അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പ്രേക്ഷക ശ്രദ്ധ നേടിയ താരം പ്രശാന്ത് മുരളി നായകനാകുന്ന ‘കരുതൽ’ എന്ന സിനിമയുടെ ഫസ്റ്റ്ലുക്ക് പോസ്റ്റർ പുറത്തുവിട്ടു. ഡ്രീംസ് ഓണ് സ്ക്രീന് പ്രൊഡക്ഷന്സിന്റെ ബാനറില് ജോമി ജോസ് കൈപ്പാറേട്ട് കഥയെഴുതി സംവിധാനം ചെയ്യുന്ന ‘കരുതല്’ എന്ന ചിത്രത്തിന്റെ ഒഫീഷ്യല് പോസ്റ്റര് പ്രശസ്ത സിനിമാതാരവും സംവിധായകനും നിര്മാതാവുമായ ദിലീഷ് പോത്തന് പ്രകാശനം ചെയ്തു. ഡല്ഹി മലയാളിയായ ഐശ്വര്യ നന്ദന് ആണ് നായിക.
പ്രശസ്ത സിനിമാതാരങ്ങളായ കോട്ടയം രമേശ്, സുനില് സുഗത, സിബി തോമസ്, ട്വിങ്കിള് സൂര്യ, സോഷ്യല് മീഡിയ താരം ആദര്ശ് ഷേണായി, വര്ഷ വിക്രമന് എന്നിവര്ക്കൊപ്പം നിരവധി പുതുമുഖങ്ങളും പ്രധാന വേഷങ്ങളില് അണിനിരക്കുന്നു. പ്രശസ്ത ഛായാഗ്രാഹകനായ സാബു ജെയിംസാണ് ചിത്രത്തിന്റെ തിരക്കഥയെഴുതി ഛായാഗ്രഹണം നിര്വ്വഹിച്ചിരിക്കുന്നത്. വിദേശത്തേക്ക് ജോലിക്കായി പോകുന്ന യുവതലമുറകളുടെ ആകുലതകളും അവരുടെ മാനസിക സംഘര്ഷങ്ങളും അവര് പോയി കഴിയുമ്പോള് ഒറ്റപ്പെടുന്ന മാതാപിതാക്കളുടെ ജീവിത സാഹചര്യങ്ങളും അവരെ അപായപ്പെടുത്താന് ശ്രമിക്കുന്ന സീരിയല് കില്ലേഴ്സും അവരുടെ ജീവിതവുമാണ് സിനിമ മുന്പോട്ട് വെക്കുന്ന പ്രമേയം.
പ്രതിസന്ധിയിലൂടെ കടന്നുപോകുന്ന യുവതലമുറകള്ക്ക് ഒരു ‘കരുതല്’ ആയിരിക്കും സിനിമ. ഇന്ത്യ, യുഎസ്, അയര്ലന്ഡ് എന്നീ മൂന്ന് രാജ്യങ്ങളിയായി ചിത്രീകരണം പൂര്ത്തിയാക്കിയ സിനിമയുടെ പ്രധാന ലൊക്കേഷനുകളില് ഒന്നായ കോട്ടയം കിടങ്ങൂര് ലിറ്റില് ലൂര്ദ് മിഷന് ഹോസ്പിറ്റലിന്റെ നഴ്സിങ് കോളേജ് ഓഡിറ്റോറിയത്തില് നടന്ന റോബോട്ടിക് ഓപ്പറേഷന് ടെക്നോളജിയുടെ ഉദ്ഘാടന ചടങ്ങിനോട് അനുബന്ധിച്ചാണ് ‘കരുതല്’ സിനിമയുടെ പോസ്റ്റര് പ്രകാശനം നടന്നത്. ചടങ്ങില് മന്ത്രി വി.എന്. വാസവന്, ഫ്രാന്സിസ് ജോര്ജ് എംപി, മോന്സ് ജോസഫ് എംഎല്എ, ജോസ്മോന് മുണ്ടക്കല് (ജില്ലാ പഞ്ചായത്തംഗം), സി. ഇമാക്കുലേറ്റ് എസ്വിഎം, സി. സുനിത എസ്വിഎം, കരുതല് സിനിമയിലെ പിന്നണി ഗായിക ബിന്ദുജ പി.ബി, അഡ്വ. ഇ.എം. ബിനു (കിടങ്ങൂര് ഗ്രാമ പഞ്ചായത്ത് പ്രസിഡന്റ്), ഡോ. മേഴ്സി ജോണ് (ബ്ലോക്ക് പഞ്ചായത്തംഗം) തുടങ്ങിയവര് ചടങ്ങില് വിശിഷ്ടാതിഥികളായിരുന്നു.
ഷൈജു കേളന്തറ, ജോസ് കൈപ്പാറേട്ട്, സ്മിനേഷ് എന്നിവരുടെ വരികള്ക്ക് ജോണ്സന് മങ്ങഴ ആണ് ഈണം പകര്ന്നിരിക്കുന്നത്. പ്രസീത ചാലക്കുടി, പ്രദീപ് പള്ളുരുത്തി, കെസ്റ്റര്, ബിന്ദുജ പി.ബി, റാപ്പര് സ്മിസ് എന്നവരാണ് സിനിമയിലെ നാലുഗാനങ്ങള് പാടിയിരിക്കുന്നത്.പശ്ചാത്തലസംഗീതം: ദീക്ഷിത്, ഡിഐ: മുഹമ്മദ് റിയാസ്, സോങ് പ്രോഗ്രാമിങ്: റോഷന്. ക്രിയേറ്റീവ് പ്രൊഡ്യൂസര്: സ്റ്റീഫന് ചെട്ടിക്കന്, എഡിറ്റര്: സന്ദീപ് നന്ദകുമാര്, അസോസിയേറ്റ് ഡയറക്ടര്: സുനീഷ് കണ്ണന്, അസോസിയേറ്റ് ക്യാമറാമാന്: വൈശാഖ് ശോഭന കൃഷ്ണന്, എക്സിക്യൂട്ടീവ് പ്രൊഡ്യൂസര്: സഞ്ജു സൈമണ് മാക്കില്, ലൈന് പ്രൊഡ്യൂസര്: റോബിന് സ്റ്റീഫന്, കോ- പ്രൊഡ്യൂസേഴ്സ്: ശാലിന് ഷീജോ കുര്യന് പഴേമ്പള്ളിയില്, സ്റ്റീഫന് മലേമുണ്ടക്കല്, മാത്യു മാപ്ലേട്ട്, ജോ സ്റ്റീഫന്, ചീഫ് കോര്ഡിനേറ്റര്: ബെയ്ലോണ് അബ്രഹാം, മേക്കപ്പ്: പുനലൂര് രവി, അസോസിയേറ്റ്: അനൂപ് ജേക്കബ്, കോസ്റ്റ്യൂമര്: അല്ഫോന്സ് ട്രീസ പയസ്, റെക്കോഡിസ്റ്റ്- സൗണ്ട് ഡിസൈനിങ്: രശാന്ത് ലാല് മീഡിയ, ഡബ്ബിങ്: ലാല് മീഡിയ കൊച്ചി, ടൈറ്റില്: സൂരജ് സുരന്, പബ്ലിസിറ്റി ഡിസൈന്: ആര്ക്രിയേറ്റീവ്സ്, പിആര്ഒ: എ.എസ്. ദിനേശ്, ഡിജിറ്റല് പിആര്ഒ: മനു ശിവന്.
