അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവന്തപുരം: കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 28-ാമത് ഐ.എഫ്.എഫ്.കെയ്ക്ക് 2023 ഡിസംബര് എട്ട് വെള്ളിയാഴ്ച . വൈകിട്ട് ആറു മണിക്ക് തിരുവനന്തപുരം നിശാഗന്ധി ഓഡിറ്റോറിയത്തില് കൊടിയേറും. ഡെലിഗേറ്റ് പാസുകളുള്ളവര്ക്ക് മാത്രമാണ് മേളയിലേക്ക് പ്രവേശനം. ഫെസ്റ്റിവല് വെഹിക്കിള് പാസ് ഉള്ള വാഹനങ്ങള്ക്ക് മാത്രമേ മുഖ്യവേദിയായ ടാഗോര് തിയേറ്ററിലേക്കും പ്രവേശിക്കാന് കഴിയൂ. തിയേറ്ററുകളില് ആകെ സീറ്റിന്റെ 70 ശതമാനം റിസര്വേഷന് ചെയ്തവര്ക്കും 30 ശതമാനം റിസര്വേഷന് ഇല്ലാത്തവര്ക്കുമായാണ് പ്രവേശനം.
അറുപതും അതിനു മുകളിലുമുള്ള മുതിര്ന്ന പൗരര്ക്ക് ക്യൂ നില്ക്കാതെ പ്രവേശനം ഉണ്ടാകും്. പ്രായം തെളിയിക്കുന്ന സര്ക്കാര് അംഗീകൃത തിരിച്ചറിയല് കാര്ഡ് കാണിക്കുന്നവര്ക്കായിരിക്കും ഈ ആനുകൂല്യം ഉപയോഗപ്പെടുത്താനാവുക. ഡെലിഗേറ്റുകള്ക്കായി കെ.എസ്.ആര്.ടി.സിയുടെ രണ്ട് ഇ-ബസുകള് പ്രദര്ശനവേദികളെ ബന്ധിപ്പിച്ചുകൊണ്ട് പ്രത്യേക സൗജന്യ സര്വീസാണ് നടത്തുന്നത്.
മുഖ്യവേദിയായ ടാഗോറില് മൂന്ന് എക്സിബിഷനുകളാണ് ഉളളത്. ബംഗാളി നവതരംഗ സംവിധായകന് മൃണാള് സെന്നിന്റെ ജന്മശതാബ്ദിയോടനുബന്ധിച്ച് അദ്ദേഹത്തിന്റെ ജീവിതവും സിനിമകളും അവതരിപ്പിക്കുന്ന എക്സിബിഷന്, എം.ടി. വാസുദേവന് നായര്, നടന് മധു എന്നിവരുടെ നവതി ആഘോഷത്തിന്റെ ഭാഗമായുള്ള എക്സിബിഷനുകള് എന്നീ മൂന്നു പ്രദര്ശനങ്ങളാണ് സംഘടിപ്പിക്കുന്നത്.
മേളയുടെ ഭാഗമായി ഓപ്പണ് ഫോറം, ഇന് കോണ്വര്സേഷന്, മീറ്റ് ദ ഡയറക്ടര്, അരവിന്ദന് സ്മാരക പ്രഭാഷണം എന്നിവയും ഉണ്ടായിരിക്കും. മാനവീയം വീഥിയില് നിശാജീവിതം ആസ്വദിക്കാനത്തെുന്ന ഡെലിഗേറ്റുകള്ക്കും പൊതുജനങ്ങള്ക്കുമായി കലാസാംസ്കാരിക പരിപാടികള് സംഘടിപ്പിക്കുന്നുണ്ട്. അഭയ ഹിരണ്മയി അണ്പ്ളഗ്ഡ്, ഫൈ്ളയിംഗ് എലഫന്റ്, രാഗവല്ലി, മാങ്കോസ്റ്റീന് ക്ളബ്, ഇഷ്ക് സൂഫിയാന എന്നീ പരിപാടികളാണ് സംഘടിപ്പിക്കുന്നത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
