അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇടുക്കി: കാട്ടാനയുടെ ആക്രമണത്തില്‍ വയോധിക കൊല്ലപ്പെട്ട സംഭവത്തില്‍ സര്‍ക്കാരിനെതിരെ രൂക്ഷ വിമര്‍ശനവുമായി മാത്യു കുഴല്‍നാടന്‍ എംഎല്‍എ. ഫെന്‍സിങ് സ്ഥാപിച്ചിരുന്നെങ്കില്‍ ഇന്ദിരയുടെ ജീവന്‍ നഷ്ടമാകില്ലായിരുന്നുവെന്ന് മാത്യു കുഴല്‍നാടന്‍ പറഞ്ഞു. എസ്എഫ്‌ഐയേക്കാള്‍ ഭ്രാന്ത് പിടിച്ച സര്‍ക്കാരാണ് കേരളത്തിലേത്. സിപിഐഎം ഇന്ദിരയുടെ മൃതദേഹത്തോട് ധാര്‍ഷ്ഠ്യംകാണിച്ചെന്നും മാത്യു കുഴല്‍നാടന്‍ പറഞ്ഞു.
വന്യ ജീവി ആക്രമണത്തില്‍ പ്രതിഷേധം അവസാനിക്കില്ല. ജനവികാരം കണക്കിലെടുത്താണ് മൃതദേഹവുമായി പ്രതിഷേധിച്ചത്. ഇന്ദിരയുടെ കുടുംബത്തിന്റെ അനുമതിയോടെയായിരുന്നു പ്രതിഷേധം. പ്രതിഷേധം തടയാന്‍ സിപിഐഎമ്മുകാരാണ് പൊലീസിനെ തള്ളിവിട്ടതെന്നും മാത്യു കുഴല്‍നാടന്‍ ആരോപിച്ചു.
Read More :
- ‘എസ്.എഫ്.ഐ സ്ഥാനാർഥിയാകില്ലെന്ന് പറഞ്ഞു, അതിൻ്റെ പേരിൽ താൻ നോട്ടപ്പുള്ളിയായി’ : കൊയിലാണ്ടി കോളജിലെ എസ്. എഫ്.ഐ മർദ്ദനമേറ്റ അമൽ
- “താൻ സാക്ഷിയോ പ്രതിയോ?”; ഇഡിയെ വീണ്ടും അവഗണിക്കാൻ അരവിന്ദ് കെജ്രിവാൾ
- രണ്ടും കൽപിച്ച് ഗവർണർ;പൂക്കോട് വെറ്ററിനറി സർവകലാശാലയിലേക്ക് ആരിഫ് മുഹമ്മദ് ഖാൻ
- നാഗ്പൂരിൽ സൈക്കിൾ പോളോ താരത്തിന്‍റെ മരണം: പോസ്റ്റ്മോര്‍ട്ടം റിപ്പോര്‍ട്ടില്‍ വ്യക്തതയില്ല
- നാടോടി പെൺകുട്ടിയെ തട്ടിക്കൊണ്ടുപോയ സംഭവം; പ്രതി പിടിയിൽ
വനംവകുപ്പ് മന്ത്രി ആരോഗ്യപ്രശ്‌നം കാരണം ചര്‍ച്ചക്ക് എത്തില്ലെന്നാണ് അറിയിച്ചത്. ചര്‍ച്ചയ്ക്ക് എത്തിയ കളക്ടറെ സിപിഐഎം ആശുപത്രിയില്‍ തടഞ്ഞു. പ്രതിഷേധം അവസാനിപ്പിച്ചാല്‍ മാത്രം ചര്‍ച്ച മതിയെന്ന് സിപിഐഎം കളക്ടറോട് ആവശ്യപ്പെട്ടു. പ്രതിഷേധം അവസാനിക്കുന്നില്ലെന്നും മാത്യു കുഴല്‍നാടന്‍ നിലപാട് വ്യക്തമാക്കി.
യുഡിഎഫിന്റെയും നാട്ടുകാരുടെയും നോതൃത്വത്തിലായിരുന്നു മൃതദേഹവുമായി തെരുവില്‍ പ്രതിഷേധം സംഘടിപ്പിച്ചത്. തുടര്‍ന്ന് മൃതദേഹം പ്രതിഷേധക്കാരുടെ കൈയ്യില്‍ നിന്നും പൊലീസ് പിടിച്ചെടുക്കുകയായിരുന്നു. മൃതദേഹം സൂക്ഷിച്ചിരുന്ന ഫ്രീസര്‍ റോഡിലൂടെ വഴിച്ചിഴച്ചുകൊണ്ടുപോയി ആംബുലന്‍സിലേക്ക് മാറ്റുകയായിരുന്നു.കളക്ടറുമായി വിഷയം ചര്‍ച്ച ചെയ്യാനിരിക്കെ പൊലീസ് മൃതദേഹം പിടിച്ചെടുത്തതാണ് പ്രതിഷേധക്കാരെ പ്രകോപിപ്പിച്ചത്.
