അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുംബൈ: റിലയന്‍സ് ജിയോയുടെ മൊത്തം വരിക്കാരുടെ എണ്ണം 44.57 കോടിയായി. ഓഗസ്റ്റില്‍ 32.4 ലക്ഷം പുതിയ വരിക്കാരെ ലഭിച്ചതായി ടെലികോം റെഗുലേറ്ററി അതോറിറ്റി ഓഫി ഇന്ത്യ (ട്രായ്) റിപ്പോര്‍ട്ട് ചെയ്തു. ഇതോടെ കേരളത്തില്‍ 1.06 ലക്ഷം പുതിയ ഉപയോക്താക്കളെ നേടിക്കൊണ്ട് ജിയോ വരിക്കാരുടെ എണ്ണം 104 . 59 ലക്ഷമായി ഉയര്‍ന്നു.
ഓഗസ്റ്റില്‍ രാജ്യത്തെ മൊത്തം ബ്രോഡ്ബാന്‍ഡ് വരിക്കാരുടെ എണ്ണം പ്രതിമാസം 0.96 ശതമാനം വളര്‍ച്ചയോടുകൂടി 87.6 കോടിയായി ഉയര്‍ന്നു. റിലയന്‍സ് ജിയോയ്ക്ക് 45.5 കോടി ബ്രോഡ്ബാന്‍ഡ് വരിക്കാരുണ്ട്. ഇന്ത്യയുടെ മൊത്തം വയര്‍ലെസ് വരിക്കാരുടെ എണ്ണം ആഗസ്ത് വരെ 114.8 കോടിയായി വികസിച്ചു. നഗര, ഗ്രാമീണ വയര്‍ലെസ് സബ്‌സ്‌ക്രിപ്ഷന്റെ പ്രതിമാസ വളര്‍ച്ചാ നിരക്ക് യഥാക്രമം 0.13 ശതമാനവും 0.26 ശതമാനവുമാണ്.
0.56 ശതമാനം വളര്‍ച്ചയുടെ പിന്‍ബലത്തില്‍ ഓഗസ്റ്റ് അവസാനത്തോടെ വയര്‍ലൈന്‍ വരിക്കാരുടെ എണ്ണം 3 കോടിയായി ഉയര്‍ന്നു. ഓഗസ്റ്റില്‍ ജിയോ 1.78 ലക്ഷം വയര്‍ലൈന്‍ വരിക്കാരെ ചേര്‍ത്തു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
