അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂഡൽഹി: ബംഗാൾ സന്ദർശനത്തിനിടെയുണ്ടായ അഭിപ്രായവ്യത്യാസമാണു തിരഞ്ഞെടുപ്പു കമ്മിഷനിലെ പൊട്ടിത്തെറിക്കും കമ്മിഷണർ അരുൺ ഗോയലിന്റെ രാജിയിലേക്കും നയിച്ചതെന്നു വിവരം. ബംഗാളിലെ തയാറെടുപ്പുകൾ വിവരിക്കുന്നതിന് ഈമാസം 5 ന് കൊൽക്കത്തയിൽ നടത്തിയ വാർത്താസമ്മേളനത്തിൽ തിരഞ്ഞെടുപ്പു കമ്മിഷണർ അരുൺ ഗോയൽ പങ്കെടുത്തിരുന്നില്ല. സുഖമില്ലാത്തതിനാൽ ഡൽഹിക്കു മടങ്ങിയെന്നായിരുന്നു വിശദീകരണം. എന്നാൽ ഗോയലിന് ആരോഗ്യപ്രശ്ങ്ങളില്ലായിരുന്നുവെന്നും അഭിപ്രായഭിന്നത കാരണമാണു വിട്ടുനിന്നതെന്നുമാണ് ഇപ്പോൾ പുറത്തുവരുന്ന വിവരം.
7 ന് തിരഞ്ഞെടുപ്പ് കമ്മിഷൻ ആസ്ഥാനത്ത് ചേർന്ന യോഗത്തിൽ കമ്മിഷണർ പങ്കെടുത്തെങ്കിലും തൊട്ടടുത്തദിവസം ആഭ്യന്തര സെക്രട്ടറിയുമായുള്ള കൂടിക്കാഴ്ചക്ക് എത്തിയില്ല. പകരം രാഷ്ട്രപതിക്കു രാജിക്കത്ത് അയച്ചു. ഗോയലിന്റെ നിയമനത്തിന്റെ കാര്യത്തിലെന്ന പോലെ തന്നെ രാജിക്കും രാഷ്ട്രപതി വളരെ വേഗം അനുമതി നൽകി. മറ്റൊരു കമ്മിഷണർ അനൂപ് ചന്ദ്ര പാണ്ഡെ കഴിഞ്ഞ മാസം വിരമിച്ചിരുന്നു. ഇതോടെയാണു 2 ഒഴിവു വന്നത്.
കേന്ദ്ര നിയമമന്ത്രിയും ആഭ്യന്തര, പഴ്സനേൽ മന്ത്രാലയങ്ങളുടെ സെക്രട്ടറിമാരും അടങ്ങുന്ന സേർച് കമ്മിറ്റി 5 പേരുകൾ വീതം ഉൾപ്പെടുന്ന 2 ചുരുക്കപ്പട്ടിക നിയമന സമിതിക്കു സമർപ്പിക്കും. പ്രധാനമന്ത്രി, അദ്ദേഹം നിർദേശിക്കുന്ന കേന്ദ്രമന്ത്രി, ലോക്സഭയിലെ പ്രതിപക്ഷനേതാവ്, അല്ലെങ്കിൽ ഏറ്റവും വലിയ കക്ഷിയുടെ നേതാവ് എന്നിവരടങ്ങുന്ന സമിതി നിർദേശിക്കുന്ന വ്യക്തിയെയാണു മുഖ്യ കമ്മിണഷറോ, കമ്മിഷണറോ ആയി രാഷ്ട്രപതി നിയമിക്കുക. ഈ സമിതി പതിമൂന്നിനോ പതിനാലിനോ ചേരുമെന്നും 15നുള്ളിൽ നിയമനം നടക്കുമെന്നുമാണു നിലവിലെ വിവരം.
Read More:
- മാർച്ച് 11- ആയുധങ്ങളെ നിഷ്പ്രഭമാക്കിയ മനുഷ്യൻ; ഗാന്ധിയുടെ യഥാർത്ഥ വിപ്ലവ വീര്യം പ്രകടമായ ദിനം
- പരിഭാഷകന്റെ രസികൻ മൊഴിമാറ്റവും കമന്റും കേട്ട് പൊട്ടിച്ചിരിച്ച് വൃന്ദ കാരാട്ട്
- ഫ്ലോട്ടിങ് ബ്രിഡ്ജ് തകർന്ന സംഭവം; ടൂറിസം ഡയറക്ടര്‍ ഇന്ന് റിപ്പോര്‍ട്ട് നല്‍കും
- എല്ലാ മണ്ഡലങ്ങളിലും സ്ഥാനാർഥികളെ പ്രഖ്യാപിച്ച് തൃണമൂൽ; ബംഗാളിൽ ഇൻഡ്യ സഖ്യമില്ല
- വി.സിമാരെ പുറത്താക്കൽ: ഇന്ന് പ്രതിഷേധ ദിനം
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
