അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.രാത്രികാല ഭക്ഷണത്തെ കുറിച്ച് പലര്ക്കും പലതരത്തിലുള്ള അഭിപ്രായമാണ്. ചിലര് പറയും രാത്രി ഹെവി ഫുഡ് പാടില്ല എന്ന്. ചിലര് പറയും, രാത്രി ഭക്ഷണമേ കഴിക്കരുത് എന്ന്. സത്യത്തില് ഏത് ഭക്ഷണമാണ് നല്ലത്?
ചിലര് രാത്രിയില് പുറത്ത്പോയി ജംഗ് ഫുഡ്സ് (Junk foods )വാങ്ങി കഴിക്കുന്നവരുണ്ട്. ഇത്തരം ജംഗ്ഫുഡ്സ് മിക്കതും പെട്ടെന്ന് ദഹിക്കാതെ വയറ്റില് കിടക്കുന്നവയാണ്. ഇത്തരം ജംഗ് ഫുഡ്സ് രാത്രിയില് ഒഴിവാക്കുന്നതാണ് നല്ലത്. രാത്രിയില് എല്ലായ്പ്പോഴും മിതമായി ഭക്ഷണം കഴിച്ച് കിടക്കുന്നതാണ് ഏറ്റവും ആരോഗ്യപ്രദം.
അതുപോലെതന്നെ വയര് നിറച്ച് ഭക്ഷണം കഴിച്ച് കിടക്കാതിരിക്കാം. പ്രത്യേകിച്ച്, കാര്ബ്സ് അടങ്ങിയ ഭക്ഷണങ്ങള്. രാത്രിയില് കുറച്ച് ഭക്ഷണം കഴിച്ചാല് അത് നമ്മള്ക്ക് നല്ല ഉറക്കം നല്കുന്നതിനും സഹായിക്കുന്നുണ്ട്. അതുകൊണ്ട് ഹെല്ത്തി ഫുഡ് കഴിച്ച് കിടക്കുന്നതാണ് നല്ലത്.
രാത്രിയില് വൈകി ഭക്ഷണം കഴിക്കുന്നത് നല്ലതോ?
രാത്രിയില് വൈകി ഭക്ഷണം കഴിക്കുന്നത് നല്ലതല്ല എന്നാണ് പറയുന്നത്. രാത്രിയില് കിടക്കുന്നതിന് മൂന്ന് മണിക്കൂര് മുന്പെങ്കിലും ഭക്ഷണം കഴിക്കണം എന്നാണ് പറയുന്നത്. എന്നാല് മാത്രമാണ് കൃത്യമായ ദഹനം നടക്കുന്നത്. അതുപോലെ, രാത്രി 9 മണിക്കും 12 മണിക്കും ഇടയില് ഭക്ഷണം കഴിക്കുന്നതും നല്ലതല്ല. ഇതെല്ലാം തടി കൂട്ടുന്നതിനും ശരീരത്തില് ഷുഗര് ലെവല് കുട്ടുന്നതിനും കാരണമാണ്.
ഈ അടുത്ത് നടത്തിയിട്ടുള്ള പല പഠനങ്ങളിലും രാത്രി 12 മണിക്കും അതുപോലെ 11 മണിയ്ക്കും ഇടയില് ഭക്ഷണം കഴിക്കുന്നവര്ക്കിടയില് ഗ്ലോക്കോസ് ലെവല് കൂടുന്നതായി കണ്ടെത്തിയിട്ടുണ്ട്.
നാഷ്ണല് സെന്റര്ഫോര് ബയോടെക്നോളജിയുടെ സൈറ്റില് ഇത്തരത്തില് നമ്മള് രാത്രികാലത്ത് കഴിക്കുന്ന ഭക്ഷണങ്ങളും അവ കഴിക്കുന്ന സമയവും ആരോഗ്യത്തെ എങ്ങിനെ പ്രതികൂലമായി ബാധിക്കുന്നു എന്നതിനെക്കുറിച്ച് നിരവധി പഠനങ്ങള് ലഭ്യമാണ്.
നമ്മള് രാത്രിയില് തെറ്റായ സമയത്ത് തെറ്റായ ഭക്ഷണം കഴിക്കുന്നത് ശരീരത്തിലെ ഷുഗര് വെല് കൂട്ടുകയും അതുപോലെതന്നെ കൊളസ്ട്രോള് ലെവല് കൂട്ടുന്നതിനും ഇത് കാരണമാകുന്നുണ്ട്. ഇത്തരത്തില് കൊളസ്ട്രോള് കൂടുന്നത് ഹൃദയസംബന്ധമായ രോഗങ്ങള് കൂടുന്നതിന് കാരണമാണ്. അതുപോലെതന്നെ അമിത വണ്ണത്തിലേയ്ക്കും ഇവ നയിക്കുന്നുണ്ട്.
ഉറക്കമില്ലാത്ത രാത്രികള്ക്ക് പ്രധാന കാരണങ്ങളില് ഒന്നാണ് നമ്മളുടെ തെറ്റായ ഭക്ഷണരീതി എന്നുതന്നെ പറയണം. ഉറക്കം വന്നാല് തന്നെ, സ്വപ്നം കണ്ട് ഉറക്കം ഇല്ലാതാകുന്നു എന്നുതന്നെ പറയാം. നല്ല ഉറക്കം ലഭിക്കുകയില്ല.
അതുപോലെ, നേരം വൈകി നമ്മള് ഭക്ഷണം കഴിച്ചാല് ഭക്ഷണം ദഹിക്കുവാന് പോലും നമ്മള് സമയം നല്കുന്നില്ല. ഇത്, വയറ്റില് ഗ്യാസ് നിറയുന്നതിനും അതുപോലെ, വയര് ചീര്ത്ത് വരിക പോലുള്ള ബുദ്ധിമുട്ടുകളും ഉണ്ടാക്കുന്നുണ്ട്.
നേരം തെറ്റിയുള്ള രാത്രികാല ഭക്ഷണത്തിന്റെ ഏറ്റവും വലിയ പ്രശ്നങ്ങളില് ഒന്നാണ് ശരീരഭാരം കൂടുന്നത്. രാത്രിയില് ശരീരത്തിലെ മെറ്റബോളിസം കുറയുന്നതിനാല് നമ്മളുടെ ദഹനം നല്ലരീതിയില് നടക്കുവാന് പ്രയാസമായിരിക്കും. ഇത് അമിത വണ്ണത്തിന് കാരണമാകുന്നുണ്ട്.
ബ്ലഡ് പ്രഷര് കൂടുവാന് കാരണമാകുന്നുണ്ട്. കൃത്യമായ ഉറക്കം ലഭിക്കാത്തത് മെന്റല് സ്ട്രെസ്സ് കൂട്ടുന്നതിനും ഇത് പ്രഷര് ഉണ്ടാകുന്നതിനും കാരണമാകുന്നു.
രാത്രിയില് വിശന്നാല് എന്ത് കഴിക്കാം?
രാത്രി കിടന്നതിനുശേഷം നിങ്ങള്ക്ക് വിശപ്പ് അനുഭവപ്പെടുകയാണെങ്കില് ഫൈബര് അടങ്ങിയ ഭക്ഷണങ്ങള് കഴിക്കുവാന് നോക്കുന്നത് നല്ലതായിരിക്കും. അതുപോലെ, കാര്ബ്സ് അടങ്ങിയ ഭക്ഷണം ഒഴിവാക്കാം.
read also രാത്രയിൽ മാത്രം പനി അനുഭവപ്പെടാറുണ്ടോ? നിസ്സാരമായി കാണരുത് രാപ്പനിയെ
