അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുകേഷ് കുമാർ സിംഗ് സംവിധാനം ചെയ്യുന്ന ‘കണ്ണപ്പ’യിലെ വിഷ്ണു മഞ്ചുവിന്റെ ഫസ്റ്റ് ലുക്ക് പോസ്റ്റർ ശിവരാത്രി ദിനത്തിൽ അണിയറപ്രവർത്തകർ പുറത്തുവിട്ടു. ഭക്തകണ്ണപ്പയുടെ വേഷം തീവ്രതയോടെ അവതരിപ്പിക്കുന്ന വിഷ്ണു മഞ്ചുവിനെ പോസ്റ്ററിൽ കാണാം.
പരമശിവൻ്റെ ആത്യന്തിക ഭക്തനായിത്തീർന്ന നിരീശ്വരവാദിയും നിർഭയനുമായ ഒരു യോദ്ധാവിൻ്റെ യാത്രയാണ് ചിത്രത്തിന്റെ പ്രമേയം. വിഷ്ണു മഞ്ചുവിനോടൊപ്പം മോഹൻ ബാബു, മോഹൻലാൽ, പ്രഭാസ്, ശരത് കുമാർ, ബ്രഹ്മാനന്ദം തുടങ്ങിയവർ സുപ്രധാന വേഷങ്ങളിലെത്തുന്ന ചിത്രമിപ്പോൾ 600-ലധികം അന്താരാഷ്‌ട്ര ക്രൂ അംഗങ്ങളോടെ ന്യൂസിലാൻഡിൽ രണ്ടാം ഷെഡ്യൂൾ ചിത്രീകരിക്കുകയാണ്.
വിഷ്ണു മഞ്ചുവിന്റെ വാക്കുകൾ,”അർപ്പണബോധവും അഭിനിവേശവും നിറഞ്ഞ അവിശ്വസനീയമായ ഒരു യാത്രയായിരുന്നു ‘കണ്ണപ്പ’. ഒരു സിനിമ എന്നതിലുപരി ഒരു യോദ്ധാവിൻ്റെ ആത്മാവിലേക്ക് ആഴത്തിലുള്ള അന്വേഷണമാണിത്.
Read More…..
- എന്നും ഒരേ ചായ കുടിച്ചു മടുത്തില്ലേ? ഇന്ന് വെറൈറ്റി രീതിയിൽ ഒരു ചായ ആയാലോ…
- നജിം അർഷദിന്റെ മധുര സ്വരത്തിൽ ‘യാമം’: ഷോജി സെബാസ്റ്റ്യന്റെ ‘എല്‍’ലെ ആദ്യ ഗാനം പുറത്ത്.
- സാമൂഹിക പ്രസക്തിയുള്ള വിഷയങ്ങളുമായി ‘ഒരു സര്‍ക്കാര്‍ ഉത്പന്നം’: റിവ്യൂ
- പഞ്ഞി പോലെ നരച്ച മുടിയെ എള്ള് പോലെ കറുപ്പിക്കും: ഈ ഒരൊറ്റ എണ്ണ വീട്ടിൽ ഉണ്ടാക്കി നോക്കു; മാറ്റം തിരിച്ചറിയാം
- ആസ്മ ഉള്ളവർ ശ്രദ്ധിക്കുക: ഈ കാര്യങ്ങൾ വീട്ടിൽ ഉറപ്പായും ചെയ്യണം
ഈ ചിത്രത്തിന് ജീവൻ നൽകുമ്പോൾ അനുഭവപ്പെട്ട മാജിക് വെളിപ്പെടുത്തുന്നതിന്റെ ത്രില്ലിലാണ് ഞാൻ. മഹാശിവരാത്രി ദിനത്തിൽ ഫസ്റ്റ് ലുക്ക് പ്രദർശിപ്പിക്കാൻ സാധിച്ചത് ശിവൻ്റെ അനുഗ്രഹമായ് കരുതുന്നു.”
ശ്രീകാളഹസ്തീശ്വര ക്ഷേത്രത്തിൽ പ്രഖ്യാപിച്ച ‘കണ്ണപ്പ’യിൽ പ്രശസ്ത ഹോളിവുഡ് ഛായാഗ്രാഹകൻ ഷെൽഡൻ ചൗ, ആക്ഷൻ ഡയറക്ടർ കെച്ച ഖംഫക്‌ഡി, ഡാൻസ് മാസ്‌ട്രോ പ്രഭുദേവ എന്നിവരും ഉൾപ്പെടുന്നു. പിആർഒ: ശബരി.
