അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഡെറാഡൂണ് (ഉത്തരാഖണ്ഡ്): മുസ്ലിംകള് നമസ്കാരം നിർവഹിച്ചുകൊണ്ടിരുന്ന മദ്റസ തകർത്തതിനെത്തുടർന്ന് സംഘർഷം പൊട്ടിപ്പുറപ്പെട്ട ഉത്തരാഖണ്ഡിലെ ഹല്ദ്വാനിയില് കലാപ ബാധിത മേഖലകളില്നിന്ന് കർഫ്യൂ പൂർണമായും പിൻവലിച്ചു.ചൊവ്വാഴ്ച രാവിലെയാണ് കലാപം നടന്ന ഹല്ദ്വാനിയിലെ ബൻഭൂല്പുര പ്രദേശത്ത് നിന്ന് കർഫ്യൂ പൂർണ്ണമായും പിൻവലിച്ചതായി അധികൃതർ അറിയിച്ചത്.
രാവിലെ അഞ്ചു മണി മുതല് കർഫ്യൂ പിൻവലിച്ചതായി ഔദ്യോഗിക ഉത്തരവില് പറയുന്നു. നേരത്തേ, വിവിധ സമയങ്ങളില് കർഫ്യൂവില് ഇളവ് നല്കിയിരുന്നു. ഫെബ്രുവരി എട്ടിന് ബൻഭൂല്പുരയിലെ മദ്റസ തകർത്തതിന് പിന്നാലെയാണ് അക്രമം നടന്നത്. മുനിസിപ്പല് കോർപറേഷൻ അധികൃതർ നഗരവികസനത്തിന്റെ പേരില് മദ്റസ ബുള്ഡോസർ ഉപയോഗിച്ച് തകർക്കുകയായിരുന്നു.
Read more :
- അനധികൃത സ്വത്ത് സമ്പാദനക്കേസിൽ ജയലളിതയുടെ സ്വർണ, വജ്ര ആഭരണങ്ങൾ തമിഴ്നാടിനു മാർച്ചിൽ കൈമാറണമെന്ന് കർണാടക കോടതി
- മറാത്ത സംവരണ ബില് ഐക്യകണ്ഠേന പാസാക്കി മഹാരാഷ്ട്ര നിയമസഭ : സർക്കാർ ജോലിക്കും വിദ്യാഭ്യാസത്തിനും 10% സംവരണം
- പ്രപഞ്ചത്തിലെ ഏറ്റവും തിളക്കമുള്ള, അതിവേഗം വളരുന്ന തമോഗര്ത്തം കണ്ടെത്തി ഗവേഷകര്
- ലെഫ്റ്റനന്റ് ജനറല് ഉപേന്ദ്ര ദ്വിവേദി പുതിയ കരസേനാ ഉപമേധാവിയായി ചുമതലയേറ്റു
- ഉത്തര കൊറിയൻ നേതാവ് കിം ജോങ് ഉന്നിന് കാർ സമ്മാനമായി നൽകി പുടിൻ
അക്രമത്തില് ആറു പേർ കൊല്ലപ്പെടുകയും പോലീസ് ഉദ്യോഗസ്ഥരും മാധ്യമപ്രവർത്തകരും ഉള്പ്പെടെ നൂറിലധികം പേർക്ക് പരിക്കേല്ക്കുകയും ചെയ്തിരുന്നു. അക്രമസംഭവങ്ങളുമായി ബന്ധപ്പെട്ട് ഇതുവരെ 68 പേരെ അറസ്റ്റ് ചെയ്തിട്ടുണ്ട്.
