അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നടൻ, നിർമാതാവ്, തിരക്കഥാകൃത്ത് തുടങ്ങിയ നിലകളിൽ തന്റെ സാനിധ്യമറിയിച്ച ചെമ്പൻ വിനോദ് ജോസ് നിർമിക്കുന്ന പുതിയ ചിത്രമാണ് അഞ്ചക്കള്ളക്കോക്കാൻ. ചിത്രത്തിന്റെ ട്രെയിലർ റിലീസ് ചെയ്തു.
ചെമ്പൻ വിനോദ്, ലുക്ക്മാൻ എന്നിവർ പ്രധാന വേഷത്തിലെത്തുന്ന ചിത്രം മാർച്ച്‌ 15 ന് തിയറ്ററുകളിൽ എത്തും. അതിഗംഭീരമായ ആക്ഷൻ രംഗങ്ങൾകൊണ്ട് സമ്പൂർണ്ണമാണ് ട്രെയിലർ.
ചെമ്പൻ വിനോദിന്റെ സഹോദരനായ ഉല്ലാസ് ചെമ്പനാണ് ചിത്രം സംവിധാനം ചെയ്യുന്നത്. അങ്കമാലി ഡയറീസ് എന്ന ചിത്രത്തിലൂടെ അഭിനേതാവായി ആണ് ഉല്ലാസ് സിനിമാ രംഗത്തെത്തുന്നത്. ചെമ്പോസ്കി മോഷൻ പിക്ചേഴ്സാണ് ചിത്രം പ്രേക്ഷകർക്ക് മുന്നിൽ എത്തിക്കുന്നത്.
അങ്കമാലി ഡയറീസ്, സ്വാതന്ത്ര്യം അർദ്ധരാത്രിയിൽ, ജെല്ലിക്കെട്ട്, ചുരുളി തുടങ്ങി സുലൈഖ മൻസിൽ വരെ 7 സിനിമകൾ ഇതുവരെ ചെമ്പോസ്കി മോഷൻ പിക്ചേഴ്സ് പ്രേക്ഷകർക്ക് മുന്നിൽ എത്തിച്ചിട്ടുണ്ട്.
1980 കളുടെ അവസാനം പശ്ചാത്തലമാക്കി കേരള കർണാടക അതിർത്തിയിലെ ഒരു ഗ്രാമത്തിൽ നടക്കുന്ന കഥയാണ് അഞ്ചക്കള്ളകോക്കാൻ. പേര് പോലെ തന്നെ ഏറെ വ്യത്യസ്തമായ ചിത്രത്തിന്റെ ഫസ്റ്റ് ലുക്ക് പോസ്റ്റർ നേരത്തെ ശ്രദ്ധേയമായിരുന്നു.
Read More……
- 100 കോടി ബജറ്റ്: ഒമ്പത് ഭാഷകൾ: പ്രേക്ഷകരെ ഞെട്ടിക്കാൻ ആക്ഷൻ ത്രില്ലർ ‘യുഐ’ ഉടൻ എത്തുന്നു
- അംബാനി വിരുന്നിൽ പങ്കെടുത്ത താരങ്ങൾക്കെതിരെ രൂക്ഷവിമർശനവുമായി നടി കങ്കണ റണൗട്ട്
- സവര്‍ക്കറായി രൺദീപ് ഹൂഡ എത്തുന്ന ചിത്രം: ‘സ്വതന്ത്ര വീർ സവർക്കർ’ ട്രെയിലർ റിലീസ് ചെയ്തു
- കുഞ്ഞിനെ കൊല്ലുന്ന അമ്മ: ഓരോ പുരുഷന്മാരും അറിഞ്ഞിരിക്കണം; എന്താണ് പ്രസവാനന്തര വിഷാദ രോഗം?
- പൊണ്ണത്തടി മുതൽ മസ്തിഷ്ക് രോഗം വരെ നിയന്ത്രിക്കും: കുടങ്ങലിന്റെ ഗുണങ്ങളെ പറ്റി അറിയുമോ?
മലയാളി പ്രേക്ഷകർക്കു അത്രകണ്ട് സുപരിചിതമല്ലാത്ത മലയാളം വെസ്റ്റേൺ ട്രീറ്റ്മെന്റിലൂടെ പൊറാട്ട് എന്ന ഫോക്ക് കലാരൂപത്തെ മുൻനിർത്തിയാണ് ചിത്രത്തിന്റെ കഥ ഉല്ലാസ് ചെമ്പൻ അവതരിപ്പിക്കുന്നത്.
മണികണ്ഠൻ ആചാരി, മെറിൻ ഫിലിപ്പ്, മേഘാ തോമസ്, ശ്രീജിത്ത്‌ രവി, സെന്തിൽ കൃഷ്ണ എന്നിവരാണ് മറ്റു പ്രധാന വേഷങ്ങളിൽ എത്തുന്നത്.
സംവിധായകൻ ഉല്ലാസ് ചെമ്പനും വികിൽ വേണുവും ചേർന്നാണ് ചിത്രത്തിന്റെ തിരക്കഥ ഒരുക്കിയത്. ആർമോ ചായാഗ്രഹണം ഒരുക്കുന്നു. മണികണ്ഠൻ അയ്യപ്പയാണ് സംഗീത സംവിധാനം. എഡിറ്റിങ് രോഹിത് വി.എസ്. വാര്യത്ത്.
