അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.
ഇ-കൊമേഴ്സ് ഭീമന്മാര്‍ നവയുഗം ഭരിക്കുന്ന കാലത്തിലൂടെയാണ് നാം കടന്നുപോയ്‌ക്കൊണ്ടിരിക്കുന്നത്. ഒരു വീട്ടിലേക്കും വ്യക്തിക്കും ആവശ്യമുള്ള സാധനങ്ങൾ ഓൺലൈൻ ഷോപ്പിങ്ങിലൂടെ വാങ്ങുന്നത് ഇക്കാലത്തെ ട്രെൻഡാണ്. വൻകിട ഗൃഹോപകരണങ്ങൾ മുതൽ വാഹനങ്ങൾ വരെ എന്തും ഓൺലൈൻ ഷോപ്പിങ്ങിലൂടെ വാങ്ങാനാകും. എന്നാൽ വീട്ടിലിരുന്ന് ഒരു വീട് ഓൺലൈൻ ഓർഡർ ചെയ്യണമെന്ന് തോന്നിയാലോ ? അതിനും ഇ-കോമേഴ്സ് സൈറ്റുകൾ ധാരാളം എന്ന് തെളിയിക്കുകയാണ് അമേരിക്കക്കാരനായ ജെഫ്രി ബ്രയാൻ്റ് എന്ന യുവാവ്.
മടക്കിയെടുക്കാവുന്ന ഒരു വീടാണ് ആമസോണിൽനിന്ന് ജെഫ്രി തിരഞ്ഞെടുത്തത്. വീട് മുഴുവനായും മടക്കു നിവർത്തി സ്ഥാപിച്ചതിന്റെ വിഡിയോ ജെഫ്രി മാധ്യമങ്ങളിലൂടെ പങ്കുവച്ചിട്ടുണ്ട്. ഈ ഹോം ടൂർ വിഡിയോ ഇതിനോടകം വൈറലായി. ലിവിങ് , ഓപ്പൺ കിച്ചൻ, കിടപ്പുമുറി, ബാത്റൂം എന്നിവയാണ് വീട്ടിൽ ഉള്ളത്. വീട് വാങ്ങാനായി 26,000 ഡോളറാണ് (21.5 ലക്ഷം രൂപ) ജെഫ്രിക്ക് ചിലവായത്. മറ്റു വീടുകളെ അപേക്ഷിച്ച് ഫോൾഡബിൾ വീടിൻ്റെ മേൽക്കൂരയ്ക്ക് ഉയരം കുറവാണെന്ന് ജെഫ്രി പറയുന്നു.
ഒരാൾക്ക് സുഖമായി താമസിക്കാനാവുന്ന സ്ഥലവിസ്തൃതി വീടിനുള്ളിൽ ഉണ്ട്. സാധാരണ വീടുകൾ പോലെ ജനാലകളും ഉൾപ്പെടുത്തിയിരിക്കുന്നു. സ്റ്റീൽ ഉപയോഗിച്ചാണ് നിർമാണം. ബാത്റൂമിനോട് ചേർന്ന് പുറംഭാഗത്തായി പ്ലമിങ് യൂണിറ്റുമുണ്ട്. ഇങ്ങനെയൊരു വീട് ആമസോണിൽ ലഭിക്കുമെന്ന് കേട്ടറിഞ്ഞ നിമിഷം രണ്ടാമതൊന്ന് ചിന്തിക്കാതെ ജെഫ്രി ഓർഡർ നൽകി. വീട് ഡെലിവറി ചെയ്തശേഷം അത് ശരിയായ വിധത്തിലാണോ എന്ന് പരിശോധിക്കാനായി താൽക്കാലികമായി ഒരിടത്ത് വച്ചാണ് തുറന്നു നോക്കിയത്. എന്നാൽ ഈ വീട് സ്ഥിരമായി സ്ഥാപിക്കാനുള്ള സ്ഥലം സ്വന്തമാക്കാൻ യുവാവിന് ഇനിയും സാധിച്ചിട്ടില്ല.
😍 You can buy a foldable house on Amazon and set it up yourself…
— Tansu Yegen (@TansuYegen) February 3, 2024
അമേരിക്ക പോലുള്ള തിരഞ്ഞെടുത്ത രാജ്യങ്ങളിൽ നിലവിൽ ലഭ്യമാകുന്ന വീടുകളെ പ്രീ-ഫാബ്രിക്കേറ്റഡ് ഹോം എന്ന് വിളിക്കുന്നു. അവയുടെ വില $12,500 (ഏകദേശം 10,37,494 രൂപ) മുതൽ $30,000 (ഏകദേശം 24,89,986 രൂപ) വരെയാണ്. ഒരു യഥാർഥ വീട് പണിയുന്നതിലും കുറഞ്ഞ ചെലവിൽ ഈ പ്രീ ഫാബ്രിക്കേറ്റഡ് വീട് സ്വന്തമാക്കാകും.
ഈ ഉൽപ്പന്നങ്ങളിലൊന്ന് “Zolyndo portable prefabricated Tiny home” എന്ന പേരിലാണ് ആമസോണിൽ ലിസ്റ്റ് ചെയ്തിരിക്കുന്നത്, 19×20 ft വേരിയൻ്റിന് 22 ലക്ഷം രൂപ വിലയുണ്ട്. ഈ വീട്ടിൽ 2 കിടപ്പുമുറികൾ, 1 സ്വീകരണമുറി, 1 കുളിമുറി, ഒരു അടുക്കള എന്നിവ ഉണ്ടായിരിക്കും.
ഇത് മാത്രമല്ല, ഈ വീടുകൾ മൾട്ടി-വിൻഡോ/ഡോർ സജ്ജീകരണത്തോടെയാണ് വരുന്നത്, കൂടാതെ മുഴുവൻ ഇലക്ട്രിക്കൽ വയറിംഗും ഇതിൽ ഉണ്ടാകും. ചൂടുള്ളതും തണുത്തതുമായ വെള്ളം, ഡ്രെയിനേജ്, ഇൻസുലേഷൻ പൈപ്പുകൾ എന്നിവയും അവയിൽ ഉൾപ്പെടുന്നു. ഈ വീടുകൾ ഒരു സ്ഥലത്തുനിന്ന് മറ്റൊരിടത്തേക്ക് കൊണ്ടുപോകാൻ എളുപ്പമാണ്.
ഈ വീടുകൾ വിൽക്കുന്നത് ആമസോൺ മാത്രമല്ല. സമാനമായ ഓഫറുകളുള്ള മറ്റ് പ്ലാറ്റ്‌ഫോമുകളുണ്ട്. അമേരിക്കയിൽ തന്നെ BOXABL എന്ന കമ്പനി വളരെ ചെറിയ സമയത്തിനുള്ളിൽ എളുപ്പത്തിൽ കൂട്ടിച്ചേർക്കാനും പൊളിക്കാനും കഴിയുന്ന ചെറിയ വീടുകൾ വിൽക്കുന്നുണ്ട്.
സോഷ്യൽ മീഡിയയിൽ ആളുകൾ ഈ വീടുകളോട് സമ്മിശ്ര പ്രതികരണമാണ് നടത്തുന്നത്. ചിലർ ഈ ആശയത്തിൽ ആകൃഷ്ടരാണെങ്കിൽ, മറ്റുള്ളവർ അതിനെതിരെ രംഗത്തെത്തിയിട്ടുണ്ട്. ഇത്തരം വീടുകൾ പണം പാഴാക്കുന്നതും അമിത വിലയുള്ളതുമാണെന്ന് വിമർശകർ പറയുന്നു.
Read more :
. പുതിയ കിയ സെൽറ്റോസിൻ്റെ ബുക്കിംഗുകൾ ഒരു ലക്ഷം കടന്നു.
. കാര്‍ ഹോസ്റ്റിങ് രംഗത്തെ പുനര്‍നിര്‍വചിക്കാന്‍ കാര്‍സ്24-സൂം കാര്‍ സഹകരണം
. രാജ്യത്ത് വൈദ്യുതവാഹനങ്ങളുടെ വില്പനയിൽ 49.25 ശതമാനം വര്‍ധനവ്
