രാവിലെ എഴുന്നേറ്റ ഉടൻ ഫോൺ നോക്കുന്ന ശീലമുണ്ടോ?

രാവിലെ ഉണർന്നയുടൻ ഫോൺ നോക്കുന്നതും ബെഡിൽ കിടന്നുതന്നെ സോഷ്യൽ മീഡിയ റീലുകൾ കാണുന്നതും ശാരീരികവും മാനസികവുമായ ഗുരുതര ആരോഗ്യപ്രശ്നങ്ങൾക്ക് കാരണമാകുമെന്ന് പഠനങ്ങൾ. ഇത് ഒരു വ്യക്തിയുടെ മാനസിക നില, ആത്മവിശ്വാസം, ഏകാഗ്രത, കാഴ്ചശക്തി എന്നിവയെ സാരമായി ബാധിക്കും.

ഉറക്കമുണരുമ്പോൾ തലച്ചോർ ശാന്തമായ അവസ്ഥയിലായിരിക്കും. എന്നാൽ പെട്ടെന്ന് ഫോണിലെ വിവരങ്ങളും റീലുകളും കാണുമ്പോൾ സ്ട്രെസ് ഹോർമോണായ കോർട്ടിസോളിന്റെ (Cortisol) അളവ് പെട്ടെന്ന് ഉയരുകയും ഇത് മാനസികസമ്മർദ്ദത്തിനും ഉത്കണ്ഠയ്ക്കും വഴിവെക്കുകയും ചെയ്യുന്നു.

കാര്യങ്ങളിൽ ശ്രദ്ധ പതിപ്പിക്കാനുള്ള തലച്ചോറിന്റെ കഴിവിനെ ഇത് നശിപ്പിക്കുന്നു.

രാവിലെ തന്നെയുള്ള ഫോൺ ഉപയോഗം കണ്ണിന് അമിത ഭാരമുണ്ടാക്കുകയും വരൾച്ച, തലവേദന, കാഴ്ചമങ്ങൽ തുടങ്ങിയ പ്രശ്നങ്ങൾക്ക് കാരണമാകുകയും ചെയ്യും.

സോഷ്യൽ മീഡിയയിലെ പോസ്റ്റുകളും മറ്റുള്ളവരുടെ ജീവിതരീതികളും കണ്ട് സ്വന്തം ജീവിതവുമായി താരതമ്യം ചെയ്യുന്നത് വലിയ നിരാശയിലേക്ക് നയിക്കും.

പരിഹാരമാർഗ്ഗങ്ങൾ (ചെയ്യേണ്ട കാര്യങ്ങൾ):

സ്ക്രീൻ സമയം കുറയ്ക്കുക: രാവിലെ ഉണർന്ന് കുറഞ്ഞത് 30 മുതൽ 60 മിനിറ്റ് വരെ ഫോൺ ഉപയോഗിക്കാതിരിക്കുക.

വെള്ളം കുടിക്കുക: എഴുന്നേറ്റ ഉടൻ തന്നെ ഒരു ഗ്ലാസ് വെള്ളം കുടിച്ച് ദിവസം ആരംഭിക്കുക.

ശരീരത്തിന് വ്യായാമം: യോഗ, വ്യായാമം, മോണിംഗ് വാക്ക് എന്നിവ ശീലമാക്കുക.