരുടെ വ്യക്തിത്വവും കരിയറുമെല്ലാം തന്നെ ഇതിനാല്‍ ബാധിയ്ക്കപ്പെടുന്നു. ഇതിനാല്‍ തന്നെ ഇത്തരം പാരന്റിംഗ് തീര്‍ത്തും ഉപേക്ഷിയ്‌ക്കേണ്ടത് അത്യാവശ്യവുമാണ്.