അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പത്തിരിപ്പാല, പാലക്കാട് : ഡിസ്കഴ്സോ മുസ്ലിമ, ക്യാമ്പസ് കോൺഫറൻസ് നഗരിയുടെ നാമം ജമാഅത്തെ ഇസ്‌ലാമി കേരളാ അമീർ പി. മുജീബുറഹ്മാൻ അനാവരണം ചെയ്തു. ഫലസ്തീൻ പോരാട്ടങ്ങളോട് ഐക്യദാർഢ്യപ്പെട്ടു കൊണ്ട് അൽ അഖ്സ എന്നാണ് നാമകരണം ചെയ്തത്. നഗരിയിലെ വ്യത്യസ്ത സ്റ്റേജുകൾക്ക് ഹൻദല, ഇൻതിഫാദ, തത്വരീസ്, ബിത്തീഖ്, സൈതൂൻ, മിഫ്താഹ്, തൂഫാൻ, കഫിയ്യ എന്നീ നാമങ്ങളും നൽകി.
ജി.ഐ.ഒ സംസ്ഥാന ജന. സെക്രട്ടറി സുഹാന അബ്ദുൽ ലത്തീഫ്, ജമാഅത്തെ ഇസ്‌ലാമി ജില്ലാ പ്രസിഡന്റ് ഫാറൂഖ് കളത്തിൽ, വനിതാ വിഭാഗം ജില്ലാ പ്രസിഡന്റ് ഫാസില ടീച്ചർ, ഐ.ആർ. ഡബ്ല്യു അസി. കൺവീനർ ശിഹാബ് ഇ.എസ്, സ്വാഗതസംഘം ജന. കൺവീനർ നൗഷാദ് മുഹ്‌യുദ്ധീൻ, ജി.ഐ.ഒ സംസ്ഥാന സെക്രട്ടറിമാരായ ഷിഫാന കെ, ലുലു മർജാൻ, ആയിശ ഗഫൂർ, സംസ്ഥാന സമിതിയംഗങ്ങളായ ഫാത്തിമ നൗറിൻ, മുബഷിറ എം, അഫ്റ ശിഹാബ്, സഫാലീൻ, നൗർ ഹമീദ്, നിഷാത്ത് എം.എസ്, സോളിഡാരിറ്റി ജില്ലാ പ്രസിഡന്റ് നവാഫ് പത്തിരിപ്പാല, എസ്.ഐ.ഒ ജില്ലാ പ്രസിഡന്റ് അനീസ് തിരുവിഴാംകുന്ന് എന്നിവർ പങ്കെടുത്തു.
