അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പല ആരോഗ്യപ്രശ്‌നങ്ങളും വരുത്തിവയ്ക്കുന്ന ഒരു രോഗമാണ് പ്രമേഹം. കൃത്യമായി നിയന്ത്രണത്തില്‍ നിര്‍ത്തിയില്ലെങ്കില്‍ ശരീരത്തിലെ എല്ലാ അവയവങ്ങളേയും ദോഷകരമായി ബാധിച്ച് ശരീരത്തിന്റെ മുഴുവന്‍ പ്രവര്‍ത്തനങ്ങളേയും സ്തംഭനാവസ്ഥയിലാക്കുന്ന ഒരു രോഗമാണ് പ്രമേഹമെന്നത്. പ്രമേഹം പുതുവര്‍ഷത്തിലെങ്കിലും നിയന്ത്രണവിധേയമാക്കണമെന്ന് ആഗ്രഹിയ്ക്കുന്നവര്‍ പിന്‍തുടരേണ്ട ചില കാര്യങ്ങളെക്കുറിച്ചറിയാം.
ഭക്ഷണം
ഭക്ഷണകാര്യം പ്രധാനം തന്നെ. പ്രമേഹം നിയന്ത്രണത്തിലാക്കാന്‍ ഭക്ഷണ നിയന്ത്രണം പ്രധാനമാണ്. ഇതിന് മധുരം ഉപേക്ഷിച്ചാലും കുറച്ചാലും മാത്രം പോരാ, കുറവ് കലോറിയുള്ളത് കഴിയ്ക്കണം. രക്തത്തില്‍ ഗ്ലൂക്കോസ് തോത് പൊടുന്നനെ ഉയര്‍ത്തുന്ന തരം ഭക്ഷണങ്ങള്‍ കഴിയ്ക്കരുത്. അതായത് ഗ്ലൈസമിക് ഇന്‍ഡെക്‌സ് കുറഞ്ഞവ കഴിയ്ക്കണം. ഇതുപോലെ കുറവ് കലോറിയുള്ളതും കഴിയ്ക്കുക. നാല് തവണ കഴിയ്ക്കുന്ന ഭക്ഷണം എട്ട് തവണ കൊണ്ട് കഴിയ്ക്കുക. അതായത് കൂടുതല്‍ കഴിയ്ക്കാതെ കുറവ് വീതം കഴിയ്ക്കാം
വ്യായാമം
വ്യായാമം വളരെ പ്രധാനമാണ്. ഫിസിക്കല്‍ ആക്ടീവിറ്റി, അതായത് ശരീരം അനക്കുകയെന്നത്. അതേ സമയം അമിതമായ വ്യായാമം വേണ്ട. നടക്കുക, യോഗ ചെയ്യുക എന്നിവയെല്ലാം പ്രമേഹത്തെ നിയന്ത്രിയ്ക്കാന്‍ നല്ലതാണ്. ചര്‍മത്തില്‍ പ്രമേഹം പല ലക്ഷണങ്ങളും മുറിവുകളുമായി പ്രത്യക്ഷപ്പെടുന്നുവെങ്കില്‍ കൃത്യമായി ചികിത്സ തേടുക. പ്രമേഹത്തിനൊപ്പം മുറിവുകള്‍ ഭേദമാകാന്‍ സമയമെടുക്കും. ഇത് അണുബാധകള്‍ക്ക് കാരണമാകും. ഷുഗര്‍ തോത് കൃത്യമായി പരിശോധിയ്ക്കുക ഇത് വീട്ടില്‍ തന്നെ ചെയ്യാന്‍ സാധിയ്ക്കുന്ന വഴികള്‍ ഇന്ന് ലഭ്യമാണ്. രാവിലെ ഫാസ്റ്റിംഗ് ഷുഗറും ഭക്ഷണശേഷമുള്ളതും പരിശോധിയ്ക്കാം. ഇത് നിയന്ത്രണത്തിലല്ലെങ്കില്‍ ഇതിന് കൃത്യമായ വഴികള്‍ സ്വീകരിയ്ക്കാം. 70-180 മില്ലീഗ്രാം തോതില്‍ ഷുഗര്‍ നില ദിവസം മുഴുവന്‍ നില നിര്‍ത്തുവാന്‍ ശ്രദ്ധിയ്ക്കുക.
ഉറക്കപ്രശ്‌നങ്ങള്‍
ഉറക്കപ്രശ്‌നങ്ങള്‍ പ്രമേഹം മൂര്‍ഛിയ്ക്കാനും വരാനുമുള്ള പ്രധാനപ്പെട്ട കാരണങ്ങളില്‍ ഒന്നാണ്. നല്ലതുപോലെ ഉറങ്ങുക. നേരത്തെ ഉറങ്ങി നേരത്തെ എഴുന്നേല്‍ക്കുക എന്ന ശീലം സ്വായത്തമാക്കുക. ക്വാളിറ്റി സ്ലീപ് എന്നത് പ്രധാനമാണ്. അതായത് നല്ല ഉറക്കം. ഉറങ്ങുന്നത് ശരീരത്തിന്റെ മെറ്റബോളിസം ശക്തിപ്പെടുത്താനും രക്തത്തിലെ ഗ്ലൂക്കോസ് തോത് ശക്തിപ്പെടുത്താനും സഹായിക്കുന്നു.
സ്ട്രെസ്
സ്ട്രെസ് കുറയ്ക്കുകയെന്നത് പ്രധാനമാണ്. ശരീരത്തില്‍ സ്ട്രെസ് ഹോര്‍മോണ്‍ വര്‍ദ്ധിയ്ക്കുമ്പോള്‍ രക്തത്തിലെ ഗ്ലൂക്കോസ് തോത് വര്‍ദ്ധിയ്ക്കും. ബിപി കൂടാനും ഹൃദയ സംബന്ധമായ പ്രശ്‌നങ്ങള്‍ വരാനും സ്ട്രെസ് കാരണമാകുന്നു. സ്ട്രെസ് കുറയ്ക്കാന്‍ സഹായകമായ വഴികള്‍ പരീക്ഷിയ്ക്കുക. യോഗ, ഡാന്‍സ് എന്നിവയെല്ലാം ഗുണം നല്‍കുന്നു. സ്ട്രെസ് കുറയുന്നില്ലെങ്കില്‍ പ്രൊഫഷണല്‍ സഹായം തേടാം.
