അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സീതത്തോട്: ആങ്ങമൂഴി–ഗവി റൂട്ടിൽ കൊച്ചുപമ്പയിൽ കെ എസ് ആർ ടി സിയെ തടഞ്ഞു കാട്ടാന. പത്തനംതിട്ട–ഗവി–കുമളി റൂട്ടിൽ സർവീസ് നടത്തുന്ന ആദ്യത്തെ കെഎസ്ആർടിസി ബസ് കുമളിയിൽ നിന്നു മടങ്ങും വഴി ഇന്നലെ ഉച്ചയ്ക്കു 2.45ന് കൊച്ചുപമ്പ സബ് സ്റ്റേഷനു സമീപം വച്ചാണ് സംഭവം. ബസിൽ 15 യാത്രക്കാർ ഉണ്ടായിരുന്നു.
ഏകദേശം 25 മിനിറ്റോളം ബസ് ആനയുടെ മുന്നിൽ അകപ്പെട്ടു. ആന റോഡിൽ തന്നെ നിലയുറപ്പിച്ചതോടെ കുറെ സമയം ബസ് ശബ്ദം ഉണ്ടാക്കി നോക്കിയിട്ടും മാറാത്തതിനെ തുടർന്ന് പിന്നിലേക്കെടുത്ത് കൊച്ചുപമ്പ കാന്റിനു മുന്നിലൂടെയുള്ള റോഡ് വഴി പ്രധാന റോഡിലേക്കു കടക്കുകയായിരുന്നു.
also read..കണ്ണൂർ ചാലയിൽ യാത്രയ്ക്കിടെ ഇലക്ട്രിക് സ്കൂട്ടറിൽ നിന്ന് പുക
വളവിനു സമീപമാണ് ആന നിന്നിരുന്നത്. മൂടൽ മഞ്ഞ് കാരണം പെട്ടെന്ന് കാണാനും പ്രയാസമായിരുന്നു. ഇതിനിടെ ഒരു വാൻ വന്ന് ആനയുടെ മുന്നിൽപെട്ടു. അവരും കാന്റിൻ വഴിയുള്ള റോഡിലൂടെയാണ് ഗവിയിലേക്കു പോയത്. പത്തനംതിട്ട ഡിപ്പോയിൽ കണ്ടക്ടർ ബോബി ജോർജും, ഡ്രൈവർ ജയിംസ് മാത്യുമായിരുന്നു ബസിലെ ജീവനക്കാർ. ഗവി റോഡിൽ മിക്കപ്പോഴും കാട്ടാനയുടെ സാന്നിധ്യം പതിവാണിപ്പോൾ.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads- ൽ Join ചെയ്യാം
