അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അയോധ്യ: ജനുവരി 22ന് നടക്കുന്ന രാമക്ഷേത്രത്തിന്റെ ഉദ്ഘാടന ചടങ്ങ് ഉത്തര് പ്രദേശിലെ എല്ലാ ജയിലുകളിലും തത്സമയം വീക്ഷിക്കാനാകുമെന്ന് ജയില് മന്ത്രി ധര്മവീര് പ്രജാപതി അറിയിച്ചു.ചടങ്ങ് എല്ലാ തടവുകാര്ക്കും തത്സമയം കാണാകും.
‘ഏകദേശം 1.05 ലക്ഷം തടവുകാര് ജയിലുകളിലുണ്ട്. അവരും ഈ രാജ്യത്തെ പ്രജകളാണ്. അവര് ഈ ചടങ്ങില്നിന്ന് വിട്ടുനില്ക്കുന്നില്ലെന്ന് ഉറപ്പാക്കാനാണ് സംസ്ഥാനത്തെ എല്ലാ ജയിലുകളിലും തത്സമയ സംപ്രേഷണം നടത്തുന്നത്’ -മന്ത്രി പറഞ്ഞു.
‘ചില സംഭവങ്ങള് നടക്കുമ്പോൾ മാത്രമാണ് അവര് കുറ്റവാളികളാകുന്നത്. എന്നാല്, ഇതുപോലെയുള്ള വിശുദ്ധ അവസരങ്ങളില് അവര് ഒറ്റപ്പെടാതിരിക്കാനാണ് ഈ ക്രമീകരണം’ -മന്ത്രി വിശദീകരിച്ചു.
അയോധ്യയിലെ രാമക്ഷേത്രത്തിന്റെ മഹാപ്രതിഷ്ഠാ ചടങ്ങ് രാജ്യത്തുടനീളം ബൂത്ത് തലത്തില് തത്സമയം സംപ്രേഷണം ചെയ്യാൻ ബി.ജെ.പി തീരുമാനിച്ചിട്ടുണ്ട്. ഇതിനായി വലിയ സ്ക്രീനുകള് സ്ഥാപിക്കാൻ പ്രവര്ത്തകര്ക്ക് നിര്ദേശം നല്കിയിട്ടുണ്ടെന്ന് പാര്ട്ടി വൃത്തങ്ങള് അറിയിച്ചു. ജനുവരി 22നാണ് ഉദ്ഘാടന ചടങ്ങ്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
