ന്യൂഡൽഹി: ആത്മീയ ടൂറിസം ത്വരിതപ്പെടുത്തുന്നത് രാജ്യത്തിന് ഗുണം ചെയ്യുമെന്നും ലക്ഷദ്വീപിലെ ടൂറിസം സാധ്യതകൾ വികസിപ്പിക്കുമെന്നും ഇടക്കാല ബജറ്റ് പ്രസംഗത്തിൽ ധനമന്ത്രി പറഞ്ഞു. ആഗോളതലത്തിൽ ബ്രാൻഡിങും വിപണനവും ഉൾപ്പെടെ വിനോദസഞ്ചാര കേന്ദ്രങ്ങളുടെ സമഗ്ര വികസനം ഏറ്റെടുക്കാൻ സംസ്ഥാനങ്ങളെ പ്രോത്സാഹിപ്പിക്കും.
സൗകര്യങ്ങളുടെയും സേവനങ്ങളുടെയും ഗുണനിലവാരത്തെ അടിസ്ഥാനമാക്കി വിനോദസഞ്ചാര കേന്ദ്രങ്ങളുടെ റേറ്റിങ്ങിനായുള്ള ചട്ടക്കൂട് സ്ഥാപിക്കും. ടൂറിസം വികസനത്തിന് ധനസഹായം നൽകുന്നതിന് സംസ്ഥാനങ്ങൾക്ക് ദീർഘകാല പലിശരഹിത വായ്പകൾ നൽകും. ആഭ്യന്തര ടൂറിസം, തുറമുഖ കണക്ടിവിറ്റി എന്നിവക്കുള്ള പദ്ധതികൾ കൊണ്ടുവരുമെന്നും ബജറ്റ് പ്രസംഗത്തിൽ പറഞ്ഞു.
Read also: ഇന്ത്യ സിമന്റ്സ് ഓഫിസുകളിൽ ഇ.ഡി പരിശോധന
3,500 കോടിയുടെ നികുതി കുടിശ്ശിക നോട്ടീസുകൾ പിൻവലിക്കുന്നു
മുൻകാലങ്ങളിൽ നൽകിയ 1.11 കോടി നികുതി കുടിശ്ശിക നോട്ടീസുകൾ പിൻവലിക്കുമെന്ന് ധനമന്ത്രി നിർമല സീതാരാമൻ ഇടക്കാല ബജറ്റിൽ പ്രഖ്യാപിച്ചു. 3,500 കോടി രൂപയുടെ നികുതി കുടിശ്ശികയാണ് ഒഴിവാക്കുന്നത്. ചെറുകിട നികുതിദായകരുടെ ദുരിതം ഇല്ലാതാക്കുന്നതിനാണ് നടപടിയെന്ന് റവന്യൂ സെക്രട്ടറി സഞ്ജയ് മൽഹോത്ര പറഞ്ഞു.
വരുമാനം, സമ്പത്ത്, സമ്മാന നികുതി തുടങ്ങിയവയുമായി ബന്ധപ്പെട്ട കുടിശ്ശിക പിടിക്കാനാണ് നോട്ടീസുകൾ അയച്ചിട്ടുള്ളത്. ഇതിൽ ചിലത് 1962 വരെ പഴക്കമുള്ളതാണ്. ആകെ, 35 ലക്ഷം കോടി രൂപയുടെ 2.68 നികുതി കുടിശ്ശിക നോട്ടീസുകളാണ് വിവിധ തലങ്ങളിൽ തർക്കത്തിലുള്ളത്.
ഇതിൽ 2.1 കോടി കുടിശ്ശികകൾ 25,000 രൂപയിൽ താഴെയുള്ളവയാണ്. 2010 മാർച്ച് 31 വരെ 25,000 രൂപ നികുതി കുടിശിക ഉണ്ടായിരുന്നവർ ഈ തുക അടക്കേണ്ടതില്ല. 2011-15 സാമ്പത്തിക വർഷങ്ങളിലെ 10,000 രൂപ വരെയുള്ള നികുതി കുടിശികയും വേണ്ടെന്നു വെച്ചു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു