അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കണ്ണൂർ : അത്യാധുനിക ഉപകരണങ്ങൾ ഉളള പഴയങ്ങാടി താലൂക്കാശുപത്രിയിലെ ലബോറട്ടറിയിൽ ആവശ്യത്തിന് ജീവനക്കാർ ഇല്ലാത്തത് രോഗികളെ ദുരിതത്തിലാക്കുന്നു. 2 മാസമായി ഈ ദുരവസ്ഥ. ലബോറട്ടറിയിൽ 5 ജീവനക്കാരുടെ സേവനം ആവശ്യമാണെങ്കിലും 3 ജീവനക്കാർ മാത്രമാണ് ഇപ്പോൾ ഉളളത്.
എൻആർഎച്ച്എം, കല്യാശ്ശേരി ബ്ലോക്ക് പഞ്ചായത്ത് എന്നിവ നിയമിക്കേണ്ട രണ്ട് സ്റ്റാഫാണ് ഇവിടെ ഇല്ലാത്തത്. ദിവസേന നൂറു കണക്കിന് രോഗികളെത്തുന്ന ആശുപത്രിയിൽ വിവിധ തരത്തിലുളള ടെസ്റ്റ് നടത്തേണ്ടതുണ്ട്.
ആവശ്യത്തിന് ജീവനക്കാർ ഇല്ലാത്തത് കാരണം പല ടെസ്റ്റുകളും കൃത്യസമയത്ത് നടത്താൻ കഴിയുന്നില്ല. ഇത് ഇവിടെ എത്തുന്ന രോഗികൾക്ക് വലിയ പ്രയാസമാണ് ഉണ്ടാക്കുന്നു. ഇത്തരത്തിൽ ടെസ്റ്റ് നടത്തുമ്പോൾ പ്രതിദിനം 15,000 രൂപയുടെ വരുമാനം ആശുപത്രിക്ക് ലഭിക്കുന്നുണ്ട്. ജീവനക്കാർ കുറയുന്നത് വരുമാനക്കുറവിനും കാരണമാകും.
ആശുപത്രിയിൽ നിലവിൽ എംഡിയുടെ സേവനം ഇല്ലാത്തതും ഡയാലിസിസ്, കിടത്തി ചികിത്സ എന്നിവയ്ക്ക് തടസ്സം സൃഷ്ടിക്കുന്നുണ്ട്. ആവശ്യത്തിന് ജീവനക്കാരെ നിയമിച്ച് ആശുപത്രി ലബോറട്ടറി പ്രവർത്തനം സുഗമമാക്കണം എന്നാണ് ആവശ്യം.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads- ൽ Join ചെയ്യാം
