അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെന്നൈ: ഇന്ത്യൻ ഓയില്‍ കോര്‍പ്പറേഷൻ ഡിപ്പോയിലുണ്ടായ സ്‌ഫോടനത്തില്‍ ഒരു മരണം. ചെന്നൈ തൊണ്ടിയാര്‍പേട്ട് ഡിപ്പോയിലായിരുന്നു സംഭവം.വെല്‍ഡിങ് തൊഴിലാളിയായ പെരുമാള്‍ ആണ് മരിച്ചത്. ഗുരുതരമായി പരിക്കേറ്റ പെരുമാള്‍ സംഭവസ്ഥലത്തുതന്നെ മരിച്ചു. പരിക്കേറ്റ മറ്റുള്ളവര്‍ ചികിത്സയിലാണ്. അറ്റകുറ്റപ്പണികള്‍ക്കിടെ രണ്ട് എഥനോള്‍ ടാങ്കുകള്‍ പൊട്ടിത്തെറിച്ചതിനെ തുടര്‍ന്നാണ് ഡിപ്പോയില്‍ തീപിടിത്തമുണ്ടായതെന്നാണ് പ്രാഥമിക നിഗമനം.
സ്ഫോടനത്തിന് പിന്നാലെ അഗ്നിസുരക്ഷ സേന തീയണക്കാനുള്ള നടപടികള്‍ ആരംഭിച്ചത് വലിയ അപകടം ഒഴിവാക്കി. സ്‌ഫോടനത്തെ തുടര്‍ന്ന് ഉന്നത പോലീസ് ഉദ്യോഗസ്ഥരും ചെന്നൈ കോര്‍പ്പറേഷൻ അധികൃതരും ഡിപ്പോയില്‍ സന്ദര്‍ശനം നടത്തിയിരുന്നു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
