അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: ടാറ്റ എഐജി ജനറൽ ഇൻഷുറൻസ് കമ്പനി എയർ ഇന്ത്യയിലെ ആഭ്യന്തര, അന്തർദ്ദേശീയ യാത്രക്കാർക്ക് ട്രാവൽ ഇൻഷുറൻസ് ലഭ്യമാക്കുന്നു. എയർ ഇന്ത്യയുടെ വിവിധ ബുക്കിംഗ് പ്ലാറ്റ്ഫോമുകള്‍ വഴി ഫ്ലൈറ്റ് ടിക്കറ്റ് ബുക്ക് ചെയ്യുമ്പോൾതന്നെ ഉപഭോക്താക്കൾക്ക് ട്രാവൽ ഇൻഷുറൻസ് വാങ്ങാനും കഴിയും.
വിമാന ടിക്കറ്റ് ബുക്ക് ചെയ്യുമ്പോൾ എയർ ഇന്ത്യയിലെ യാത്രക്കാർക്ക് സമഗ്രമായ ട്രാവൽ ഇൻഷുറൻസ് പരിരക്ഷയും വാങ്ങാനാകും. ആഭ്യന്തര, അന്തർദ്ദേശീയ ലക്ഷ്യസ്ഥാനങ്ങളിലേക്ക് യാത്ര ചെയ്യുന്ന യാത്രക്കാർക്ക് സമഗ്രമായ ഇൻഷുറൻസ് പരിരക്ഷ നൽകുന്ന വിധത്തിലാണ് ഇത് രൂപകൽപ്പന ചെയ്തിരിക്കുന്നത്.
ടാറ്റ എ.ഐ.ജിയുടെ ട്രാവൽ ഇൻഷുറൻസ് പരിരക്ഷയിൽ യാത്രക്കാരുടെ ആവശ്യങ്ങൾക്കനുസൃതമായി ഹോസ്പിറ്റലൈസേഷൻ കവറേജ്, ബാഗേജ് കാലതാമസ പരിരക്ഷ, ഫ്ലൈറ്റ് കാലതാമസ പരിരക്ഷ, ട്രിപ്പ് റദ്ദാക്കൽ കവറേജ് തുടങ്ങിയ ആനുകൂല്യങ്ങൾ ഉൾപ്പെടും.
ആഭ്യന്തര, അന്തർദ്ദേശീയ യാത്രകളിൽ, യാത്രക്കാർക്ക് ലളിതവും ഇഷ്ടാനുസൃതവുമായ ട്രാവൽ ഇൻഷുറൻസ് പരിരക്ഷ നൽകുന്നതിന് ഞങ്ങൾ ഐക്കണിക് ബ്രാൻഡായ എയർ ഇന്ത്യയുമായി കൈകോർക്കുകയാണെന്ന് ടാറ്റ എഐജി ജനറൽ ഇൻഷുറൻസ് കമ്പനി ലിമിറ്റഡ് മാനേജിംഗ് ഡയറക്ടറും ചീഫ് എക്സിക്യൂട്ടീവ് ഓഫീസറുമായ നീലേഷ് ഗാർഗ് പറഞ്ഞു. എയർ ഇന്ത്യയുടെ മൊബൈൽ, വെബ് പ്ലാറ്റ്ഫോമുകൾ വഴി ഫ്ലൈറ്റുകൾ ബുക്ക് ചെയ്യുമ്പോൾതന്നെ ഉപഭോക്താക്കൾക്ക് ഇപ്പോൾ ട്രാവൽ ഇൻഷുറൻസ് വാങ്ങാനാകും. യാത്രക്കാരുടെ ആവശ്യങ്ങൾ നിറവേറ്റുന്ന വൈവിധ്യമാർന്ന ഇൻഷുറൻസ് പരിരക്ഷകൾ നൽകി, യാത്ര കൂടുതൽ സുരക്ഷിതവും ആസ്വാദ്യകരവുമാക്കാൻ ഞങ്ങൾ പ്രതിജ്ഞാബദ്ധരാണെന്നും അദ്ദേഹം പറഞ്ഞു.
ടാറ്റ എഐജി ജനറൽ ഇൻഷുറൻസ് കമ്പനിയുമായി സഹകരിച്ച് ലഭ്യമാക്കുന്ന ഈ ട്രാവൽ ഇൻഷുറൻസ് ഞങ്ങളുടെ ഉപഭോക്താക്കള്‍ക്ക് പല അപകടങ്ങളിൽ നിന്നും പരിരക്ഷ നൽകാൻ സഹായിക്കുന്നതാണെന്ന് എയർ ഇന്ത്യയുടെ ചീഫ് കൊമേഴ്സ്യൽ ആന്‍റ് ട്രാൻസ്ഫോർമേഷൻ ഓഫീസർ നിപുൺ അഗർവാൾ പറഞ്ഞു.
കൂടുതൽ വിവരങ്ങള്‍ക്ക് www.airindia.com/in/en/book/travel-insurance.html എന്ന വെബ്സൈറ്റ് സന്ദർശിക്കുക.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
