അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂഡൽഹി: ഇന്ത്യയിൽ കഴിഞ്ഞവർഷം മുസ്‌ലിങ്ങളെ ലക്ഷ്യമിട്ട് 668 വിദ്വേഷപ്രസംഗങ്ങൾ നടന്നെന്ന് റിപ്പോർട്ട്. ഇതിൽ 75 ശതമാനവും ബി.ജെ.പി. ഭരിക്കുന്ന സംസ്ഥാനങ്ങളിലാണെന്നും അമേരിക്ക ആസ്ഥാനമായി പ്രവർത്തിക്കുന്ന ഇന്ത്യ ഹേറ്റ് ലാബിന്റെ റിപ്പോർട്ടിൽ പറയുന്നു. രാജസ്ഥാൻ, മധ്യപ്രദേശ്, തെലങ്കാന, ഛത്തീസ്ഗഢ് നിയമസഭാ തിരഞ്ഞെടുപ്പുകൾ നടന്ന ഓഗസ്റ്റ്‌മുതൽ നവംബർവരെയുള്ള കാലയളവിലാണ് വിദ്വേഷപ്രസംഗങ്ങൾ കൂടിയതെന്നും റിപ്പോർട്ടിലുണ്ട്.
2023 ആദ്യപകുതിയിൽ 255 സംഭവങ്ങളാണ് റിപ്പോർട്ട് ചെയ്തതെങ്കിൽ രണ്ടാംപകുതിയിൽ 413 സംഭവങ്ങളാണ് റിപ്പോർട്ട് ചെയ്തത്. മഹാരാഷ്ട്ര (118), ഉത്തർപ്രദേശ് (104), മധ്യപ്രദേശ് (65), രാജസ്ഥാൻ (64), ഹരിയാണ (48), ഉത്തരാഖണ്ഡ് (41), കർണാടക (40), ഗുജറാത്ത് (31), ഛത്തീസ്ഗഢ് (21), ബിഹാർ (8) എന്നിവയാണ് വിദേഷപ്രസംഗങ്ങളിൽ മുന്നിലുള്ളത്. 2023-ൽ റിപ്പോർട്ട് ചെയ്ത ആകെ വിദ്വേഷപ്രസംഗങ്ങളിൽ 239-ലും മുസ്‌ലിങ്ങളെ ആക്രമിക്കാൻ നേരിട്ട് ആഹ്വാനമുണ്ടായി.
Read more :
- സാമ്പത്തികമായി തകർന്ന് ഇസ്രായേൽ; സമ്പദ്ഘടനയ്ക്ക് പ്രഹരമേൽപ്പിച്ച് യുദ്ധം
- സർക്കാർ സ്ഥലമേറ്റെടുക്കുമ്പോള്‍ നഷ്ടപരിഹാരം ലഭിക്കുകയെന്നത് ഉടമയുടെ അവകാശം : സുപ്രീംകോടതി
- ഹിമാചലിൽ കോൺഗ്രസ് സർക്കാറിനെ ആശങ്കയിലാക്കി വിശ്വാസ വോട്ടെടുപ്പിന് ബി.ജെ.പി : ഗവർണറെ കണ്ടു
- ഗഗൻയാനും മോദിയുടെ ‘തെരഞ്ഞെടുപ്പ് ഗിമിക്കും’; ചില ശാസ്ത്രസത്യങ്ങൾ
- കടലിൻ്റെ നീല നിറവും ഭരണഘടനയും പിന്നെ ദേശീയ ശാസ്ത്ര ദിനവും; ഫെബ്രുവരി 28 ഓർമ്മപ്പെടുത്തുന്നത്
ഹിന്ദു വലതുപക്ഷ സംഘടനകളായ അന്താരാഷ്ട്രീയ ഹിന്ദുപരിഷത്ത് മേധാവി പ്രവീൺ തൊഗാഡിയ, ഹിന്ദു രാഷ്ട്രസേനയുടെ തലവൻ ധനഞ്ജയ് ദേശായ്, ബി.ജെ.പി. നിയമസഭാംഗങ്ങളായ ടി. രാജാ സിങ്, കാജൽ ഹിന്ദുസ്ഥാനി തുടങ്ങിയവരാണ് ഏറ്റവുമധികം വിദ്വേഷപ്രസംഗങ്ങൾ നടത്തിയതെന്നും റിപ്പോർട്ടിലുണ്ട്. മുസ്‌ലിം ആരാധനാലയങ്ങളെ ലക്ഷ്യമാക്കിയുള്ള പ്രസംഗങ്ങളും ലവ് ജിഹാദ്, ലാൻഡ് ജിഹാദ്, ഹലാൽ ജിഹാദ്, ജനസംഖ്യ ജിഹാദ് പോലെയുള്ള ഗൂഢാലോചന സിദ്ധാന്തങ്ങളും വിദ്വേഷപ്രസംഗങ്ങളുടെ പ്രമേയങ്ങളായി.
