അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തൊടുപുഴ: മജീഷ്യൻ ഗോപിനാഥ് മുതുകാടിന്‍റെ ഡിഫറന്‍റ് ആർട്ട് സെന്ററിന് സാംസ്കാരിക വകുപ്പ് രണ്ടുകോടിയിലേറെ അനുവദിച്ചെന്ന് വിവരാവകാശ രേഖ. എന്നാൽ, പണം നൽകിയതല്ലാതെ തുക എങ്ങനെ ചെലവഴിച്ചു എന്നതിനെക്കുറിച്ച് ഒരു പരിശോധനയും നടത്താറില്ലെന്നും രേഖകൾ വ്യക്തമാക്കുന്നു.
സംസ്ഥാനത്ത് ഭിന്നശേഷിക്കാർക്കായി നിരവധി സ്ഥാപനങ്ങൾ ഉണ്ടായിരിക്കെ അവക്കൊന്നും പണം നൽകാതെ ഗണ്യമായ തുക ഡേകെയർ മാത്രം നടത്തുന്ന മുതുകാടിന് നൽകുന്നത് ഉന്നത സ്വാധീനമുപയോഗിച്ചാണെന്ന് ഭിന്നശേഷി കുട്ടികളുടെ രക്ഷിതാക്കൾ ആരോപിക്കുന്നു.
എന്നാൽ, ബജറ്റിൽ അനുവദിച്ച തുകയുടെ ഓഡിറ്റ് റിപ്പോർട്ടുകൾ യഥാസമയം സർക്കാറിന് സമർപ്പിച്ചിട്ടുണ്ടെന്നും കഴിഞ്ഞ 27 വർഷത്തിനിടയിൽ വ്യക്തിപരമായ ആവശ്യങ്ങൾക്ക് ഒരുരൂപ പോലും സ്ഥാപനത്തിൽനിന്ന് എടുത്തിട്ടില്ലെന്നും മറിച്ചാണെങ്കിൽ തെളിയിക്കാൻ വെല്ലുവിളിക്കുന്നുവെന്നും മുതുകാട് വിശദീകരിക്കുന്നു.
ഭിന്നശേഷിക്കാർക്കുള്ള സാധാരണ സ്കൂളല്ല താൻ നടത്തുന്നതെന്നും ഭിന്നശേഷിക്കാരിലെ കലാകാരന്മാർക്കായി നടത്തുന്ന കേന്ദ്രമാണെന്നും അതുകൊണ്ടാണ് എല്ലാവർക്കും പ്രവേശനം നൽകാത്തതെന്നും പ്രവേശനം കിട്ടാത്തവർ ദുരാരോപണം നടത്തുകയാണെന്നും മുതുകാട് പറയുന്നു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
