അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ദിവസേന ഒരു ആപ്പിള് വീതം കഴിച്ചാല് ഡോക്ടറെ അകറ്റി നിര്ത്താം എന്നാണ് ചൊല്ല്. അത്രയ്ക്കും പോഷകസമൃദ്ധമായ ആഹാരമായാണ് നമ്മള് ആപ്പിളിനെ കണക്കാക്കുന്നത്. ഇതേ ആപ്പിളിനെ പുളിപ്പിച്ച് അസിഡിക് ഗുണങ്ങളോടെ തയ്യാറാക്കി എടുക്കുന്നതാണ് ആപ്പിള് സൈഡര് വിനിഗര്. അപ്പോള് ആപ്പിളിന് പകരം ആപ്പിള് സൈഡര് വിനിഗര് ഉപയോഗിച്ചാല് അതേ ഗുണങ്ങള് ലഭിക്കുമോ എന്ന സംശയം പലരിലും ഉണ്ടാകാം. അതിന് ആദ്യം ആപ്പിളിന്റെ ഗുണങ്ങളും അതുപോലെ തന്നെ ആപ്പിള് സൈഡര് വിനിഗറിന്റെ ഗുണങ്ങളും നമ്മള് അറിയണം. അതുപോലെ, ഇവയുടെ ദോഷവശങ്ങളും അറിയണം.
ആപ്പിള്
ഒട്ടനവധി പോഷകങ്ങളാല് സമ്പന്നമായ ഒരു പഴമാണ് ആപ്പിള്. ഏകദേശം നമ്മളുടെ ശരീരത്തിന് വേണ്ട ഒട്ടുമിക്ക ഗുണങ്ങളും സത്യത്തില് ആപ്പിളില് അടങ്ങിയിട്ടുണ്ട്. ആപ്പിളില് നമ്മളുടെ രോഗപ്രതിരോധശേഷി വര്ദ്ധിപ്പിക്കുന്ന വിറ്റമിന് സി അടങ്ങിയിരിക്കുന്നു. അതുപോലെ തന്നെ നമ്മളുടെ കണ്ണുകളുടെ ആരോഗ്യത്തിന് ഗുണകരമാകുന്ന വിറ്റമിന് എ ഇതില് അടങ്ങിയിട്ടുണ്ട്. അതുപോലെ പൊട്ടാസ്യം, ഫൈബര് എന്നിവയും ആപ്പിളില് അടങ്ങിയിരിക്കുന്നു. അതിനാല് തന്നെ ഇത് നമ്മളുടെ ശരീരത്തിന്റെ മൊത്തത്തിലുള്ള ആരോഗ്യത്തിന് വളരെ നല്ലതായി ചൂണ്ടി കാണിക്കാം. ഇവ കൂടാതെ, ഇതില് അടങ്ങിയിരിക്കുന്ന നാരുകള് വളരെ വേഗത്തില് ദഹിക്കുന്നവയും ദഹനത്തിന് സഹായിക്കുന്നവയുമാണ്. അതുപോലെ ഹൃദയത്തിന്റെ ആരോഗ്യത്തിന് ഇത് നല്ലതാണ്. ചര്മ്മത്തിന്റെ ആരോഗ്യത്തിന് ഇത് നല്ലതാണ്. അതുപോലെ തന്നെ ശരീരഭാരം കുറയ്ക്കാനും ആപ്പിള് പതിവാക്കുന്നത് നല്ലതാണ്. നമ്മളുടെ രോഗപ്രതിരോധശേഷി വര്ദ്ധിപ്പിക്കാന് ഇത് സഹായിക്കുന്നുണ്ട്. കൂടാതെ, ശ്വാസകോശ സംബന്ധമായ രോഗങ്ങള് കുറയ്ക്കാനും ഇത് സഹായിക്കുന്നു. ചില പഠനങ്ങള് പ്രകാരം ചില കാന്സര് രോഗങ്ങള് തടയാനും ആപ്പിള് കഴിക്കുന്നതിലൂടെ സാധിക്കുന്നു എന്ന് പറയുന്നു.
ആപ്പിള് സൈഡര് വിനിഗര്
നമ്മള് വൈന് ഉണ്ടാക്കുന്നത് പോലെ ആപ്പിള് കഴുകി നുറുക്കി ചൂടുവെള്ളം തണുപ്പിച്ചത് ചേര്ത്ത് പുളിപ്പിച്ചാണ് ആപ്പിള് സൈഡര് വിനഗര് തയ്യാറാക്കി എടുക്കുന്നത്. രണ്ട് മൂന്ന് ആഴ്ച്ച പുളിപ്പിക്കാന് വെച്ച് അതിന് അസിഡിക് സ്വഭാവം വരുമ്പോള് അഴിച്ച് അരിച്ച് ഒരു കുപ്പിയില് മാറ്റി വെക്കുന്നു. പൊതുവില് സാധാ വിനാഗിരി പോലെ തന്നെയാണ് ആപ്പിള് സൈഡര് വിനഗര്. പക്ഷേ, മറ്റുള്ള വിനാഗിരിയില് നിന്നും വ്യത്യസ്തമായി ഇതിന് കുറച്ച് പോഷക ഗുണങ്ങളും ഉണ്ട്. അതുകൊണ്ട് തന്നെയാണ് ഇന്ന് പലരും ആപ്പിള് സൈഡര് വിനഗര് തങ്ങളുടെ ഡയറ്റിന്റെ ഭാഗമാക്കുന്നതും.
ഗുണങ്ങള്
ആപ്പിള് സൈഡര് വിനിഗര് പൊതുവില് ശരീരഭാരം കുറയ്ക്കാന് ആഗ്രഹിക്കുന്നവരാണ് പതിവായി അവരുടെ ഡയറ്റില് ചേര്ക്കുന്നത്. ചിലര് രാവിലെ വെറും വയറ്റില് ആപ്പിള് സൈഡര് വിനിഗര് വെള്ളത്തില് ചേര്ത്ത് കുടിക്കുന്നത് കാണാം. അതുപോലെ, സാലഡ് തയ്യാറാക്കുമ്പോള്, അല്ലെങ്കില് അച്ചാര് ഇടുമ്പോള് എല്ലാം ആപ്പിള് സൈഡര് വിനിഗര് ചേര്ക്കാവുന്നതാണ്. ഇത്തരത്തില് ആപ്പിള് സൈഡര് വിനിഗര് നിങ്ങളുടെ ആഹാരത്തില് ചേര്ക്കുമ്പോള് ഇത് ശരീരഭാരം കുറയക്കാന് സഹായിക്കുന്നുണ്ട്. ആപ്പിള് സൈഡര് വിനിഗറില് നാരുകളുടെ സാന്നിധ്യം ഉള്ളതിനാല് തന്നെ ഇത് വയര് നിറഞ്ഞ പ്രതീതി നല്കുന്നു. അതുപോലെ തന്നെ നമ്മളുടെ മെറ്റബോളിസം വര്ദ്ധിപ്പിക്കാനും അതിലൂടെ ശരീരഭാരം കുറയ്ക്കാനും ഇത് സഹായിക്കുന്നുണ്ട്. രക്തത്തിലെ പഞ്ചസ്സാരയുടെ അളവ് കുറയ്ക്കാന് ഇത് വളരെയധികം സഹായിക്കുന്നു. ഇത് പ്രമേഹത്തെ നിയന്ത്രിക്കാന് സഹായിക്കുന്നുണ്ട്. അതുപോലെ തന്നെ ദഹനം നല്ലരീതിയില് നടക്കാനും വിശപ്പ് നിയന്ത്രിക്കാനും ഇത് സഹായിക്കുന്നു. അതുപോലെ തന്നെ ഹൃദയത്തിന്റെ ആരോഗ്യം നിലനിര്ത്താനും ഇത് വളരെ നല്ലതാണ്. ശരീരത്തെ ഡീറ്റോക്സ് ചെയ്യാനും ഇത് സഹായിക്കുന്നുണ്ട്.
ഏതാണ് നല്ലത്
പൊതുവില് വളരെ നല്ല ഹെല്ത്തിയായിട്ടുള്ള ആഹാരമായാണ് ആപ്പിളിനെ കണക്കാക്കുന്നത്. കാരണം, അധികം ദോഷവശങ്ങള് ഇല്ലാത്ത ഒരു പഴമാണ് ആപ്പിള്. പക്ഷേ, ശരീരഭാരം കുറയ്ക്കാന് ശ്രമിക്കുന്നവര് അമിതമായി ആപ്പിള് കഴിച്ചാല് ചിലപ്പോള് അമിതമായി പഞ്ചസ്സാരയുടെ അളവ് എത്താനും ഇത് ശരീരഭാരം വര്ദ്ധിക്കാനും ഇത് കാരണമാണ്. അതുപോലെ നിങ്ങള്ക്ക് എന്തെങ്കിലും തരത്തില് അലര്ജി ഉണ്ടെങ്കിലും ഇത് നല്ലതല്ല. എന്നാല്, ആപ്പിളിലേക്കാള് കൂടുതല് ദോഷവശങ്ങള് ആപ്പിള് സൈഡര് വിനിഗറിന് ഉണ്ട്.
നമ്മള് കൃത്യമായ രീതിയിലല്ല കഴിക്കുന്നതെങ്കില് അത് അസിഡിറ്റി പ്രശ്നങ്ങള് വര്ദ്ധിപ്പിക്കാന് വളരെയധികം കാരണമാകുന്നുണ്ട്. നമ്മളുടെ ചര്മ്മം വല്ലാതെ വരണ്ട് പോകുന്നതിനും ചര്മ്മ പ്രശ്നങ്ങള് വര്ദ്ധിക്കുന്നതിനും ആപ്പിള് സൈഡര് വിനിഗറിന്റെ ഉപയോഗം കാരണമാകുന്നു എന്ന് തന്നെ പറയാം. അതിനാല്, കൃത്യമായ അളവില് ഒരു ദിവസം രണ്ട് ടീസ്പൂണ് മാത്രം ആപ്പിള് സൈഡര് വിനിഗര് ഉപയോഗിക്കുന്നതാണ് നല്ലത്. അതുപോലെ പലരും ശരീരഭാരം കുറയക്കാന് വെറും വയറ്റില് ആപ്പിള് സൈഡര് വിനഗര് ഉപയോഗിക്കും. ഇത് വയര് ആളികത്തല്, നെഞ്ചെരിച്ചില് എന്നിങ്ങനെയുള്ള പ്രശ്നങ്ങളിലേയ്ക്ക് നയിക്കാം. അതിനാല് എല്ലായ്പ്പോഴും ആഹാരത്തിന് ശേഷം മാത്രം കഴിക്കാം. അതുപോലെ, നേര്പ്പിച്ച് മാത്രം കഴിക്കണം. അതിനാല്, ആപ്പിള് സൈഡര് വിനിഗര് കഴിക്കുന്നതിനേക്കാള് ആപ്പിള് കഴിക്കുന്നത് നല്ലതാണ്. ആപ്പിള് സൈഡര് വിനിഗര് കഴിക്കണമെങ്കില് ഡോക്ടറുടെ അഭിപ്രായം തേടുന്നതും നല്ലതാണ്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
