വൈജയന്തി മൂവീസിന്റെ ബാനറിൽ പ്രഭാസ് – നാഗ് അശ്വിൻ കൂട്ടുകെട്ടിൽ ഒരുങ്ങുന്ന ‘കൽക്കി 2898 AD’ മെയ് 9ന് റിലീസിന് തയ്യാറെടുക്കുന്നു. ചിത്രത്തിന്റെ പ്രൊഡക്ഷൻ – പോസ്റ്റ് പ്രൊഡക്ഷൻ ജോലികൾ ഒരേ സമയം പുരോഗമിക്കുകയാണ്.
ചിത്രത്തിലെ താരങ്ങളും അണിയറപ്രവർത്തകരും ഗാനത്തിന്റെ ചിത്രീകരണത്തിനായി ഇറ്റലിയിലേക്ക് തിരിച്ചു.
പ്രഭാസ് ഉൾപ്പെടുന്ന നൃത്തരംഗങ്ങളാണ് ഇറ്റയിൽ ചിത്രീകരിക്കുന്നത്. സമൂഹ മാധ്യമങ്ങളിൽ താരങ്ങളും അണിയറപ്രവർത്തകരും ഒരുമിച്ചുള്ള ചിത്രം പങ്കുവെച്ചിട്ടുണ്ട്. പ്രഭാസിനൊപ്പം നാഗ് അശ്വിൻ, ദിഷ പഠാനി എന്നിവരെയും ചിത്രത്തിൽ കാണാം.
Read More…….
ബിസി 3101-ലെ മഹാഭാരതത്തിലെ ഇതിഹാസ സംഭവങ്ങളിൽ നിന്ന് തുടങ്ങി 2898 AD വരെ സംഭവിക്കുന്ന സഹസ്രാബ്ദങ്ങൾ നീണ്ടുനിൽക്കുന്ന ഒരു യാത്രയാണ് കൽക്കിയുടെ ഇതിവൃത്തം.
ദീപിക പദുകോൺ ചിത്രത്തിൽ പ്രഭാസിന്റെ നായികയായി എത്തുന്നു. അമിതാഭ് ബച്ചനും കമൽ ഹാസനും ചിത്രത്തിൽ മറ്റ് പ്രധാന വേഷങ്ങൾ അവതരിപ്പിക്കുന്നു. വൈജയന്തി മൂവീസിന്റെ ബാനറിൽ അശ്വിനി ദത്ത് ചിത്രം നിർമിക്കുന്നു. പി ആർ ഒ – ശബരി