അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലുധിയാന: പഞ്ചാബിലെ നാംധാരി ഗ്രൗണ്ടിൽ ഡൽഹി എഫ്.സിയെ തോൽപിച്ച് ഗോകുലം കേരള എഫ്.സി ഐ ലീഗ് സീസണിലെ തുടർച്ചയായ അഞ്ചാം ജയം സ്വന്തമാക്കി. ഡൽഹി എഫ്സിയുടെ ആദ്യപകുതിയിലെ ഗോളിന് സെക്കൻഡ് ഹാഫിലെ അവസാന നിമിഷങ്ങളിൽ മറുപടി ഗോളുകൾ നൽകി സീസണിലെ മികച്ച തിരിച്ചു വരവുകളിൽ ഒന്നിനാണ് ഗോകുലം വഴിയൊരുക്കിയത്. ഗോകുലത്തിന്റെ തുടർച്ചയായ അഞ്ചാം വിജയമാണിത്.
പ്രതികൂല കാലാവസ്ഥയിലാണ് മത്സരം നടന്നത്. ശക്തമായി കാറ്റടിക്കവേ പന്ത് നിയന്ത്രണത്തിൽ നിർത്താൻ ഇരു ടീമും നന്നായി പണിപ്പെട്ടു. ഗോൾ കിക്കുകൾ പലതും ലക്ഷ്യം തെറ്റി. 45ാം മിനിറ്റിൽ ഡൽഹിയുടെ കോർണർ കിക്ക്‌ ഗോകുലം ഡിഫൻഡർ നിധിന്റെ തലയിലുരസി വലയിൽ കയറുകയായിരുന്നു. രണ്ടാം പകുതിയിൽ ഉജ്ജ്വലമായി പോരാടിയ ഗോകുലത്തിന് അനുകൂലമായി ഒരു പെനാൽറ്റി കിട്ടിയത് ക്യാപ്റ്റൻ അലക്സ് സാഞ്ചസ് 86ാം മിനിറ്റിൽ ഗോളാക്കി.
ഇതോടെ വ്യക്തിഗത ഗോൾ നേട്ടം 15 ആക്കി ഉയർത്തി ലീഗിൽ നിലവിലെ ടോപ് സ്കോററായി അലക്സ്. 8 മിനുട്ട് എക്സ്ട്രാ ടൈമിൽ കളി സമനിലയിൽ അവസാനിക്കുമെന്ന് കരുതിയിടത്തുനിന്നാണ് പകരക്കാരനായെത്തിയ ലാലിയൻസാങ്ക 90+3′ മിനുട്ടിൽ ഗോൾ നേടിയത്, മലയാളി താരം നൗഫൽ നടത്തിയ മുന്നേറ്റമാണ് ഹെഡറിലൂടെയുള്ള ഗോളിന് വഴി വച്ചത്.
Read more :
- ഇ.ഡിയിൽ ഹാജരാവാൻ തയ്യാറല്ലെന്ന് തോമസ് ഐസക്
- നവാസ് ഷരീഫ് – ബിലാവൽ ഭൂട്ടോ ചർച്ച എങ്ങുമെത്തിയില്ല
- സ്വതന്ത്ര റഷ്യയ്ക്കായുള്ള പോരാട്ടം തുടരാൻ യൂലിയ നവൽനയ
- ഗസ്സയിൽ കൊല്ലപ്പെട്ടവരുടെ എണ്ണം 29,000 കവിഞ്ഞു: ഇസ്രയേൽ ആക്രമണം 8 ആഴ്ച കൂടി നീണ്ടേക്കും
- ഒന്നര വയസുകാരിയുടെ മരണം കൊലപാതകം; അമ്മ അറസ്റ്റിൽ, ഒപ്പം താമസിച്ച യുവാവിന് അയച്ച സന്ദേശം നിർണായകമായി
അന്വേഷണം വാർത്തകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക
