അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: ടി.പി. ചന്ദ്രശേഖരൻ കേസിൽ ശിക്ഷ വിധിച്ച് ഹൈക്കോടതി. മുമ്പ് കോടതി വെറുതേ വിട്ട പ്രതികൾക്കും ശിക്ഷിച്ച മറ്റ് 9 പ്രതികൾക്കും വിചാരണക്കോടതി വെറുതെ വിട്ട കെ.കെ.കൃഷ്ണനും ജ്യോതി ബാബുവിനും ജീവപര്യന്തം. ഒന്നു മുതൽ 8 വരെയുള്ള പ്രതികൾക്കും പതിനൊന്നാം പ്രതിക്കും ഒപ്പം ഒഴിവാക്കപ്പെട്ട 2 പേർക്കുമാണ് ജീവപര്യന്തം. ജസ്റ്റിസുമാരായ എ.കെ ജയശങ്കരൻ നമ്പ്യാരും കൗസർ എടപ്പഗത്തുമടങ്ങിയ ബഞ്ചിന്റേതാണ് വിധി. ഇത് ഇന്ന് ഹൈക്കോടതി ഇരട്ട ജീവപര്യന്തമായി ഉയർത്തി.
അപൂർവ്വങ്ങളിൽ അപൂർവ്വമല്ലാത്ത കേസല്ല എന്ന നിരീക്ഷണത്തോടെയാണ് പ്രതികൾക്ക് വധശിക്ഷ ഒഴിവാക്കിയത്. 20 വർഷത്തേക്ക് പരോളോ മറ്റ് ഇളവോ നൽകരുതെന്നും കോടതി വിധിയിൽ പറയുന്നു. കെ.കെ. രമയ്ക്ക് ഏഴര ലക്ഷം രൂപയും ടിപി യുടെ മകന് 5 ലക്ഷം രൂപയും പ്രതികൾ നൽകണമെന്നും വിധിയിൽ പറയുന്നു.
ടി.പി. വധം വിയോജിപ്പിനുള്ള അവകാശത്തിനെതിരെയുള്ള കടന്നാക്രമണം;പ്രതികൾ നടത്തിയത് ജനാധിപത്യത്തിനും നിയവാഴ്ചക്കെതിരെയുമുള്ള വെല്ലുവിളിയെന്നും ഹൈക്കോടതി
ടി.പി ചന്ദ്രശേഖരന്റെ കൊലപാതകവുമായി ബന്ധപ്പെട്ട് ശ്രദ്ധേയമായ നിരീക്ഷണങ്ങൾ വാദം കേൾക്കവേ ഇന്ന് ഹൈക്കോടതി നടത്തി . ടി.പി. ചന്ദ്രശേഖരൻ വധം ജനാധിപത്യത്തിനും നിയമ വാഴ്ചക്കും നേരെയുണ്ടായ ആക്രമണമാണെന്നാണ് കോടതിയുടെ നിരീക്ഷണം.
രാഷ്ട്രീയ കൊലപാതകം സാധാരണയാണെന്ന് ചിന്തയാണ് മിക്കയാളുകൾക്കുമുള്ളത്. ടിപിയുടെ കൊലപാതകം വിയോജിപ്പിനുള്ള അവകാശത്തിനു നേരെയുള്ള കടന്നാക്രമണമാണെന്ന് ഹൈക്കോടതി നിരീക്ഷിച്ചു. ടി.പി. വധക്കേസിൽ വാദം തുടരവേയാണ് കോടതിയുടെ നിരീക്ഷണം.
സിപിഎം നേതാവ് പി. മോഹനൻ ഉൾപ്പെടെയുള്ള പ്രതികളെ വിട്ടയച്ചതിനെതിരെ കെ.കെ. രമയും കേസിൽ ഗൂഢാലോചന നടന്നിട്ടുണ്ട് എന്ന് ചൂണ്ടിക്കാട്ടി പ്രതികളും നൽകിയ അപ്പീലുകളിലാണു ഹൈക്കോടതി വിധി പറയുക. ശിക്ഷ റദ്ദാക്കണമെന്നും പ്രതികൾ നൽകിയ ഹർജിയിൽ പറഞ്ഞിരുന്നു.
അതിക്രൂരമായ കൊലപാതകമാണ് നടന്നതെന്നും പ്രതികൾക്ക് പരമാവധി ശിക്ഷ നൽകണമെന്നായിരുന്നു പ്രോസിക്യൂഷൻ്റെ വാദം എന്നാൽ പ്രോസിക്യൂഷൻ നടത്തിയത് രാഷ്ട്രീയ പ്രസംഗമാണെന്നായിരുന്നു പ്രതിഭാഗത്തിന്റെ വാദം. പ്രതികളായ കെ.കെ. കൃഷ്ണന്റെയും ജ്യോതിബാബുവിന്റെയും പ്രായം കണക്കാക്കണ്ടെയെന്ന് പ്രോസിക്യൂഷനോട് കോടതി ആരാഞ്ഞു.
ടി.പി ചന്ദ്രശേഖരൻ വധക്കേസിൽ 2014ലാണ് 12 പ്രതികളെ കീഴ്ക്കോടതി കോടതി ശിക്ഷിച്ചത്. ശിക്ഷിച്ചവരിൽ സി പി എം പാനൂർ ഏരിയാ കമ്മിറ്റിയംഗം പി കെ കുഞ്ഞനന്തൻ മരണപ്പെട്ടിരുന്നു.പ്രതികളെ ശിക്ഷിച്ച ഉത്തരവ് ചോദ്യംചെയ്താണു ഹൈക്കോടതിയിൽ അപ്പീലുകൾ എത്തിയത്. ശിക്ഷിക്കപ്പെട്ട 12 പ്രതികൾ ശിക്ഷാവിധിക്കെതിരെ പ്രതികളും പ്രതികൾക്കു പരമാവധി ശിക്ഷ നൽകണമെന്നാവശ്യപ്പെട്ട് സർക്കാരും കോടതിയിൽ അപ്പീൽ നൽകിയിരുന്നു.
