അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊല്ക്കത്ത: സിംഹത്തിന് സീത എന്നു പേരിട്ടാല് എന്താണു ബുദ്ധിമുട്ടെന്ന് വിഎച്ച്പിയോട് കല്ക്കട്ട ഹൈക്കോടതി. ഹിന്ദു മതത്തില് മൃഗങ്ങളും ദൈവങ്ങള് അല്ലേയെന്നും ജല്പായ്ഗുഡിയിലെ കല്ക്കട്ട ഹൈക്കോടതിയുടെ സര്ക്കീറ്റ് ബെഞ്ച് ജസ്റ്റിസ് സൗഗത ഭട്ടാചാര്യ ചോദിച്ചു. ‘അക്ബര്’ എന്ന ആണ് സിംഹത്തെയും ‘സീത’ എന്ന പെണ്സിംഹത്തെയും മൃഗശാലയില് ഒന്നിച്ചു പാര്പ്പിക്കുന്നതിനെതിരെയാണ് വിശ്വഹിന്ദു പരിഷത്ത് കല്ക്കട്ട ഹൈക്കോടതിയെ സമീപിച്ചത്.
ഹിന്ദു വിശ്വാസത്തെ അപമാനിക്കുന്നതാണ് അക്ബറിനെ സീതയ്ക്കൊപ്പം ഒരേ കൂട്ടിലിട്ടത് എന്നാണ് വിഎച്ച്പിയുടെ വാദം. പെണ് സിംഹത്തിന്റെ പേരു മാറ്റണമെന്നും അവര് ആവശ്യപ്പെട്ടു. സംസ്ഥാന വനംവകുപ്പും ബംഗാള് സഫാരി പാര്ക്ക് ഡയറക്ടറുമാണ് എതിര്കക്ഷികള്.
Read more :
- രാജ്യത്തെപ്പറ്റി നിസ്വാർഥമായി ചിന്തിക്കുന്ന ആരുടെ കൂടെയും മക്കൾ നീതി മയ്യം സഹകരിക്കും : കമൽ ഹാസൻ
- ഡൽഹിയിലും പുണെയിലും പൊലീസ് നടത്തിയ ലഹരിവേട്ടയിൽ കണ്ടെത്തിയത് 1,100 കിലോ മെഫഡ്രോൺ
- ഐ.പി.എസ് ഓഫീസർക്ക് നേരെ ഖലിസ്ഥാൻ പരാമർശം നടത്തിയിട്ടില്ല : ആരോപണം നിഷേധിച്ച് ബി.ജെ.പി നേതാവ്
- മക്കളെ ഉപദ്രവിച്ച കേസിൽ വ്ലോഗർ റൂബി ഫ്രാങ്കെക്കു 60 വർഷം തടവ്
- സ്ത്രീയെ ജോലിയില് നിന്നും വിവാഹിതയായതിന്റെ പേരില് പിരിച്ചു വിടുന്നത് ലിംഗവിവേചനം : സുപ്രീംകോടതി
ഈ മാസം 13 ന് ആണ് ഇണ ചേര്ക്കുന്നതിനായി ത്രിപുരയിലെ സെപാഹിജാല സുവോളജിക്കല് പാര്ക്കില് നിന്നു സിംഹങ്ങളെ ബംഗാളില് എത്തിച്ചത്. അക്ബറിന് 7 വയസ്സും സീതയ്ക്ക് 5 വയസ്സുമാണു പ്രായം. ഇതേസമയം, സിംഹങ്ങള്ക്ക് ഇതുവരെ പേരിട്ടിട്ടില്ലെന്ന് മൃഗശാല അധികൃതര് പറഞ്ഞു.
