അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ലഖ്നോ: അശ്ലീല വിഡിയോ പ്രചരിച്ചതിനു പിന്നാലെ യു.പിയിലെ ബി.ജെ.പി സ്ഥാനാർഥി ഉപേന്ദ്രസിങ് റാവത്ത് പിൻമാറി. ബാരാബങ്കി ലോക്സഭ സീറ്റിലാണ് മത്സരിക്കാനിരുന്നത്. ബി.ജെ.പി സിറ്റിങ് എം.പിയുമാണ്. ഒരുവിദേശവനിതക്കൊപ്പമുള്ള ദൃശ്യങ്ങളാണ് പ്രചരിച്ചത്. തുടർന്ന് സ്ഥാനാർഥിത്വത്തിൽ നിന്ന് പിൻമാറുകയാണെന്ന് പ്രഖ്യാപിക്കുകയായിരുന്നു. എന്നാൽ പ്രചരിക്കുന്ന വിഡിയോ വ്യാജമാണെന്നും ഇതുസംബന്ധിച്ച് പൊലീസിൽ പരാതി നൽകിയിട്ടുണ്ടെന്നും ഉപേന്ദ്രസിങ് വ്യക്തമാക്കി. നിരപരാധിത്വം തെളിയിക്കുന്നത് വരെ മത്സരിക്കാനില്ലെന്നും അദ്ദേഹം വ്യക്തമാക്കി. എതിരാളികളാണ് ഇതിന് പിന്നിലെന്നും ആരോപിച്ചു.
Read More :
- പരീക്ഷാ സമയത്ത് കെഎസ്യു വിദ്യാഭ്യാസ ബന്ദ് പ്രഖ്യാപിച്ചത് തെരുവുകൾ യുദ്ധക്കളമാക്കി മാറ്റാൻ : മന്ത്രി വി ശിവൻകുട്ടി
- കോഴക്കേസിൽ ഉൾപ്പെടുന്ന ജനപ്രതിനിധികൾക്ക് പരിരക്ഷ നൽകുന്ന വിധി റദ്ദാക്കി സുപ്രീം കോടതി
- 18 കഴിഞ്ഞ എല്ലാ സ്ത്രീകൾക്കും പ്രതിമാസം 1000 രൂപ വീതം നൽകാൻ ഡൽഹി സർക്കാർ
- മാർച്ച് ഏഴിന് സംസ്ഥാന വ്യാപകമായി റേഷന് കടകള് അടച്ചിട്ട് പ്രതിഷേധം
- ഇന്ദിരയുടെ മൃതദേഹത്തോട് സിപിഐഎം കാണിച്ചത് ധാര്ഷ്ഠ്യം : മാത്യു കുഴല്നാടന്
കഴിഞ്ഞ ദിവസം ബി.ജെ.പി പുറത്തിറക്കിയ സ്ഥാനാർഥിപട്ടികയിലാണ് ഉപേന്ദ്രസിങ് ഉൾപ്പെട്ടിരുന്നത്. അതിനു പിന്നാലെയാണ് ഇദ്ദേഹത്തിന്റെ പേരിൽ അശ്ലീല വിഡിയോ പ്രചരിച്ചത്. ഡീപ് ഫേക്ക് വിഡിയോ ആണിതെന്നാണ് ഉപേന്ദ്രസിങ് അവകാശപ്പെടുന്നത്. ബി.ജെ.പി നേതൃത്വം ഇത് അന്വേഷിക്കണമെന്നും ആവശ്യപ്പെട്ടിട്ടുണ്ട്.
