കോഴിക്കോട്: ദുബൈയിൽ നടന്ന ഏഴാമത് ഫാത്തിമ ബിൻത് മുബാറക് ഇന്റർനാഷണൽ ഖുർആൻ മത്സരത്തിൽ മികച്ച പ്രകടനം കാഴ്ചവെച്ച് ആഇശ ഇസ്സ. ഖുർആൻ മനഃപാഠ മത്സരങ്ങളിൽ ലോകത്തിലെ ഏറ്റവും വലിയ പാരിതോഷികം നൽകുന്ന ദുബൈ ഇന്റർനാഷണൽ ഹോളി ഖുർആൻ അവാർഡ് സമിതിയുടെ ആഭിമുഖ്യത്തിൽ നടന്ന മത്സരത്തിൽ ആഇശ ഇസ്സയുടെ പ്രകടനം സദസ്സിനെ ഏറെ ആകർഷിച്ചിരുന്നു. ഏഴ് ദിവസങ്ങളായി നടന്ന മത്സരത്തിൽ കഴിഞ്ഞ ദിവസമാണ് ഇസ്സ മാറ്റുരച്ചത്. യുഎഇ, ജിബൂട്ടി എന്നീ രാജ്യങ്ങളിലെ മത്സരികൾക്കൊപ്പമായിരുന്നു ആഇശയുടെ പ്രകടനം. ഈജിപ്ത്, ഓസ്‌ട്രേലിയ, സിംഗപ്പൂർ, മലേഷ്യ, സിറിയ തുടങ്ങി 60 രാജ്യങ്ങളിൽ നിന്നുള്ള പ്രതിനിധികളാണ് ഇത്തവണത്തെ മത്സരത്തിൽ പങ്കെടുത്തത്.
സംസ്ഥാന ഹജ്ജ് കമ്മിറ്റി ചെയർമാൻ സി മുഹമ്മദ് ഫൈസിയുടെ മകൾ അസ്മയുടെയും മർകസ് സി എ ഒ, വി എം റശീദ് സഖാഫിയുടെയും മകളാണ് ഇന്ത്യയെ പ്രതിനിധീകരിച്ച് പങ്കെടുത്ത ആഇശ ഇസ്സ. ദേശീയ തലത്തിൽ നടന്ന മത്സരത്തിലൂടെ യോഗ്യത നേടിയ ഇസ്സ കോവിഡ് കാലത്ത് തന്റെ പത്താം വയസ്സിൽ ഖുർആൻ മനഃപാഠമാക്കി ശ്രദ്ധനേടിയിരുന്നു.
മൂന്നാം വയസ്സിൽ പൂനൂർ സഹ്‌റത്തുൽ ഖുർആനിൽ വിദ്യാർത്ഥിയായി ചേർന്നതോടെയാണ് ഖുർആൻ പഠനമേഖലയിൽ ശ്രദ്ധ നൽകുന്നത്. വീടിനടുത്ത് പെൺകുട്ടികൾക്ക് മാത്രമായി ആരംഭിച്ച ഖുർആൻ സെന്ററിൽ ഹാഫിള് സാബിത് സഖാഫിയുടെ ശിക്ഷണത്തിൽ 2019 ൽ ഖുർആൻ മനഃപാഠമാക്കാൻ തുടങ്ങി. കോവിഡ് കാലത്ത് ഓൺലൈനിലൂടെ ഈ പഠനം തുടർന്നു. 2021 ൽ മർകസ് ഖുർആൻ അക്കാദമി പ്രിൻസിപ്പൽ ഖാരിഅ് ഹനീഫ് സഖാഫിയുടെ ശിക്ഷണത്തിൽ 30 ജുസ്ഉം പൂർത്തിയാക്കി. 2022 ൽ മൂന്നുമാസം ഈജിപ്തിലെ കൈറോയിൽ ഖുർആൻ ദൗറക്ക് ചേരുകയും പൂർണമായി ഓതിക്കേൾപ്പിച്ച് സർട്ടിഫിക്കറ്റ് നേടുകയും ചെയ്തു. നാട്ടിലെത്തിയതിന് ശേഷം സ്കൂൾ പഠനത്തോടൊപ്പം ഖുർആൻ പാരായണ ശാസ്ത്ര പ്രകാരമുള്ള നിരന്തര പരിശീലനത്തിനിടയിലാണ് സ്ത്രീകൾക്ക് മാത്രമായി നടത്തുന്ന ദുബൈ അന്താരാഷ്‌ട്ര ഖുർആൻ മത്സരത്തിൽ പങ്കെടുക്കാൻ അവസരം ലഭിക്കുന്നത്. ആദ്യമായി ലഭിച്ച രാജ്യാന്തര വേദിയിൽ മികച്ച പ്രകടനം കാഴ്ചവെച്ചതിന്റെ സന്തോഷത്തിലാണിപ്പോൾ ഇന്ത്യൻ ഗ്രാൻഡ് മുഫ്തി കാന്തപുരം ഉസ്താദിന്റെ പൗത്രി പുത്രി കൂടിയായ ആഇശ ഇസ്സ.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
കോഴിക്കോട്: ദുബൈയിൽ നടന്ന ഏഴാമത് ഫാത്തിമ ബിൻത് മുബാറക് ഇന്റർനാഷണൽ ഖുർആൻ മത്സരത്തിൽ മികച്ച പ്രകടനം കാഴ്ചവെച്ച് ആഇശ ഇസ്സ. ഖുർആൻ മനഃപാഠ മത്സരങ്ങളിൽ ലോകത്തിലെ ഏറ്റവും വലിയ പാരിതോഷികം നൽകുന്ന ദുബൈ ഇന്റർനാഷണൽ ഹോളി ഖുർആൻ അവാർഡ് സമിതിയുടെ ആഭിമുഖ്യത്തിൽ നടന്ന മത്സരത്തിൽ ആഇശ ഇസ്സയുടെ പ്രകടനം സദസ്സിനെ ഏറെ ആകർഷിച്ചിരുന്നു. ഏഴ് ദിവസങ്ങളായി നടന്ന മത്സരത്തിൽ കഴിഞ്ഞ ദിവസമാണ് ഇസ്സ മാറ്റുരച്ചത്. യുഎഇ, ജിബൂട്ടി എന്നീ രാജ്യങ്ങളിലെ മത്സരികൾക്കൊപ്പമായിരുന്നു ആഇശയുടെ പ്രകടനം. ഈജിപ്ത്, ഓസ്‌ട്രേലിയ, സിംഗപ്പൂർ, മലേഷ്യ, സിറിയ തുടങ്ങി 60 രാജ്യങ്ങളിൽ നിന്നുള്ള പ്രതിനിധികളാണ് ഇത്തവണത്തെ മത്സരത്തിൽ പങ്കെടുത്തത്.
സംസ്ഥാന ഹജ്ജ് കമ്മിറ്റി ചെയർമാൻ സി മുഹമ്മദ് ഫൈസിയുടെ മകൾ അസ്മയുടെയും മർകസ് സി എ ഒ, വി എം റശീദ് സഖാഫിയുടെയും മകളാണ് ഇന്ത്യയെ പ്രതിനിധീകരിച്ച് പങ്കെടുത്ത ആഇശ ഇസ്സ. ദേശീയ തലത്തിൽ നടന്ന മത്സരത്തിലൂടെ യോഗ്യത നേടിയ ഇസ്സ കോവിഡ് കാലത്ത് തന്റെ പത്താം വയസ്സിൽ ഖുർആൻ മനഃപാഠമാക്കി ശ്രദ്ധനേടിയിരുന്നു.
മൂന്നാം വയസ്സിൽ പൂനൂർ സഹ്‌റത്തുൽ ഖുർആനിൽ വിദ്യാർത്ഥിയായി ചേർന്നതോടെയാണ് ഖുർആൻ പഠനമേഖലയിൽ ശ്രദ്ധ നൽകുന്നത്. വീടിനടുത്ത് പെൺകുട്ടികൾക്ക് മാത്രമായി ആരംഭിച്ച ഖുർആൻ സെന്ററിൽ ഹാഫിള് സാബിത് സഖാഫിയുടെ ശിക്ഷണത്തിൽ 2019 ൽ ഖുർആൻ മനഃപാഠമാക്കാൻ തുടങ്ങി. കോവിഡ് കാലത്ത് ഓൺലൈനിലൂടെ ഈ പഠനം തുടർന്നു. 2021 ൽ മർകസ് ഖുർആൻ അക്കാദമി പ്രിൻസിപ്പൽ ഖാരിഅ് ഹനീഫ് സഖാഫിയുടെ ശിക്ഷണത്തിൽ 30 ജുസ്ഉം പൂർത്തിയാക്കി. 2022 ൽ മൂന്നുമാസം ഈജിപ്തിലെ കൈറോയിൽ ഖുർആൻ ദൗറക്ക് ചേരുകയും പൂർണമായി ഓതിക്കേൾപ്പിച്ച് സർട്ടിഫിക്കറ്റ് നേടുകയും ചെയ്തു. നാട്ടിലെത്തിയതിന് ശേഷം സ്കൂൾ പഠനത്തോടൊപ്പം ഖുർആൻ പാരായണ ശാസ്ത്ര പ്രകാരമുള്ള നിരന്തര പരിശീലനത്തിനിടയിലാണ് സ്ത്രീകൾക്ക് മാത്രമായി നടത്തുന്ന ദുബൈ അന്താരാഷ്‌ട്ര ഖുർആൻ മത്സരത്തിൽ പങ്കെടുക്കാൻ അവസരം ലഭിക്കുന്നത്. ആദ്യമായി ലഭിച്ച രാജ്യാന്തര വേദിയിൽ മികച്ച പ്രകടനം കാഴ്ചവെച്ചതിന്റെ സന്തോഷത്തിലാണിപ്പോൾ ഇന്ത്യൻ ഗ്രാൻഡ് മുഫ്തി കാന്തപുരം ഉസ്താദിന്റെ പൗത്രി പുത്രി കൂടിയായ ആഇശ ഇസ്സ.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
