പാലക്കാട് : പട്ടാമ്പി കൊപ്പത്ത് ഒന്നര വയസുകാരൻ കുളത്തില് വീണ് മുങ്ങി മരിച്ചു. കൊപ്പം വണ്ടുംതറയിലാണ് സംഭവം. കിഴക്കേതില് ഉമ്മര്- മുബീന ദമ്പതികളുടെ ഒന്നര വയസുള്ള മകൻ മുഹമ്മദ് ഇഹാനാണ് മരിച്ചത്.
വീടിനോടു ചേര്ന്നു നൂറു മീറ്റര് അകലെയാണ് കുളം. വൈകീട്ട് മുന്നോടെയാണ് കുട്ടിയെ കാണാതായത്. തിരച്ചിലിനൊടുവിലാണ് കുളത്തില് നിന്നു കുട്ടിയെ കിട്ടിയത്. ഉടനെ ആശുപത്രിയില് എത്തിച്ചെങ്കിലും രക്ഷിക്കാനായില്ല.