ടിഎംസി എംപി മഹുവ മൊയ്ത്രയ്ക്കെതിരെ വീണ്ടും പരിഹാസവുമായി ബിജെപി നേതാവ് അമിത് മാളവ്യ

ഡല്‍ഹി: തൃണമൂല്‍ കോണ്‍ഗ്രസ് എംപി മഹുവ മൊയ്ത്രയ്ക്കെതിരെ വീണ്ടും രൂക്ഷപരിഹാസവുമായി ബിജെപി നേതാവ് അമിത് മാളവ്യ. പാര്‍ലമെന്റില്‍ ചോദ്യം ചോദിക്കാന്‍ കോഴ വാങ്ങിയെന്ന ആരോപണം ആവര്‍ത്തിച്ചാണ് പരിഹാസം. മമത മഹുവയെ കൈവിട്ടതില്‍ അതിശയിക്കാനില്ലെന്നും മമത ബാനര്‍ജി തങ്ങളുടെ പാര്‍ട്ടി നേതാക്കള്‍ അറസ്റ്റിലാകുമ്പോഴെല്ലാം മൗനം പാലിക്കാറുണ്ടെന്നും അദ്ദേഹം എക്സിലൂടെ ആരോപിച്ചു.

അഭിഷേക് ബാനര്‍ജി ഒഴികെ മറ്റെല്ലാവരേയും കുറ്റകൃത്യങ്ങളല്‍ മമത കൈവിടുകയാണ് ചെയ്യുക. ഗുരുതരമായ അഴിമതിയും ക്രിമിനല്‍ കുറ്റങ്ങളും ചുമത്തി നിരവധി ടിഎംസി നേതാക്കള്‍ ജയിലിലായിട്ട് പോലും മമത ബാനര്‍ജി മൗനം അവലംബിക്കുകയാണ് ചെയ്തതെന്നും അമിത് പറഞ്ഞു.

മഹുവയുമായി ബന്ധപ്പെട്ട വിഷയത്തില്‍ പാര്‍ട്ടിയ്ക്ക് ഒന്നും പറയാനില്ലെന്നും ഇതിനുള്ള മറുപടി ഏറ്റവും വ്യക്തമായി പറയാന്‍ സാധിക്കുക മഹുവയ്ക്ക് തന്നെയാണെന്നുമായിരുന്നു ഇന്നലെ തൃണമൂല്‍ കോണ്‍ഗ്രസ് കോഴ വിഷയത്തില്‍ ഔദ്യോഗികമായി പ്രതികരിച്ചിരുന്നത്. ഇത് ചൂണ്ടിക്കാട്ടിയായിരുന്നു അമിതിന്റെ പ്രതികരണം. പാര്‍ലമെന്റില്‍ ചോദ്യം ചോദിക്കുന്നതിന് മഹുവ, വ്യവസായിയില്‍ നിന്ന് കോഴ വാങ്ങിയെന്നായിരുന്നു ബിജെപി നേതാവ് നിഷികാന്ത് ദുബെയുടെ ആരോപണം.

https://www.youtube.com/watch?v=0QDq6iM6oHY

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം