അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആരാധകർ ഏറെയുള്ള താരമാണ് കിംഗ് ഖാൻ എന്ന ഷാരൂഖ് ഖാൻ എന്ന് എടുത്ത് പറയേണ്ടതില്ലലോ. ഷാരൂഖ് ഖാനെ നേരിട്ട് കണ്ടാൽ മാത്രമല്ല അദ്ദേഹത്തിന്റെ ഒരു ഫോട്ടോ കണ്ടാൽ പോലും ആരാധകർക്ക് ഹൃദയം നിറഞ്ഞ സന്തോഷമാണ്. അപ്പോൾ പിന്നെ ആരാധകർക്ക് മുന്നിലേക്കെത്തുന്നത് ഷാരൂഖിന്റെ കുട്ടികാലത്തെ ചിത്രങ്ങളാണെങ്കിലോ ?
അത്തരത്തിൽ ഒരു ചിത്രമാണ് സമൂഹമാധ്യമണങ്ങളിൽ വൈറൽ ആകുന്നത്. എന്നാൽ ഈ ചിത്രങ്ങൾ അത്ര അങ്ങോട്ട് വിശ്വസിക്കാൻ കഴിയില്ല. എന്താണ് ഈ ചിത്രത്തിന് പിന്നിലെ രഹസ്യം എന്ന് അന്വേഷിക്കാം.
ക്യൂട്ട് ഷാരൂഖ് എന്ന തലക്കെട്ടോടെയാണ് ചിത്രം പോസ്റ്റ് ചെയ്തിരിക്കുന്നത്. 2024 ഫെബ്രുവരി 16ന് പോസ്റ്റ് ചെയ്ത ചിത്രങ്ങള്‍ക്ക് ഒരു ലക്ഷത്തിലേറെ ലൈക് ആണ് ലഭിച്ചത്. ബോളിവുഡ് പോസ്റ്റ് എന്ന ഫേസ്‌ബുക്ക് പേജിൽ ആണ് ചിത്രം പോസ്റ്റ് ചെയ്തത്.
ഇവിടെയാണ് ചില സംശയങ്ങൾ ഒക്കെ തോന്നുന്നത്. കൊടുത്തിരിക്കുന്ന രണ്ട് ചിത്രത്തിൽ ഒന്നിന് 90കളിലെ ക്യൂട്ട് ചോക്ലേറ്റ് നായകനായ ഷാരൂഖിന്റെ രൂപ സാദൃശ്യമുണ്ടെങ്കിലും രണ്ടാമത്തെ ഫോട്ടോ ഇതുവരെ ആരും കാണാത്ത ലുക്കിലുള്ളതാണ്.
ചിത്രം ഒന്ന് റിവേഴ്സ് ഇമേജ് സെർച്ചിന്റെ സഹായത്തോടെ പരിശോധിക്കുമ്പോൾ പ്രചരിക്കുന്ന രണ്ട് ചിത്രങ്ങളും യഥാര്‍ഥമല്ല എന്ന് ഉറപ്പാക്കും. 2023 ഓഗസ്റ്റ് 31ന് ഫിലിംഫെയര്‍ ഡോട് കോമില്‍ പ്രസിദ്ധീകരിച്ച ഒരു ആർട്ടിക്കിളിനൊപ്പം ചില വിവരങ്ങൾ കൂടി കിട്ടി. എ ഐ ഉപയോഗിച്ച് നിർമ്മിച്ചതാണ് ഷാരൂഖ് ഖാന്റെ ഈ ചിത്രമെന്ന ആർട്ടിക്കിളിന്റെ തുടക്കത്തിൽ തന്നെ കൃത്യമായി പറയുന്നുണ്ട്. ഷാറൂഖ് ഖാന്റെയും നയൻതാരയുടെയും ഒക്കെ എ ഐ ചിത്രങ്ങൾ ഇങ്ങനെ സൃഷ്ടിച്ചിട്ടുണ്ട്. ഇവരുടെയൊക്കെ ഇപ്പോഴത്തെ മുഖവുമായി സാദൃശ്യം തോന്നിക്കുന്ന രീതിയിൽ ചെറിയ വ്യത്യാസങ്ങളോടെയാണ് ഈ ചിത്രങ്ങൾ നിർമ്മിച്ചിരിക്കുന്നത്.
ഷാറൂഖ് ഖാന്റെ കുട്ടികാലത്തെ ചിത്രങ്ങൾ എന്ന അവകാശവാദവുമായി പ്രചരിക്കുന്ന ചിത്രം എഐ നിർമ്മിതമാണ് എന്ന് ഉറപ്പിക്കാം.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
