അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സുരക്ഷയുടെ കാര്യത്തിൽ അതീവ ശ്രദ്ധ പുലർത്തുന്ന ഇൻസ്റ്റന്റ് മെസേജിങ് പ്ലാറ്റ്ഫോമാണ് വാട്സ്ആപ്പ് (WhatsApp). ഉപയോക്താക്കളുടെ ചാറ്റുകൾ സുരക്ഷിതമാക്കാൻ എൻഡ് ടു എൻഡ് എൻക്രിപ്ഷൻ അടക്കമുള്ള നിരവധി മാർഗങ്ങൾ വാട്സ്ആപ്പിലുണ്ട്. അടുത്തിട വാട്സ്ആപ്പ് പുതിയാരു സുരക്ഷാ ഫീച്ചർ കൂടി അവതരിപ്പിച്ചിരിക്കുകയാണ്. ഐപി പ്രൊട്ടക്റ്റ് എന്നാണ് ഈ പ്രൈവസി ഫീച്ചറിന്റെ പേര്. കോളുകൾ വിളിക്കുമ്പോൾ ഐപി അഡ്രസുകൾ സുരക്ഷിതമാക്കാനാണ് ഈ ഫീച്ചർ ഉപയോഗിക്കുന്നത്.
വാട്സ്ആപ്പ് അവതരിപ്പിച്ചിരിക്കുന്ന പുതിയ ഐപി പ്രൊട്ടക്റ്റ് എന്ന പ്രൈവസി ഫീച്ചർ കോളുകൾ വിളിക്കുമ്പോഴാണ് ഉപയോഗപ്പെടുന്നത്. വാട്സ്ആപ്പ് കോളിൽ പങ്കെടുക്കുന്ന മറ്റ് ആളുകളിൽ നിന്ന് നിങ്ങളുടെ ഐപി അഡ്രസ് മറയ്ക്കാൻ ഈ ഫീച്ചർ സഹായിക്കുന്നു. ഈ ഫീച്ചർ എനേബിൾ ചെയ്താൽ നിങ്ങളുടെ കോളുകൾ നിങ്ങളുടെ ഡിവൈസുകൾക്കിടയിൽ നേരിട്ട് നടത്തുന്നതിനുപകരം വാട്സ്ആപ്പ് സെർവറുകൾ വഴിയാണ് കോളുകൾ കണക്റ്റ് ചെയ്യുന്നത്. ഇത് മറ്റുള്ളവർ നിങ്ങളുടെ ലൊക്കേഷൻ ട്രാക്ക് ചെയ്യുന്നത് തടയാൻ സഹായിക്കുന്നു.
വാട്സ്ആപ്പ് കോളിൽ പങ്കെടുക്കുന്ന മറ്റ് ആളുകളിൽ നിന്ന് നിങ്ങളുടെ ഐപി അഡ്രസ് ഹൈഡ് ചെയ്യുന്നതിലൂടെ നിങ്ങളുടെ സ്വകാര്യത സംരക്ഷിക്കപ്പെടുന്നു. ഐപി അഡ്രസ് വിസിബിൾ ആണെങ്കിൽ ലൊക്കേഷൻ ട്രാക്ക് ചെയ്യാൻ സാധിക്കും. നിങ്ങൾ വാട്സ്ആപ്പ് ഐപി അഡ്രസ് ഹൈഡ് ചെയ്താൽ നിങ്ങളുടെ ലൊക്കേഷൻ ട്രാക്ക് ചെയ്യാൻ സാധിക്കില്ല. നിങ്ങളുടെ വാട്സ്ആപ്പ് കോളുകൾക്ക് അധിക സുരക്ഷ നൽകുന്നതിന് ഈ ഫീച്ചർ സഹായിക്കും. നിങ്ങൾക്ക് പ്രൈവസിയുടെ ഒരു അധിക ലെയർ കൂടി വേണമെങ്കിൽ വാട്സ്ആപ്പ് ഐപി പ്രൊട്ടക്റ്റ് ഫീച്ചർ എളുപ്പത്തിൽ എനേബിൾ ചെയ്യാം. ഇത് എങ്ങനെയെന്ന് നോക്കാം.
ഐപി പ്രൊട്ടക്റ്റ് ചെയ്യുന്നതെങ്ങനെ
• നിങ്ങളുടെ ഫോണിൽ WhatsApp ആപ്പ് തുറക്കുക.
• മുകളിൽ വലത് കോണിലുള്ള ത്രീ ഡോട്ട്സിൽ ടാപ്പ് ചെയ്യുക.
• സെറ്റിങ്സിൽ ടാപ്പ് ചെയ്യുക.
• പ്രൈവസി ഓപ്ഷനിൽ ടാപ്പ് ചെയ്യുക.
• അഡ്വാൻസ് സെക്ഷൻ കാണാനായി താഴേക്ക് സ്ക്രോൾ ചെയ്യുക.
• കോളുകളിലെ പ്രൊട്ടക്റ്റ് ഐപി അഡ്രസിൽ ടാപ്പ് ചെയ്യുക.
• സ്വിച്ചിൽ ടോഗിൾ ചെയ്യുക
കോൾ ക്വാളിറ്റിയെ ബാധിക്കും
ഐപി പ്രൊട്ടക്റ്റ് ഫീച്ചർ ടോഗിൾ ചെയ്താൽ നിങ്ങൾക്ക് വാട്സ്ആപ്പിൽ വിളിക്കുന്ന ആളുകളിൽ നിന്ന് നിങ്ങളുടെ ഐപി അഡ്രസ് ഹൈഡ് ചെയ്യാൻ സാധിക്കും. ഇത് നിങ്ങളുടെ ലൊക്കേഷൻ ട്രാക്ക് ചെയ്യുന്നത് കൂടുതൽ ബുദ്ധിമുട്ടാക്കും. ഈ ഫീച്ചർ എനേബിൾ ചെയ്താൽ നിങ്ങളുടെ കോളുകളുടെ ക്വാളിറ്റിയെ ഇത് ചെറുതായി ബാധിക്കാൻ സാധ്യതകളുണ്ട്. നിങ്ങളുടെ കോളുകൾ ഡിവൈസുകൾക്കിടയിൽ നേരിട്ട് പോകുന്നതിനുപകരം വാട്സ്ആപ്പ് സെർവറിലൂടെയാണ് കണക്റ്റ് ചെയ്യപ്പെടുന്നത്.
വാട്സ്ആപ്പ് സ്റ്റിക്കർ
വാട്സ്ആപ്പിൽ സ്റ്റിക്കറുകൾ ക്രിയേറ്റ് ചെയ്യാൻ സാധിക്കുന്ന വിധത്തിലൊരു ഫീച്ചർ ഇപ്പോൾ ലഭ്യമാണ്. ചാറ്റിലെ സ്മൈലി ഓപ്ഷനിലാണ് സ്റ്റിക്കർ ക്രിയേറ്റ് ചെയ്യുന്ന ഫീച്ചർ വരുന്നത്. എന്ത് തരം സ്റ്റിക്കറാണ് വേണ്ടത് എന്നത് സംബന്ധിച്ച ഒരു ചെറിയ കുറിപ്പ് ടൈപ്പ് ചെയ്ത് നൽകിയാൽ അതിന് അനുസരിച്ച് സ്റ്റിക്കർ ഉണ്ടാക്കുന്ന ഫീച്ചറാണ് ഇത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
