അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തമിഴ് നടൻ ജീവ നായകനായെത്തുന്ന തെലുങ്ക് ചിത്രം ‘യാത്ര 2’ ട്രെയ്‌ലർ പുറത്തിറങ്ങി. മമ്മൂട്ടിയും ചിത്രത്തിൽ അതിഥിയായി എത്തുന്നുണ്ട്. ട്രെയ്‌ലർ തുടങ്ങുന്നത് തന്നെ മമ്മൂട്ടിയുടെ കഥാപാത്രത്തിലൂടെയാണ്.
2019 ൽ മമ്മൂട്ടിയെ നായകനാക്കി മഹി.വി. രാഘവ് സംവിധാനം ചെയ്ത യാത്ര എന്ന സിനിമയുടെ രണ്ടാം ഭാഗമാണിത്. ആന്ധ്രപ്രദേശ് മുഖ്യമന്ത്രി ആയിരുന്ന വൈ.എസ്.രാജശേഖര റെഡ്ഡിയായിട്ടാണ് മമ്മൂട്ടി സിനിമയിൽ എത്തുന്നത്.
യാത്ര 2ൽ വൈ.എസ്.രാജശേഖര റെഡ്ഡിയുടെ മകൻ വൈ.എസ്.ജഗന്റെ രാഷ്ട്രീയ യാത്രയാണ് സിനിമയിലൂടെ പറയുന്നത്. ജീവയാണ് ചിത്രത്തിൽ മമ്മൂട്ടിയുടെ മകൻ ആയിട്ട് എത്തുന്നത്.
സന്തോഷ് നാരായണനാണ് ചിത്രത്തിന്റെ സംഗീതം നിർവഹിച്ചിരിക്കുന്നത്. ഛായാഗ്രഹണം മധി. കേതകി നാരായണൻ, സുസന്നെ ബെർനെറ്റ്, മഹേഷ് മഞ്ജരേക്കർ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
മമ്മൂട്ടി നായകനായെത്തിയ യാത്രയുടെ ഒന്നാം ഭാഗം ബോക്സ്ഓഫീസിൽ വലിയ വിജയമാണ് നേടിയത്. വൈ.എസ്.രാജശേഖര റെഡ്ഢിയുടെ രാഷ്ട്രീയ പദയാത്ര ആയിരുന്നു സിനിമയുടെ ഇതിവൃത്തം.
യാത്രയുടെ ആദ്യ ഭാഗമിറങ്ങി ഏകദേശം നാല് വർഷങ്ങൾക്കു ശേഷമാണ് സംവിധായകൻ രണ്ടാം ഭാഗത്തിന്റെ കഥയുമായി എത്തുന്നത്.
ത്രീ ആറ്റം ലീവ്‌സ്, വി സെല്ലുലോയിഡ്, ശിവ മേക്ക എന്നിവർ ചേർന്നാണ് യാത്രയുടെ രണ്ടാം ഭാഗം നിർമ്മിക്കുന്നത്. ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് മദിയാണ്. ഫെബ്രുവരി എട്ടിനാണ് ചിത്രം തിയറ്ററുകളിൽ എത്തുന്നത്.
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
