അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അക്ഷയ് കുമാർ, ടൈഗർ ഷ്റോഫ് എന്നിവർ കേന്ദ്ര കഥാപാത്രങ്ങളായി എത്തുന്ന ‘ബഡേ മിയാൻ ഛോട്ടേ മിയാൻ’ എന്ന ചിത്രത്തിലെ ആദ്യഗാനം പുറത്തിറങ്ങി.
ചിത്രത്തിന്റെ ടൈറ്റിൽ ട്രാക്കാണ് റിലീസ് ചെയ്തിരിക്കുന്നത്. വിശാൽ മിശ്ര ഈണം പകർന്നിരിക്കുന്ന ഗാനം സംഗീത സംവിധായകനും അനിരുദ്ധും ചേർന്നാണ് ആലപിച്ചിരിക്കുന്നത്.
ഇർഷാദ് കാമിൽ ആണ് വരികൾ എഴുതിയിരിക്കുന്നത്. ബോസ്കോ സീസറാണ് നൃത്ത സംവിധാനം. സംഗീത സംവിധായകൻ വിശാൽ മിശ്രതന്നെയാണ് ഗാനത്തിലെ റാപ്പ് ഭാഗങ്ങളും തയ്യാറാക്കിയിരിക്കുന്നത്.
ഈ വർഷത്തെ ഈദ് റിലീസായെത്തുന്ന ചിത്രത്തിൽ പൃഥ്വിരാജാണ് കബീർ എന്ന വില്ലൻ കഥാപാത്രത്തെ അവതരിപ്പിക്കുന്നത്. മലയാളം സംസാരിക്കുന്ന വില്ലനായിരിക്കും ഈ കഥാപാത്രമെന്ന സൂചന അടുത്തിടെ റിലീസായ ടീസർ നൽകിയിരുന്നു.
അയ്യ, ഔറംഗസേബ് എന്നീ ചിത്രങ്ങൾക്ക് ശേഷം പൃഥ്വിരാജ് അഭിനയിക്കുന്ന ബോളിവുഡ് ചിത്രമാണ് ബഡേ മിയാൻ ഛോട്ടേ മിയാൻ.
Read More…..
- ശരീരത്തിലെ സ്‌ട്രെച് മാർക്കുകൾ പെട്ടന്ന് കളയാം: ഇത് ഉപയോഗിച്ച് നോക്കു
- മാനന്തവാടിയിൽ പത്രമിടാനായി വന്ന ഫഹദ് മച്ചാൻ’: വൈറലായി അപരന്‍റെ വിഡിയോ
- ഭക്ഷണം കഴിച്ചതിനു ശേഷം ഈ ലക്ഷണങ്ങൾ അനുഭവപ്പെടുന്നുണ്ടോ? തിരിച്ചറിയാം നിങ്ങളിലുള്ള അലർജിയെ
- ഇതുവരെ കാണാത്ത വേറിട്ടൊരു ഗെറ്റപ്പ് ലുക്കിൽ ധനുഷ്: ‘രായൻ’ ഫസ്റ്റ് ലുക്ക് പോസ്റ്റർ| Raayan | D50 | First Look Poster
- ‘ആദ്യ വിവാഹത്തിന് രണ്ടു മാസം മാത്രം ആയുസ്സ്’: സംവിധായകൻ ശങ്കറിന്റെ മകൾ വിവാഹിതയാകുന്നു|Aishwarya Shankar gets engaged
അലി അബ്ബാസ് സഫർ സംവിധാനം ചെയ്യുന്ന ചിത്രത്തിൽ സൊനാക്ഷി സിൻഹ, മാനുഷി ചില്ലർ, അലായ എന്നിവരാണ് നായികമാർ. രോണിത്ത് റോയ് മറ്റൊരു പ്രധാനകഥാപാത്രത്തെ അവതരിപ്പിക്കുന്നു.
വഷു ഭഗ്നാനി, ജാക്കി ഭഗ്നാനി, ഹിമാൻഷു കിഷൻ, അലി അബ്ബാസ് സഫർ എന്നിവർ ചേർന്നാണ് നിർമാണം.
അലി അബ്ബാസ് സഫറും ആദിത്യ ബസുവും ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ആക്ഷൻ ത്രില്ലർ എൻ്റർടെയിനർ ഗണത്തിലുള്ള ചിത്രത്തിൻ്റെ കൂടുതൽ കാര്യങ്ങൾ ഉടൻതന്നെ വരാനിരിക്കുന്നുവെന്ന് നിർമ്മാതക്കൾ അറിയിച്ചു.
ഹിന്ദി, തമിഴ്, തെലുങ്ക്, മലയാളം, കന്നഡ ഭാഷകളിൽ ചിത്രം ഈദ് റിലീസ് ആയി ഏപ്രിലിൽ തിയറ്ററുകളിലെത്തും. വാർത്ത പ്രചാരണം: പി.ശിവപ്രസാദ്
