എം​പി​മാ​രെ പു​റ​ത്താ​ക്കി​യ​തു​മാ​യി ബ​ന്ധ​പ്പെ​ട്ട ച​ർ​ച്ച​ക​ൾ ന​ട​ക്കാ​ത്ത​ത് എ​ന്തു​കൊ​ണ്ട്‍?; മാധ്യമങ്ങൾക്കെതിരെ വിമർശനവുമായി രാഹുൽ ഗാന്ധി

ന്യൂഡൽഹി: പാർലമെന്റിൽനിന്ന് എംപിമാരെ പുറത്താക്കിയതിൽ ചർച്ചകൾ നടക്കാത്തത് എന്തുകൊണ്ടെന്ന ചോദ്യവുമായി കോൺഗ്രസ് നേതാവ് രാഹുൽ ഗാന്ധി. തൃണമൂൽ കോൺഗ്രസ് എംപി കല്യാൺ ബാനർജി രാജ്യസഭാ അധ്യക്ഷൻ ജഗദീപ് ധൻകറിനെ പരിഹസിച്ച് മിമിക്രി നടത്തിയതുമായി ബന്ധപ്പെട്ടുള്ള ചോദ്യത്തിനായിരുന്നു രാഹുൽ ഗാന്ധിയുടെ മറുപടി. 

ആ​ര്, എ​ങ്ങ​നെ അ​പ​മാ​നി​ച്ചു എ​ന്നാ​യി​രു​ന്നു രാ​ഹു​ൽ ഗാ​ന്ധി​യു​ടെ മ​റു​ചോ​ദ്യം. “എം​പി​മാ​ർ അ​വി​ടെ ഇ​രി​ക്കു​ക​യാ​യി​രു​ന്നു. ഞാ​ന​വ​രു​ടെ വി​ഡി​യോ​യാ​ണു ചി​ത്രീ​ക​രി​ച്ച​ത്, അ​ത് എ​ന്‍റെ ഫോ​ണി​ലു​ണ്ട്. മാ​ധ്യ​മ​ങ്ങ​ൾ ഇ​ത് കാ​ണി​ക്കു​ന്നു​ണ്ട്. ആ​രും ഒ​ന്നും പ​റ​ഞ്ഞി​ട്ടി​ല്ല.

ഞ​ങ്ങ​ളു​ടെ 150 എം​പി​മാ​രെ​യാ​ണു പു​റ​ത്താ​ക്കി​യ​ത്. മാ​ധ്യ​മ​ങ്ങ​ളി​ൽ അ​തി​നെ​ക്കു​റി​ച്ചു ച​ർ​ച്ച​യി​ല്ല. അ​ദാ​നി​യെ​ക്കു​റി​ച്ചും റ​ഫാ​ൽ വി​ഷ​യ​ത്തി​ലും തൊ​ഴി​ലി​ല്ലാ​യ്മ​യി​ലും ച​ർ​ച്ച​യി​ല്ല. ഞ​ങ്ങ​ളു​ടെ എം​പി​മാ​ർ നി​രാ​ശ​രാ​യി അ​വി​ടെ ഇ​രി​ക്കു​ക​യാ​ണ്. എ​ന്നാ​ൽ നി​ങ്ങ​ൾ ആ ​മി​മി​ക്രി​യെ​ക്കു​റി​ച്ചാ​ണ് ച​ർ​ച്ച ചെ​യ്യു​ന്ന​ത്’– രാ​ഹു​ൽ പ​റ​ഞ്ഞു

അ​ദാ​നി​യെ​ക്കു​റി​ച്ചും റ​ഫാ​ൽ വി​ഷ​യ​ത്തി​ലും തൊ​ഴി​ലി​ല്ലാ​യ്മ​യെ​ക്കു​റി​ച്ചും എ​ന്തെ​ങ്കി​ലും വാ​ർ​ത്ത കൊ​ടു​ക്ക​ണ​മെ​ന്നും അ​ത് നി​ങ്ങ​ളു​ടെ ഉ​ത്ത​ര​വാ​ദി​ത്ത​മാ​ണെ​ന്നും രാ​ഹു​ൽ പ​റ​ഞ്ഞു.

 
തൃണമൂൽ എംപി കല്യാൺ ബാനർജി ജഗദീപ് ധൻകറിനെ പരിഹാസരൂപേണ അനുകരിക്കുന്നതിന്റെ വിഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചിരുന്നു. വിഡിയോ ബിജെപി എക്സ് പ്ലാറ്റ്‌ഫോമിൽ പങ്കുവയ്ക്കുകയും ചെയ്തു. ജഗദീപ് ധൻകർ സംസാരിക്കുന്നതും ആംഗ്യം കാണിക്കുന്നതും മുഖഭാവങ്ങളും ഉള്‍പ്പെടെയായിരുന്നു കല്യാണിന്റെ പ്രകടനം.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ   ക്ലിക്ക് ചെയ്യു